انا فتاة عمرى 22 سنة احببت شاب كان معى فى الجامعة كنت احبة جداا لدرجة انى كنت لا ارفضلة طلب كان لو قلى ارمى نفسك فى البحر كنت رميتة كنت هبلة وعبيطة كنت فاكرة انة بيحبنى مكنتش اعرف انة كان بيمثل علية عشان ياخد الى عايزو خد كتير اوى منى حاجات غالية اوى على كل بنت بدون دخول فى التفاصيل لانى مش حبة افتكر وسبنى بعد كدا بحجة ظروفة انة ميقدرش يرتبط دلوقتى ومقليش انا عرفت من اصحابة الى كانو معانا فى الجامعة بس كنت مصدومة ومكسورة ان عملت كل حاجة معاه وفى الاخر سبنى وهو كان بيقول انة عمرة مهيسبنى لانة بيحبنى
مشكلتى دلوقتى انى مخطوبة لشاب احمد اللة علية محترم بس مبيعرفش اى حاجة عن الكلام دا بس خايفة اقولو يسبنى وانا حبيتة جداا ومبقاش عندى ثقة فحد تماما برغم من انة محترم جداا يعنى بشك فية بحس انة هيسبنى فاى وقت مش عارفة لية برغم من انة بيحبنى هو كمان بس يمكن عشان الى حصلى قبل كدا هو الى مخلينى كدا ارجو الحل
السلام عليكم
اختى الفاضله / ما تحكيلهوش اى حاجه ربنا سترك ما تفضحيش انتى نفسك استغفرى وتوبى وعاهدى ربنا انك تصونى الانسان المحترمه ده وتحافظى عليه وتعفيه وتعفى نفسك
ربنا يسترنا ويسترك
د.عمرو
السلام عليكم
انا راى اذا كنتى لسة بنت يعنى عذراء وبنت بنوت ما تصارحيه بحاجه خالص واطوى الصفحة دى نهايئا واستغفرى ربك وحافظى على نفسك مستقبلا واستفيدى من التجربة دى رغم مرارتها
اما اذا كنت غير عذراء ممكن تصارحيه واتركى الخيار له مع انو الموضوع دا صعب على اى رجل شرقى انو يتقبلو
سدد خطاى اختى وانار دربك
الولا بالنسبه للثقه مينفعش حد يثق في حد ميه في الميه – ثانيا استخيري ربنا الاول – ثالثا رأيى طبعا طبعا طبعا لازم تحكيله بس بحكمه وخليكي لبقه دجا وحاولي متجرحهوش وفهميه اد اي كنت طيبه وبتحبيه ومكنش قصدك سوء وبرااااحه خالص وواحده واحده خلي هو ياخد الثقه فيكي حتا تثبتي لنفسك ان لسا في ثقه وامان في الدنيا ميمكن هو كان في موقف مكانك اكيد كنت هتحبي انه يحكيلك وكنت هتسامحيه عشان انت محترمه وطيبه وهو زيك – ابقي طمنينا بس ربنا معاكي ياااااااااارب
ربنا ستر عليكي استرى علي نفسيك
والله انا رايي انك تعرفيه والى يحصل يحصل
بس مش اى حد ممكن يسامح الا لو هو عارف كويس انك مخلصه
والله لو كان مقتنع بيكي ويثق فيكي احكيلو على الماضي وهو ان شاء الله يسامحك
لو مش هيوافق خلاص ماتقوليش وانتى قلتى انك عزراء بس الاهم توبي الي الله توبه فعليه
مش كلام وبس
اوعى طبعا تخبريه بالحقيقه المره ديه وبعدين لو انتى طيبه الطيبون للطيبات وربنا هيوفقك ول محصلش نصيب يبقى المحترم ده ربنا نجاه منك
الي صاحبه المشكله . ان الله سترك فلا تفضحي حالك ولا تخبريه لانه مهما كان يحبك فلن يقبل ع نفسه ذلك كرجل ولو اكمل الزيجه ستكونين دائما محل سشك. فاستغفري الله ان الله وحدي هو الغفور وواسع المغفره. ابدئي صفحه جديده مع الله ومع خطيبك ونفسك وصوني زوج المستقبل ولا تكرري ماحدث معه. وربنا يحفظك
اخاختى الغاليه تحيه طيبه وبعد
بعد السلام عليكم ورحمة الله وبركاتهاحب ان اقول لكى كلمه بسيطه بلغت على لسان رسول الله صلى الله عليه وسلم فيما معناها من غشنا فليس مناهل تريدى ان تبنى بيتك على غش اترك هذا لكى بعدها تقررين المصادقه مع شريك حياتك ام لا فان فى المصادقه نجاه من كل بلاء ووفقك الله لما يحبه ويرضاه
الى صاحبة المشكلة اياكي وان تخبري خطيبك بهذا الآمر .. وحاولي ان تبعدي هذا التفكير عن عقلك نهائيا واتركي هذا ألامر الذي جرى لك كعبرة بينك وبين نفسك وتوبي التوبة النصوحة واعلمي ان الله قد عوضك خيرا منه .. لذلك اجعلي هذا ألآمر تأنيب للضمير بنيك وبينك نفسك واجلعي هذا الآمر ايضا التوبة التي لا رجعة عنها وابعتدي كل البعد عن الحرام وضعي خطيبك الذي سكون زوجك بعيونك وبقبلك امام الله
لو كنتي متجوزاة عرفي او ما شابهة يعني حاجة ممكن تتعرف بعد الجواز طبغا انتي فهمة قصدي فلازم لازم يعرف ام لو لا فربنا امر بالستر واستغفري الله وعملرك ما تخونية ابدا ولا تخبي علية اي حاجة فيما بعد بس اوعي يكون الاولاني يكون وحش ويروح يقولة او يسلط حد علي كدة وربنا يعملك اللي فية الخير
حبيبتي اني اقترح عليك ان تصارحيه لكن ليس بالحقيقه المطلقه يعني شوفي شو الشيى الذي يستطيع ان يستوعبه قولي ولي تشوفي لا مش حيفهمو, لوني بالون الي يشوفه ويفهمه. هذا كله ليش علشان اذا سمع بالموضوع من بره حيكون عندوا علم. ولمه ييكوا يقولو اي شيى حته لو كان شيى انت متفضليش يسمعوا هو مش
حصدقهم لان هو سامع الموضوع منك بالاول وحيفتكر انهم بيحاولو يفرقو بنكم. شوي الفكره شريره بس صدقيني مش حيتفهم الحقيقه المطلقه لو مهما كان متفهم راح يظل يعيرك اذا لا سامح الله وصارت مشكله.
لازم يعرف انت كدة بتضحكى علية وهتحسى بالذنب
hkلا انصحك بان تخبريه ولكن توبى الى ربنا واستغفريه وده درس تحافظى على نفسك بيه بعد ده ربنا حليم ستار وربنا يوفقك ان شاء الله
انا صاحبة الموضوع شكراا على ردكم لية وانا لسة عذراء يعنى كانت قبلات واحضان فقط بس بالنسبة لية كانت شئ غالى علية اوى وفرط فية لانها امانة علية كنت احافظ عليها لحد ما اتزوج ابن الحلال ولكن اخطئت وربنا يسامحنى وبندم لحد دلوقتى وبطلب التوبة
للاسف انا مضطر اقول وجهة نظرى اولآ انتى متنفعيش تكونى زوجه لانك سلمتى لواحد اكيد هتسلمى لغيره حتى بعد الزواج ايه الحب ده على فكره مافيش حد بيعرف يحب كل شاب وفتاه عايزه تعيش الحياه فقط خروج هزار هبل بوس احضان الخ الخ ……….. فى بنت فكرت فى باباها اللى فى البيت ولا مامتها ولا اخوها لما يعرفو هايعملو ايه اولآ لوليها اخ راجل ده تعتبره ميت لو عرف اكيد هايموت اللى عمل كده فى اخته بس لو راجل ممكن اعرف ليه البنات كده ممكن انا بسبب البنات عندنا فى الجامعه رافض الزواج بجد والله ايه هايحصل لو كل بنت احترمة نفسها واهلها اللى فى البيت ايه هايحصل ممكن اعرف ده عيب البنات ولا اولياء الامور ممكن اعرف كل اللى هاقدر اقوله الحمد لله الذى عفانى
انا مش هتكلم كتير في الموضوع دة بس لو انتي عذراء يبقى تفتحي مع ربنا صفحة جديدة وتندمي على كل اللي فات من اى حاجة عصيتي ربنا فيها وبعد الندم تتعلمي من الغلط اللي حصلك زمان وتحاولي تكتشفي ازاى تعيشي مع خطيبك اللي بيحبك حياة كريمة وتنسي الحزن وتسعدي في حياتك الجاية باذن الله ,اما لو كنتي مش عزراء يبقى لازم تقولي لخطيبك عشان هو هيبقى جوزك وساعتها هو اللي هيبقى ليه القرار اذا كان هيسيبك او هيقدر توبتك ويكمل معاكي وتعيشي معاه حياه محترمة وكريمة…….اتمنى ان يكون كلامي فيه حتى لو جزء من الصحة والمنطق
بصى بصراحه كده انتى المفرود تقوليلو اذا كنتى انسه او مدام على شان مايجيش يعرف من بره وتبقى عملتى الى عاليكى وربنا يوفقق
انا افهم من كلامك انو اخد اغلي ما تملكين يعني في الاحوال خطيبك حيعرف صح شو في اي شي او اي غلاقه نمبني علي الصدف والصراحه زي الاساسالامتين يعني انا بنظري انو كل فتاه بتخطئ وعندها مرحلة مراهقه وهاد لا يعني نهاين العالم بس الوضوح والصراحه مطلو بين وانا كان هاد الانسان بلفعل بحبك هو رح بلبدايه ينرفز وممكن حيبعد بس ممكن كمان حيحنرمك علي الصراحه والوضوح وصدقيني انو ربنا صنعتو الستر وازا هاد الانسان مكطتوب يكون نصيك ما في حد رح يفرقكم وربنا الموفق
اولا : لابد من التوبة الصادقة مع الله واصلحى من علاقتك مع الله ، ولابد أن تسالى الله الصفح اولا وليس الخوف من خطيبك ،فاذا وصلتى الى هذه المرحلة من الخوف من الله فسوف ييسر الله لكى الامر ويهونه عليكى ، وثانيا :لابد من المصارحة مع خطيبك وهذا أهم جزء ،واعتبرى هذا عقاب لذنبك الماضى مهما كان رد فعل خطيبك ، وأنا اخصائى نفسانى وتعرضت لكثير من هذه المشكلات والحمد لله كانت حلولى ناجحة عن تجربة ***** وأذكرك لابد من الاعتراف . وربنا يسعدك وعفا الله عما سلف .
لا انصحك ابدا يا اختي ان تخبري خطيبك عما جري لك في الماضي و لكن اطوي هذه الصفحه و انسيها للابد ولا تجعليها تسيطر عليك وعلي تصرفاتك – لاتبريه في جميع الظروف سواء عذراء او غير ذلك – ربنا ستر عليكي ليه تفضحي نفسك وصدقيني انتي ممكن تكوني انسانه كويسه جدا و توبتك ربنا قبلها وتاب عليكي بس لو قولتيله هيشك فيكي طول حياته معاكي ده في حاله لو تم الزواج – لو انتي مش بكر اعتقد انك تستري علي نفسك بالطريقه اللي تشوفيها صحيحه يبقي افضل وفي النهايه ادعو الله ان يبارك لكم ويتوب عليكي ويجمع بينكم في خير وسعاده.
اختى لو انتى لسه عزراء انسى كل الى راح وعيشى حياه جديده انما لو انتى زاى مابتقولى كله كله فهمنى انتى راح لازم يعرف …. والله المستعان
اختي العزيزه لا اتحدث معاكي علي ما مضا فكنا خطاون وخير الخطاين التوابين توبي الاول من ذنبك وعايز ااقولك ان ربنا سترك ما تفضحيش نفسك ولا تعرفي حد باللي حصل لانه لو عرف اكيد هيسيبك فزي مابقولك ربنا سترها معاكي ومحدش يعرف بس ياريت ماتغلطيش نفس الغلط ده مع خطيبك وربنا يسترها عليكي وعلينا
وانتي تسيبيلو نفسك ليه اصلا انتي كده غلطانه
و كده خطيبك حرام عليكي قوليلو و شوفي هو هيعمل ايه لو بيحبك هيسمحك
اذا كنتى لسه عذراء لا تخبريه شىء و استغفرى ربك و توبى اليه و ادعوه ان يغفر لكى خطاياكى ام اذا كنتى غير عذراء فانصحك ان تخبريه بفقدك لعزريتك و دعيه هو ان يقرر الاستمرار من عدمه
مع ملاحظه انه قي يوافق على الخطوبه و يبدء هو الاخر فى اشياء منك فلا توافقى لان وقتها سيظن بك انك سورى فى الكلمه
علشان امورك تتيسر وتحسي بالسعاده ويتشال من بالك الخوف قربي من ربنا واتقى الله ف نفسك وفيه