ضحيت علشانه وفالاخر ضحى بيا

المشكلة دى بتخص واحدة صحبتى والكلام ده على لسانها هيا انا لما حكتلها على الموقع قالتلى انزل المشكلة فيه
انا اتردد كتير قبل ما اكتب المشكلة هنا بس لما قريت مشاكل كتير قووى ولاقيتكم بتحلوها قولت اقولكم مشكلتى يمكن تقدروا تساعدونى لانى فعلا محتاجة قووى ان حد يساعدنى
من سنة تقريبا اتعرفت على ولد من النت هو يبقى قريب واحدة صاحبتى وانا كنت عارفاه من زماان بس مكنش فى بينا كلام خالص المهم اتكلمنا مع بعض وهو كان مرتبط ب واحدة تانية وبعدين فضلنا يجى اكتر من 3 شهور مبنتكلمش خالص وانا فى الوقت ده ارتبط وبعدين رجعنا نتكلم تانى بس هو كان ساب البنت اللى ارتبط بيها وبعد مكلمنا بعض بأسبوعين انا كمان سبت حبيبى بس هو مكنش ليه اى علاقة لان كان فى بينا مشاكل كتير علشان بس محدش يفتكر انى سبت حبيبى علشان قاريب صحبتى .. المهم فى شهر 6 اللى فات قالى انه بيحبنى وانا كمان صارحته بحبى ليه وارتبطنا ببعض كانت فى بينا مشاكل كتير بسببى وبعدين فيوم كنت بتصل بيه فى شهر2 اللى فات مكنش بيرد عليا وعرفت ساعتها انة كده خلاص بيقولى مش هينفع نكمل بعديها بشهر كلمنى وقالى انة بيحبنى جدا ورجعنا لبعض لانة كنت لسة بحبه وبعد مرجعنا بأسبوعين بالظبط كنت بساله هو ليه مبيخافش عليا ولا بيتصل يطمن عليا راح قالى انتى بقيتى بتتلككى واحنا مينفعش نكمل مع بعض علشان مش متفاهمين وكفاية قوى لحد كده !! وحتى مدنيش فرصة انى اتكلم وبعد اسبوع عرفت انه ارتبط بواحدة تانية وسمعت انه قال انه مش بيحبها بس ارتبط بيها علشان شاف فيها حاجات كتير مش موجودة فيا !! كل مقول لحد الموضوع ده يقولى هو مكنش بيحبك حتى صحبتى اللى هيا قريبته قالتلى انه مش بيحبنى بس انا واثقة انة كان بيحبنى والله كان بيحبنى بس ايه اللى حصل معرفش ودلوقتى عاملى بلوك على الفيس  بوك انا تعبانة قووى بجد ارجوكم حد يساعدنى انا بس كان نفسى افهم هو ليه رجعلى طالما مش بيحبنى !

مشاكل وحلول ذات صلة

• عايزه كلام يقنعني انو الحب بالنت كدب
• قطع علاقتي معه لان الحب حرام
• كل ما يوعدني انه ها يتقدملي يختفي
• حبيته من قبل ما اشوفه اصلا ولا اتكلم معاه
• كيف ممكن يخطبني؟
• كنت ببعدوا عنى وبتعمد اكرهه فيا
• نفسى ارجعلها واتقدملها بس خايف