حبتنى حب مش طبيعى لدرجة انة كان ملحوظ من كل اللى يعرفنا لو ليا اخت ماكنتش هتعاملنى كدة كانت بتغير عليا من اى حد حبها ليا حب امتلاك لدرجة انها مش عايزانى اكلم اى حد من اصحابى الا هى ونفس الوضع لما اتخطبت كانت بتغير منه جدا عملت مشكلة معاها وقلتلها انا مش ليكى لوحدك لازم تتغيرى بس الاصعب انى اتعودت منها على حنان انا عمرى ما شفتة من حد بتفكر فيا قبل نفسها بتفضلنى عن اخواتها واهلها كلهم اتعودت ان انا كل حاجة عندها لدرجة انها قالتلى حاجة غريبة انها طول ما هى كويسة معايا هى مش محتاجة انها تتعرف على اى شاب او تتحب من اى حد زى اى بنت حسيت انها ولد بيحبنى ودة من طريقة حبها الزايد لان الاخت ما بتعملش كدة مع اختها ولا الصديقة طبعا اعطتنى حنية وحب الحبيب والاخت والام لدرجة انها كانت بتقولى انا بحس ان انتى بنتى لغاية ما انا كنت بتخنق من كتر تملكها ليا وخوفها الزايد وكنا بنعمل مشاكل طول 6 سنين اللى عرفنا بعض فيهم وكانت بتقضى وقت كبير جدا لاننا كنا فى الثانوية العامة ودخلنا كمان كلية واحدة لذلك مكناش بنفترق المشكلة انى بقيت مريضة لانى فجاة لقيت نفسى اتعودت على حنانها دة واهتمامها اللى ماكنش عاجبنى فى الاول بس اتعودت علية بدون قصد وانا اللى من حبها واخلاصها حسيت ان حبها دة ميروحش لحد تانى غيرى وبقيت قمة الانانية وبقيت بغير غيرة بريئة عليها لدرجة انى وصلت بيا انى مش عايزة مظهرها يبقى حلو ولا تهتم بنفسها عشان محدش يعجب بيها ويتقدملها وبالتالى اهتمامها اللى هى عودتنى علية هيروح لخطيبها او زوجها فبقت لما تقولى ان فى عريس بحس احساس فظيع وبموت من جوايا كل دة انا مستغرباة على نفسى لان انا ماكنتش راضية بدة منها اصبحت انا بطبقة بالظبط دلوقتى خلصنا كلية وانا قررت انى اقاطعها للابد عشان اقدر اتخلص من ضعفى دة وان انا كدة اصبحت مريضة نفسيا المشكلة انها جت عيطت قدام اهلى ومش قادرة تبعد عنى بس دة لان مفيش حد فى حياتها غيرى لكن اول ما تتخطب هتبعد تتدريجيا انا ساعتها هتعب جدا فانا مش عايزة اللحظة دى تيجى وانا معاها لانى مش هستحمل فقلتلها انا عايزة اقطع علاقتى بيكى لللابد سالتنى لية قلتلها حاجة بينى وبين نفسى تخصنى ومش صارحتها بس الكل حتى اهلى بيقولوا عليا غدارة ومش مخلصة لانهم مش يعلموا اللى جوايا مش يعرفوا غير الظاهر فقط دلوقتى هى فى حالة بؤس وممكن يجرالها حاجة بسببى وانا مش قادرة اتعامل لانى كل ما بشوفها بحس انها السبب فى اللى حصلى وان انا بقيت كدة مريضة نفسيا فى حاجة بتقول الشئ الزائد عن حدة بيتقلب لضدة وانا دلوقتى بقيت ضددها وفى نفس الوقت اهلى معاها وبيقولولى عمرك ما هتلاقى صديقة تحبك كدة ودة فعلا بس هى بحبها دمرتنى اعمل اية قولولى حل اتعامل معاها ازاى ومع نفسى المريضة ازاى امانة عليكوا افيدونى انا اسفة انى طولت الحوار بس دة اللى جوايا
مشاكل البنات النفسية
صديقة حبتنى كثيرا كانها شاب ولكنها ضرتنى بحبها
اضيف بتاريخ: Wednesday, September 15th, 2010 في 13:15
كلمات مشاكل وحلول: الثانموية العامة, حب, عريس, مشاكل, مشاكل البنات
ههههههههه سبحان الله ياريت كل بنت وشاب يحب بعض كده والله مش عارف ارد أقولك ايه واحدة زي دي ما تستاهل كده لو كانت حالتها النفسية طبيعية والحب ده صداقة يبقى هي فعلا المفروض تلاقي منك معاملة احسن من كده وسبحان الله انتي حصلك كده ده معناه انه مش مرض ولا حاجة انتي حبتيها جدا زي ما بتحبك ليه غير علشان تقديرا لحبها ليكي قربو لربنا ومش عارف اقولك ايه بس لو سألتي علماء في الاسلام والله هيجيبوا الحل لان دينا عظيم وما ترك اي شئ غير لما جاوب عليه
انا كان ليا نفس المشكله مع خطيبتي اللي كنت بموت فيها وكانت صحبتها مريضه نفس المرض النفسي ده
ومتعلقه بيها وكانها ولد لدرجة ان الكلام بينهم اصبح كانه كلام بين ولد وبنت بيحبوا بعض والاتنين بيشتغلوا في اماكن مهمه ومركز كويس طبعا انا لاحظت ان خطيبتي لما شافت صحبتها صدفه فالشارع وهي معايا قامت جريت ودخلت في شارع جانبي علشان متشفهاش ولما شافت علربيه شبه عربيتها فرملت قدمنا في يوم تاني شدت ايديها من ايدي واحنا ماشيين من خضتها
طبعا الموضوع تطور وانا حاولت افصلهم عن بعض كذا مره بيرجعوا يكلموا بعض لدرجه مرضيه تثير الغثيان وحصلت مشاكل بينا لدرجه اني شفت ايميل بينهم بيتفقوا علي انها تقطع علاقتها بيا بالرغم من اني شخص محترم واني بحبها وبعملها كل اللي هي عاوزاه بس في نفس الايميل قالتلها
انها مش عارفه هي عاوزه ايه من الدنيا ديه وتعبت
انا كنت شايف ان الحل في قطع العلاقه من جذورها وميبقاش حتي في اي اتصال وكانت بتبقي في احسن حالتها وهي بعيد عن صحبتها
طبعا كانت النهايه مأساويه اننا واحنا بنحب بعض بعدنا عن بعض بسبب واحده محبتش الخير لصحبتها و هدمت حياتها وفسخنا الخطوبه ومش عارف هما رجعو لبعض ولل لأ بس ربنا يشفيهم
وانا عمري ما هسامح صحبتها علي اللي عملتوا في حياتنا ابدا ..
السلام عليكم
اختى الفاضله الحب ليس عيبا والحب من نوع طبيعى ليس فيه اى مشكله اما ما تحكين عنه فهو مشكله مرضيه تحتاج لعلاج وانتقل ذلك اليك ليس من ارتباطك بها ولكن من تعودك على ذلك الاحساس انها تعطيكى كل شئ وايضا لانك داخليا يحدث لك هواجس نفسيه تصور لكى انكى غدارة او انانيه او غير ذلك
نصيحتى تروحى لطبيب او اخصائى نفسى تربوى وهو ده الحل الامثل وما اكثر الاخصائيين النفسيين التربوين لانه دى مشكله سلوك ليس اكثر
د.عمرو
بصراحة انا مش قادر افهم ايه نوع العلاقة اللى بينك و بينها و لكن اعتقد ان هناك امور خافيه انتى لم تخبرينى بها عن نوع العلاقه الحقيقيه لذلك لن تجدى حالا صحيح اللى بالصراحه لذلك انصحك بالصدق و الصراحة حتى تسطتيعى حل مشكلتك
ما فيش شك دا مر نفسي منها ومنك والحل العلاج مش القطع..اولا تحاولي تشريكها معاكي ف الكلام دا اللي انتي بتقوليه لنفسك وقللها ع التعلق النفسي اللي انتي حاسه وانه مدمر كلامكم مع بعض هيغير حاجات كتير……..لما تيجي تكلميها ماتتكلميش ف الاحساس كلميها ف الواقع عن امور الحياه…… ولازم تكلميها بحيث تفهم انكم مرضي نفسيين دا هيغير الوضع…….لازم تشريكيها معاكي ف تغير اهتماتكم مثلا تروحوا دروس دنيه وتقرو قران وتسمعوا اناشيط ودروس ف النت دينيه…..دا كله هيغير الوضع
الصراحة أختي العزيزة من رأيي إنك تسيبيها .. لأن ده انفع لك وانفع لها ولو استمريتوا حتضروا بعض.. والحب الزائد والغيرة دول مش ليهم لازمة واتقي الله في طريقة صحبتك للبنات وخافي على مصلحة صحبتك ومش معناته إنك بتحبيها يبقى تغرقيها في البحر معاك.. بالعكس لازم تحافظي عليها حتى ولو أدى ده للفراق .. فأم سيدنا موسى عليه السلام ألقته في النهر خوفا عليه وليس كرها له لينجيه الله من ظلم فرعون..