مشاكل الثانوية العامة

طريقه المذاكرة في الثانوية العامة

اضيف بتاريخ: Friday, July 29th, 2011 في 06:12

كلمات مشاكل وحلول: الثانوية العامة, مشاكل الثانوية العامة

40 رد to “طريقه المذاكرة في الثانوية العامة”

1. أحمد

   

   02/07/2013 at 13:04

   السلام عليكم و رحمة الله و بركاته أنا عندى حالة نفسية و عايز أعرضها على حضراتكم وهى أنى أمر بفترات من الضيق و الاكتئاب و لا أدرى ما السبب فما الحل بالله عليكم
2. أحمد

   

   02/07/2013 at 13:00

   السلام عليكم و رحمة الله و بركاته أقسم بالله أفضل شىء لحل مشاكل الثانوية العامة هو الرجوع الى الله ثم الأخذ بالأسباب ومنها 1.التركيز عن طريق البعد عن الاماكن التى تشتتك وتنظيم الوقت و عمل جدول لمذاكرة كل مادة وكن عنجك هدف وضعه أمامك دائما والسلام عليكم
3. ابراهيم

   

   30/04/2013 at 18:32

   (اللى عاوز حاجة هيعملها) دي انسب كلمة لاي واحد مرعوب
4. Remo

   

   25/12/2012 at 11:33

   انا فى اولى ثانوى بس مشكلتى ان انابنسى اللى بذاكره ومش بفتكره خالص كانى ماخدتش حاجة وخصوصا الفيزياء بنساها بسرعة اوى بس مشكلتى الاكبر الانجليزى انا مش شاطرة اوى فى الانجليزى يعنى متوسطة بس لان انا مش بعرف اذاكره ازاى ومفرض ابقى كويسة فى الانجليزى عشان السنين اللى جاية بس مش عارفة اذاكره ازاى واقاوم النسيان ازاى؟؟؟؟؟
5. احمد

   

   20/11/2012 at 09:45

   السلام عليكم انا فى اولى ثانوى ومش عارف اذاكر بذهق بسرعه من المذاكره ومش بعرف احفظ بنسى بسرعه رهيبه وانا كنت الاول طول السنين اللى فاتوا فخايف احسن مش ابقى كدا على طول وفى مواد بأخذ وقت طويل علشان افهمها بس اما مشكله الحفظ فأنا فعلا محتج حل ليها بس كل الناس بتخوفنى من الثانويه انا نفسى ان شاء الله ادخل كليه طب بس الناس بتقول علمى صعبه وعايزه الذكى قوى وانا مش ذكى فعلشان كل المسببات دى انا بدأت احبط خالص مش بقيت ااكر خالص بحس ان المذاكره ملهاش لزمه علشان بنسى بسرعه وفى حاجات مش بفهمها فبقول ليه اتعب نفسى بجد انا عايز حل ضرورى ويكون حل حلو علشان انا مش فتحت كتاب لغايه دلوقتى وخاااااااااااااااف قوى والله ارجو الرد
6. dina

   

   02/08/2012 at 13:20

   لو سمحت حديرد عليالازم الواحد يكون الذكاء بتاعه عالي لو في علمي
7. dina

   

   02/08/2012 at 13:17

   اناكنت عايزة اعرفهوالواحد اللي لما يجييدخل علمي لازم يكون ذكي قوووي ولو مش ذكي يدخل ادبي
8. شوشو

   

   16/05/2012 at 14:59

   على فكرة الثانوية العامة مش جريمة هى حاجة ظريفة جدا وامتع وقت بنعيشة بس توكل على الله وسييبها علية وذاكر وراء الاستاذة ولو انت حطيت ادامك هدف تحققة عمرة ما هيبقى صعب انا لسة مخلصة اولى ثانوى وجيبة النتيجة وحلوة الحمد لله ولو انت ذاكرت مش هتلاقى حاجة صعبة ابدا وبخصوص تانية انها اطبقت سنة واحدة دة لية مميزات ولية عيوب زى كل حاجة فيها الحلو وفيها المش حلو طبعا فيها الاجتهاد والتعب سنة واحد مش سنتين زى كل مرة ب هيكون تعب جامد ولازم تذاكر لانها هتحدد مستقبلك كلة علشان الجامعة طبعا وانا امنيتى انا اكون دكتورة طبعا مش طب اكيد صيدلة لانة احساس حلو لما تحس لما تحس انك عطيت دواء لمؤيض وطاب على ايدك
9. رنيا

   

   03/02/2012 at 22:21

   انارنيا اولى ثانوى شاطرة وبحب كل المواد بس المشكلة الرياضة اريد حل
10. شروق

    

    04/01/2012 at 18:25

    انا ان شاء السنة دي اولى ثانوي واول مرة احس اني مش عارفة اي حاجة في اي حاجة بس في ناس كتير بتقولي اولى ثانوي مالهاش لزمة المهم تانية وتالتة بس انا ان شاء الله كلية هندسة
11. mohamed salah

    

    16/11/2011 at 02:41

    اناياجماعهفي 2 دلوقتي وقلقان قوي من الامتحنات والمشكله اني انا بزاكر بس مش عارف انظم وقتي ياعني ممكن اليوم كلو يضيع في مادتين والماده التانيه مخاصهاش وبحس ان اليوم بيجري بسرعه مني ومبلحقش اخلص المواد الي انا ختها فبطر اجل لليوم الي بعدي فيرب لو حد عندو حل للمشكله دي يقولي
12. safe

    

    10/10/2011 at 10:25

    انا في تانيه ثانوي بس مش عارفه اذاكر من كتر الدروس والفيس بوك والله اتخنقت بجد وبحفظ وبنسي علطول مش عارفه ايه الحل ؟ لو سمحتم حد يفدني وبالذات انا حلمي ادخل اعلام ومش عارفه حاسه اني مش هجبها
13. عاشق الرياضيات

    

    02/09/2011 at 04:54

    انا بردوا رايح اولى ثانوى وخايف زيكوا بالظبط بس مش خايف انى رايح اولى ثانوى خايف من 2 و 3 ثانوى جدا خصوصا لانى نفسى ادخل كليه هندسه ان شاء الله وربنا يوفق الجميع وربنا معانا
14. نانا

    

    14/08/2011 at 01:49

    بصى بقى نا رايحة سنة تالتة وسنة اولى دى مش مهمة خالص خوديها مراجيح ولعب وقضيها بس فكرى بقى فى تانية وتالتة انا جبت فى تانية 96% بصى فكرى فى اللى بعد كدا الا صعب هيا مخش صعبة ولا حاجة مع المذاكرة كله سهل وعلى فكربة الكيميا مش صعبة خالص خالص بس ركزى فيها اووووووووى اوى وخدى مع مدرس كويس يحببك فيها
15. عطرشان

    

    13/08/2011 at 23:40

    انا بقى رايحة تانية السنة دى
    وبرده قاعدين يرعبونى
    بس اهم حاجه خدى سنة اولى دى لعب ومراجيح
    لانها عاملة زى فترة الخطوبة هتعدى تفتكريها طول السنتين الجايين
    وهتندمى لو خاتيها جد اهم حاجة النجاح مش مهم التفوق فى سنة اولى

    نصيحة مجرب
16. انا سعد الدالى انتوا مين

    

    12/08/2011 at 08:10

    ياجماعة انا فى اعدادى هندسة ومكنش عندى خبره خالص وانا فى الثانوية لكن فكرت ولقيت انى اذاكرلا اذاكر ولما اخلص المناهج فى شهر 3 اقعد احل يوميا امتحان فى كل فرع كل يوم وهاجيب اعلى المجموع وفعلا قعت تلت شهور اخحل يوميا امتحان فى كل فرع وجبت 958.5 ودخللت حلمى حياتى انى اكون زى سعد الدالى
17. منة

    

    12/08/2011 at 03:17

    انا بردو زيك رايحةاولى ثانوى ومرعوبة بجد كل اللى حواليا بيخوفونى اوووووووووى ثانوى بقى وصعب وانا نفسى ادخل كلية الطب وخايفة مجيبش مجموعها بس احنا نقرب من ربنا ونصلى ونقرأ قرأن ونذاكر كويس وبجد ونبعد عن اى حاجة تشغلنا وعن اصدقاء السوء واحنا ان شاء الله هنحقق اللى احنا عاوزينو ربنا معانا يا رب
18. سيكا..

    

    10/08/2011 at 09:24

    اولا .. اولة ثانوى هى مرحلة للتعرف على نظام الثانوى يجب اخزها بجدية ولكن بدون تعب ولا مشقة ولا عناء يعنى تاخديها باعتبار انها تأسيس وفى نفس الوقت علشان مش تزهقى من السنين اللى جاية … عرفتى .. اولا مش محتاجة تعب بس محتاجة فهم لانها هتفيدك اوى فى تانية … ثانيا واهم حاجة تانية ثانوى ودى هى المصير والمستقبل وكل حاجة لان اصلا تالتة تحصيل حاصل .. تانية لازم تاخديها فى العشر شهور بتوعها بسلالم المجد يعنى ؟ اول شهر تتعرفى ع المنهج تانى شهر تبدأى تذاكرى وهكذا حتى نوصل لشهور المراجعة ونبدأ اول شهر المراجعة عادى ونتعرف على اسلوب المراجعة ثم بعد ذلك بجدية اكتر ثم الى اخر شهرين قبل الامتحان يجب الجدية والمشقة علشان تتعب سنة وتبنى مستقبلك كلو وبعد ذلك ييجى الامتحان ابقى قوليلى ع النتيجى وهاتيلى الساقع ماشى … انا مش بهزر … ههههه … نييجى بقى لتالتة هى اتفه حاجة بس طويلة شوية هى تعتبر كمالة عدد او زيادة رز او ملهاش لازمة لانها لو تعبتى تلتين التعب بتوع تانية هتبثبتى على مجموعك ومش هيتقسم ولا هتقلى وممكن تزيدى كمان … هااااااااا فهمتى …. ولو طبقتى ده هتفتحى عيادة وهتبقى دكتورة واجى اكشف عندك ببلاش ماشى … متفقين !!!
    اى استفسار تانى عن الفروع العلمية والادبية انا موجود
    وشكرا
    … سيكا …
19. طالبة ضاعت بسبب كلام الناس

    

    10/08/2011 at 00:41

    بصى يا بنت الحلال الثانوية العامة دى من اهيف ما يمكن بس كلام الناس هو اللى ودانى فى داهية كلام الناس هو اللى خوفنى من الثانوية العامة وخلانى افقد الثقة بنفسى مع انى طول عمرى من الاوائل بس نتيجة خوفى وعدم ثقتى انى جبت75 وطبعا حولت ادبى بصى انا رايى ان الثانوية العامة مش مزاكرة وبس لا الثانوية العامة (مزاكرة وصلاة وعدم تضيييع وقت وثقة بالنفس) وربنا مش بيضيع تعب حد وربنا يوفقك ان شاء الله
20. nona

    

    09/08/2011 at 04:18

    على فكرة الثانويه العامة مزاكرة واعتماد على ربنا ودعى والدين وتنظيم وقت وتحمل مسئوليه
    انا على فكرة فى كلية طب وجبت مجموع السنتين %99
21. مريم

    

    08/08/2011 at 20:07

    انا في تانيه ثانوي و جبت 98% بصي اهم حاجه الصلاه وهتلاقي كل المشاكل بتتحل لوحدها انا متخيلتش اجيب النمره دي من كتر الضغوط عليا في البيت والدرس ومن صحباتي لذلك كنت اتوتر جدا لكن انا حطيت مجهودي قصاد ربنا و هو بارك في المجموع
22. m!!DzZ xD

    

    08/08/2011 at 07:02

    والله انا شايف إن اهم حاجه فى الثانويه العامه إنك تنظمي وقتك و تذاكرى كل المواد بما يرضى الله ومش تذاكرى اى ماده اكتر من غيرها او حتى تكونى بتذاكرى كويس كله و سايبه ماده واحده حتى كده غلط والله انا رايح تالته علمى علوم إن شاء الله وانا فى سنه تانيه كنت بذاكر الحمد لله بس كنت مقصر شويه فى العربي والرياضه قصرت فيها برده شويه فى الايام الاخيره عشان كده مجموعى نزل لـــ 96 % بس الحمد لله وربنا يستر السنه الجايه اهم حاجه بس تتوكلى ع الله وتذاكرى كله تمام وتنظمى وقتك وعادى يا ستى إلعبي شويه مش شرط كله مذاكره بس اهم حاجه اللعب بعد المذاكره التمام وربنا معانا كلنا
23. Lara

    

    08/08/2011 at 02:12

    انا طالبه رايحه تانيه ثانوي ويارييت تفدوني وتفيدوا اللي زي انا متوتره زي البنت اللي كاتبه الموضوع يعني بسمع ان في اسئله في الامتحانات بتيجي من بره المنهج وفي اسئله تانيه وقت حلها بيبقي اطول من الوقت المحدد الكلام ده صحيح ولا ايه
24. رابر

    

    07/08/2011 at 22:01

    احب اقولك انك مش هيبقا عندك وقت تهرشى حتى اولى ثانوى كنت واخدها لعب وضحك انما 2و3 ربنا يكون فى عونك وفى عونى منها
25. Fox Man

    

    05/08/2011 at 07:58

    (لا يضيع الله اجر من احسن عملا)
26. نور

    

    05/08/2011 at 02:59

    ماعتمدى على الله ثم على نفسك ودائماخليكى واثقة فى نفسك دائمادائمالان الثقة فى النفس هى اول طريق للنجاح
27. طالب ثانوية عامة

    

    04/08/2011 at 07:05

    حاجة كمان قسمي وقتك صح بالنسبة لمذاكرتك و لموادك ودروسك و مدرستك لو هتروحي ومتضيعييش وقتك في النت او التليفزيزن او اي وسيلة كانت يعني حطي وقت معينن للترفيه ميزدش انا الي وقني تضييعي للوقت في الترم التاني وكده اعتقد كويس بالنسبالي علشان انا ادبي
28. طالب ثانوية عامة

    

    04/08/2011 at 07:03

    على فكرة انا عايز اقولك فعلا ان كل واحد ربنا بيديلوا على قد مذاكرتوا انا بصراحة قصرت وضيعت وقت كتير ولولا الحمدلله ان انا الي بقعده على المذاكرة بستفيد منه مكنتش جبت المجموع ده بس في خطأ كبير وفعت فيه اديت الانجليزي وقت كبييير جدا اكتر من حقه فلازم تهتمي بالموضوع ده اوي تدي كل مادة حقها واصل المشكلة كمان بالنسبالي والي قللت مجموعي ان الترم الاول كله عندي تمام جه الترم التاني وجت حكاية الثورة على دماغي بسبب اني فضلت واقف في الشارع على حكاية اللجان الشعبية فطبعا الوقت ده كله من غير مذاكره فنسيت شوية حاجات من الترم الاول و المدرسين قعدوا يلغوا الدروس فتاخرنا في المراجعة وكده بس في زمايلي فضلوا قعدين في البيت وذاكروا عادي بس انا مكنتش اقدر اعمل كده علشان بيتي واهلي وخاصة ان بابا كان مسافر وامثلة على زمايلي انا ليا واحد صاحبي علمي كان بيذاكر طول السنة بضمير ومقصرش في اي حاجة و كان بيصلي وجاب 99 وواحد تاني جاب 98.8 وواحد تاني جاب 98.3 وعلى فكرة مش شرط ان الواحد تعب ومجبش مجموع يزعل بقى وكده لا كل واحد يعمل الي عليه ويفضل قريب من ربنا وحتى لو جاب مجموع وحش يبقى ده الخير ليه ولازم يتأكد من ده
29. هشام 3 تاريخ

    

    04/08/2011 at 01:54

    ماتسمعيش كلام العيال ده _ أعملي زي ما اقولك بالظبط @@@
    بصي بلطجي طول السنة وتعالي قبل الامتحانات بأيام وذاكري بهدوء من ملخصات اساتذة ولاد ناس
    انا عملت كدة وجبت 96% علمي وطبعا دي درجة زي الفل -ودخلت صيدلة وف 4 دلوقتي
    بس اهم ف كده يكون ذكائك عالي كتييير وهدفك قدامك
30. loody

    

    03/08/2011 at 22:21

    بصي انا داخلة زيك اولى تانوي والله حسة ان هموت مجرد مالاقي نفسي في سنة تانية انا نفسي الحق صيدلة بس مش عارفة لية حشة ان انا مش هجيب مجموعها مع انا و اللة طلعت الاولى ع المدرسة في اولى وتانية اعدادي وفي سنة ثالثة انا ذاكرت مذاكرة قاسية تقريبا مكنتش بانام عشان وترت نفسي وكنت خايفة بقيت انقل الاسئلة غلط بس طاعت التانية وانا عايزة ان احنا لازم نحذف كلمة امتحانات وثانوية ونحط بدلها التوفيق لانها فعلا توفبق انا عايزة اقولك اهم حاجة الهدوء والتركيز طبعا بعد الصلاة وتوفيق ربنا وطالما انتي تعبتي ربنا عارف كدة حتى لو مجبتيش مجموع كبير ممكن تدخلى كلية وسط بس تبقي متميزة وممكن تبقي معيدة ودكتورة كمان احسن متدخلى كلية قمة وتنجحيش فيها اهم حاجة توفيق ربنا ان الله لا يضيع اجر من احسن عملا
31. wa7da keda

    

    03/08/2011 at 14:53

    بصى يا بنتى انا ف ثانويه عامه بس ثالثه ثانوى
    والله والله والله سمعت نفس الكلام اللى بتقوليه عن انها سنين دمار وصعبه وانهيار ومعرفش ايه
    بس صدقينى سهله مش هقولك جدا لان مفيش حاجه سهله اوى بس طلاما انتى حاطه ف دماغك كليه قمه يبقى هتلاقيها سهله
    صدقينى يا بنتى اولى ثانوى دى كانت مراجيح مش محتاجه تشدى فيها اوى
    الدور والباقى على تانيه وتالته محتاجه تشدى بس مش من اول السنه صدقينى اصحابى كانوا شادين اوووى من اول السنه وف الاخر جابوا مجاميع عاديه اهم حاجه تكونى بتزاكرى كويس ومتخديش بان ماده اسهل من ماده اوعى
    ركزى على الكيمياء جاااامد ولو مش بتحبى الرياضه ركزى عليها برضه والفرنساوى على حسب المدرس فيه اللى هيحببك فيها وفيه اللى هيعقدك محتاجه تركيز ف كل حاجه بس والانجلش لذيذ والعربى كويس برضه محتاج حفظ ودح كتير
32. osa

    

    02/08/2011 at 00:12

    أكيد لازم تركزى على الرياضة وتحلى كتير و برده الكيمياء . لكن اياكى و الاستهانة بالفرنساوى لأن الحرف فيه بيبهدل الدنيا و اوعى تغلطى زى لأن أنا جبت 97% و نقصت فى الفرنساو ى ثلاث درجات و لولا الفرنساوى كنت جبت 99 .
33. طالب ثانوية عامة

    

    01/08/2011 at 10:17

    مشكلة مجتمعنا الترهيب من اي حاجة مفيش حاجة صعبة على الي بيذاكر طول مانتي بتذاكري هتخدي حقك ومجهودك انا رايح تالتة ادبي جبت 93 تقريبيا عايز اقولك ركزي على كل المواد ناس كتير قوي يظبطوا المواد كلها ويقعوا في العرربي والانجليزي انتي تذاكري بضمير الي تاخديه تذاكريه وتنظيم وقتك بتاعك انتي و مش شرط تطحني نفسك من الاول لا مش هي دي الفكرة الفكرة كلها تنظيم وقت ومذاكرة بضمير ةتدي كل مادة حقها
34. موره

    

    01/08/2011 at 05:35

    ربنا يوفقك ويوفقنا كلنا انا كمان رايحه والى ثانوى وخايفه برضوا
35. حسام

    

    31/07/2011 at 03:09

    ربنا يوفقك المهم المزاكرة
36. طالبه

    

    31/07/2011 at 02:12

    ياجماعه السلام عليكم ورحمه الله وبركاته انشاء الله ربنا يوفقنا اهم حاجه تركزى عليها الكيميا وحبيها لانها كويسه وانشاء الله الامتحانات تجى سهله فى دفعتك
37. rona sayed

    

    30/07/2011 at 23:14

    بصى هى فعلا مواد سهلة جدااا بس عايزة تركيز ومذاكرة وان الواحد ياخد الموضوع جد وربنا يوفقنا كلنا ان شاء الله
38. شيماء

    

    30/07/2011 at 16:08

    اناانا رايحة تالتة ثانوى وانا ادبى وجبت 95 واهم حاجة المداكرة بضمير جدا والصلاة وعدم الاكتئاب والملل وملكيش دعوة بحد لان في ناس كتير بتعقد الواحد وانا اتعرضت لكتير من الحاجات دى
39. ميار

    

    30/07/2011 at 03:43

    انا بردوا فى تانية ورايحة تالتة السنادى بس انتى لازم تركزى فى كل المواد والله المواد سهلة جدا وانا ماذكرتش غبر فى اخر شهر وجبت 89 انتى بقى شدى حيلك من اول السنة وماتهمليش اى مادة وربنا يوفقك ويكرمك وماتنسيش اهم حاجة تحافظى على الصلاة وتبعدى عن اصحاب السوء وتنظمى وقتك وربنا يوفقنا كلنا ويكرمنا
40. جيمى

    

    29/07/2011 at 14:40

    بصى انا رايح تلته السنة دى انا من تجربتى هقولك اكتر مادتين تركزى عليهم هما الرياضيات والكيميا لان بصراحة همال المدتين الوحيدتين اللى رخمين طبعا هما فى تانية هما بصراحة مش رخمين بس عايزين تكونى بتحبيهم وتدربى عليهم كويس لانى اتظلمت فى الرياضيات السنة دى