انا بحب واحد اوى وهو بيحبنى اوى اوى وقالى قبل كده ان نفسه فيا ويحس انى مراته وقالى انه مش عايز منى غير اننا نحلم ونتخيل مع بعض كنت الاول برفض بشده وهو كان بيتقبل كلامى بس كان من جواه بيبقى زعلان وبحس بيه ومع طلبه الكتير للموضوع ده كنت بفكر وبتخيل مع نفسة انى فى حضنه وده كان بيثيرنى جدا وهو قالى عشان منعملش حاجه حرام احنا نتجوز ادام ربنا فقلتله ازاى مينفعش طبعا قالى لا انا هطلبك للجواز ادام ربنا وانتى توافقى ويبقى كده انتى مراتى ادام ربنا مش مش هعمل اى حاجه معاكى اكتر من انى احس بيكى بس وانا وافقت على كلامه وقالى هل تقبلينى زوج لكى امام الله قلتله وانا قبلت زواجك امام الله قالى انتى كده مراتى واقتنعت بكلامه ووافقت ومن ساعتها واحنا على طول موبايل او نت بنتكلم مع بعض ونتخيل اننا فى حضن بعض وانا عملت كده عشان اريحه ومزعلوش ومخليش شهوته واثارته توديه لطريق تانى وكمان عشانى انا كمان لدرجه انى بقيت مش قادره استغنى عن كده على الرغم من انى بقيت بتضايق من كده ببقى مبسوطه وفرحانه طول ما انا معاه لكن لما بنسكت ونقفل بحس بتانيب ضمير واحساس انه ممكن يشك فيا بس انا بحبه اوى وهو بيحبنى اوى اوى ودلوقتى عايزه اعرف ده حلال ولا حرام وكده انا متجوزه ولا لا بس لو سمحتم محدش يدينى مواعظ انا عايزه فتوى سليمه عشان اعرف راسى من رجلى
مشاكل الحب والزواج
عايزه اعرف انا متجوزه ولا لا
اضيف بتاريخ: Saturday, September 18th, 2010 في 21:17
كلمات مشاكل وحلول: حب, زواج, زواج زوجتك نفسي, زوجتك نفسي
شوفي يابنتي بارك الله فيك علاقتك بهذا الشاب محرمة وغير صحيحة وماقاله لك كله كلام فارغ لااساس له من الصحة كيف يتزوجك بدون علم اهلك ورضاهم ولا في شهود ولا اشهار على هذا الزواج فاذا هذا زواج باطل شرعا ولايجوز والرسول الكريم قال – اي امراة نكحت نفسها بغير ولي فنكاحها باطل باطل باطل – توبي لربك واستغفريه واقطع علاقتك المحرمة بهذا السافل الحقير اللي يريد العبث بك واغواكي واياك والاستمرار معه في هذة العلاقة وربنا يصلح حالك ويسترعليك ويهديك ويكرمك بابن الحلال الصالح اللي يستاهلك ويسعدك طوال عمرك
اتفق مع كل ماقالت الاخت المسمي نفسها- سمرامةالله – لصاحبةالمشكلة هوالراي الصحيح والصائب وجاءبه الشرع مستندا من الكتاب والسنة الشريفة جزاءهالله كل خير ووفقها
سلام عليكم
هذا الشي الي معتبرتة زواج هذا مو زواج حرام حرام حرام
نصيحة كوليلة لو تجي تخطبني وتزوجني كدام العالم ولا اتركك
وانتي اتركي حتى للتكلمين بلتليفون اذا هو صدك يحبج راح يرجعلج واذا ميحبج فاكيد هذا كذاب
اختى انا كنت عايش نفس قصتك وحصل فراق فعلا اهلى رفضوا ومعرفتش اعمل ايه مع البنت وسبنا بعض وهى كرهتنى حتى مش عايزه تشوفنى تانى
انتي الي بتحبه فقط حب من طرف واحد حرام الي بتعملوه انتي طيبه
انا بحب وحده وموت فيها لكن ما اتخيلش اني ممكن افكر اضرها مستحيل اخليها توقع في الحرام والغلط ابدا عشان هي حبيبتي وتهمني الي بيدعي حبك هذا كاذب لا تنجري وراه اتركيه واتقربي من الله واستغفري
اعقدو رسمي وبدال ما تتخيلو اون لاين خلوها فيس تو فيس وحقيقي واتمتعوا بالحلال اما قدام ربنا استغفر الله حرام وباطل ويا ويلكم من الله الي بتعملوه فاحشه ومنكر هذا الشخص لا يحبك لانه بيخليكي تعملي شي يخليكي حزينه ومش راضيه عن نفسك انتي شكلك بنت طيبه وعندك ضمير لا تمشي معاه ابدا ولا تكلميه توبي والله بيعوظك خير انسان يحبك ويخاف عليك وما يسمح لحد يتكلم عليكي ولو شافك بتغلطي يزعل منك ويزعل عليك يحاول يخليكي سعيده ع حساب راحته مش زي النذل هذا الي بيتستر انه قدام ربنا يا ويله من ربنا كيف يطاوعه قلبه يعمل في بنت رقيقه وحساسه وبتحبه نذل ومايستاهل حبها
انا مع كل الكلام اللى قالوه الاخوة والاخوات انه كلام غلط وميش حاجه اسمها جواز بالطريقه دى لابد من الاشهارومعرفة ولى الامر اما بالنسبه للاخ على ياحبيبى انته شكلك شيعى واحنا معندناش فى السنه حاجه اسمها جواز المتعه ده اسموجواز الزناان علمت افتى وان لم تعلم فصمت
خدى بالك احسن الكلام الكتير فى الموضوع ده يقودكما للفعل …اوعى تخلى حد يضحك عليكى بالحب..حتى لو كان بيحبك ممكن يبعد عنك لاى سبب…اوعى تبهدلى نفسك
طيب لو طلقك هتقولي لاي حد عاوز يجوزك انك مطلقه ولا انسه؟ الامر واااضح جدا زي الشمس دا حرام ميه بالميه….. طب اطابي منه جواز رسمي شوفي هيقولك ايه؟ الرد معروف يا اما ربنا يسهل هنتجوز بعد كده يا اما الظروف مش هتخلينا نتجوز الان
بختصار شروط الزواج موافقة الولى وشهود ومهر وايجاب وقبول انكان دى حصل تبقى مراته وان كان غير كده توبى الى الله وابعدى عن مثل هذى الامور الى تغضب ربنا والله المسيعان والله اعلم خير الكلام ما قل ودل
الحل تعملى معاة مشكلة كبيرة وخلية يرمى عليكى يمين طلاق اية رايك فى الحل دة
ربنا يستهرها علينا كلنا .انا عملت نفس الوضع ياختى بس بنيه تانيه انى طلبت الزواج من احدى البنات امام ربنا وهى تقبل وفعلا عملنا كده وبعد كده خوفت من النصيب لتكون مش ليا فاتصلت بدار الأفتاء بابو ظبي والمفتي قالى بالحرف كده مافيش جواز اسمه كده الجواز لابد من معرفه ولى الامر والشهود والاشهار ومافيش طلاق كمان لان محصلشى جواز وضحت النقطه دى علشان مش يضغط عليكي وده فتوه هو يتحاسب عليها وانا اتحاسب على نقلها ليكم.اما بالنسبه للشب ده فهو انسان شهوانى غرضه منك شهوة فقط لاغير يعنى بيتعامل على اساس انه حيوان ومش بيحبك ولا بيخاف عليك وثقى بالله الشيطان هيوصلك لى اكتر من كده .فوقى ياختى وخافى على نفسك وعلى اهلك الى واثقين فيك والموضع ده بيجي مراحل الاول فى الموبايل وبعدين عملى يعنى نظرى وبعدين التطبيق فوقى فوقى وقربي لربنا شويه ربنا يسترها عليك وعلى بنات المسلمين امين
باختصااااااااااااار
فتوي جاهزة
تفاصيل الاستشارة والرد
زواج المرأة بدون ولي العنوان
امرأة تزوجت شخصاً دون رضا أهلها، وتم الاتفاق بينهما وأحضرا شهوداً على ذلك، ولكن لم يوقعا على عقد الزواج في المحكمة، فما حكم هذا العقد؟ السؤال
24/06/2003 التاريخ
أ.د. عجيل النشمي المفتي
الحل
بسم الله، والحمد لله، والصلاة والسلام على رسول الله، وبعد :
من شروط الزواج أن يكون للمرأة ولي، ولا يجوز لها أن تزوج نفسها، وأجاز الأحناف لها ذلك بشرط وجود إعلان عام وشهود، أما الإتيان ببعض الشهود واستكتامهم الأمر وتزوج المرأة نفسها فهذا زواج السر وهو باطل، وعلى المرأة إن أبدت موافقة على من يتقدم لها، ورفض والدها لأسباب غير دينية – ولم تجد من أهلها من يقنع والدها – أن ترفع أمرها للقضاء .
يقول الأستاذ الدكتور عجيل النشمي عميد كلية الشريعة بالكويت سابقا:
هذا العمل خطأ لا يجوز، والعقد باطل، لأن جمهور الفقهاء على أن المرأة لا يجوز لها تزويج نفسها بأن تباشر العقد بنفسها، وإنما الذي يقوم بذلك وليها، لقول النبي صلى الله عليه وسلم: “لا نكاح إلا بولي” (أبوداود 2-568، وأحمد 4-394) .
وروي عن عائشة رضي الله عنها عن النبي صلى الله عليه وسلم قال: “أيما امرأة نكحت بغير إذن وليها فنكاحها باطل، فنكاحها باطل، فنكاحها باطل، فإن دخل بها فلها المهر بما استحل من فرجها، فإن تشاجرا فالسلطان ولي من لا ولي له” (أخرجه أبوداود 2-568، والترمذي 3-407 ).
وقوله صلى الله عليه وسلم: “لا تُنكِح المرأةُ المرأة ولا تُنكِح المرأةُ نفسها” (أخرجه ابن ماجه 1-606 ).
فكما أنه لا يجوز لها أن تزوج نفسها لا يجوز لها أن تزوج غيرها سواء كانت المرأة بكراً أم ثيباً .
ويجوز عند الحنفية أن تعقد المرأة عقد النكاح بنفسها بكراً كانت أم ثيباً .
ونقول: إن هذا الأسلوب لا يليق بالفتاة المسلمة، وقضايا الزواج ليست من الأمور التي يُقال فيها: أضع أهلي أمام الأمر الواقع، لأن هذا شرع وعرض، وإنما وضعت للعقود شروط محددة، حفاظاً على الأعراض، والشرع لا يمنع من زواج الفتاة بمن تريد، وأهلها إذا رفضوا إنما يريدون مصلحتها، وكل أم وأب يتمنيان أن يتقدم لابنتهما من يخطبها، فلا بد أن يكون هناك سبب ما يجعلهما يرفضون، فإذا تكرر منهما الرفض لغير هذا الشاب وثبت أنه لا يوجد سبب شرعي مقبول لهذا الرفض، فمن حق الفتاة أن ترفع أمرها إلى القاضي وينظر القاضي في الأمر فإذا ثبت ما تقول فإن أباها يعتبر عاضلاً لها، أي يمنع زواجها دون مبرر، فيزوجها القاضي حينئذ.أ.هـ
السلام عليكم
اختى في الله كل ده حرام شرعا لانه مافيهوش اشهار ومفيش جواز في السر والكلام ده اللى بيحصل حيكون طريق للزنا وبرضو يقنعك برضوانك مراته بالكلام اللى ما بينكم ده يعتبر ائم ويجب عليكي ان تتوبي الى الله
الى مرسل النصيحه على زواج المسيار والمتعه والعرفي كله زنا بحكم الشريعه حتى لو ولى الامر عارف وابحث جيدا في الموضوع ده
لالالالالا طبعا دة مش زواج خالص دة اسمة عبط انا اسفة يعنى ؟؟؟؟ والله دة هو بيقولك كدة علشان حاجة معينة فى دماغة وطبعا انتى فاهمة هى ايه ؟ حرام فكرى فى رابنا ؟ وقبل ميحصل لاقدرة الله مصيبة انتى مش قداة ؟ وربنا يهدى كل الشباب والبنا وانا اولهم علشان مش تقولى ان انا بدى مواعظ ولا حاجة ؟ مفيش انسان على وجة الارض مش بيغلط كل الناس بتغلط بس لازم تفوق من الغلاط دة فى اسرع وقت ؟؟؟؟ وربنا معاكى ويأويكى ان شاء الله ………..
أختي أذا كان الشخص الي اتحبينه قاصد زواج المتعة فهو جائز لكن بقبول الوالد يجب أن يكون على علم بهذا الشي وأذا وافق فزواج صحيح وأذا راد ينفصل لازم يقول لكي وهبتكي المدة حتى تكوني محررة
عزيزتى حاولى تقرى كلامى للآخر …. هفترض معاكى إفتراض بسيط . إنى أنا مكان الأخ اللى بتتكلمى عنه اوك .. هقول هى أكيد فاهمة انه طبعا مش جواز بس هى عايزة كده واحنا مع بعض بنجمل اسلوبنا علشان نوصل لغريزتنا اللى احنا الاتنين عاوزينها وبنريح نفسينا واستخدمنا اسلوب متحايل لاراحة ضميرنا وتحسين صوريتنا قدام بعض لانه لا يمكن يتوقع ان بعد التكنولوجيا الرهيبة مافيش واحدة فى اقصى الفلاحين ماتعرفش يعنى ايه قواعد الزواج .ورأيي الشخصى ان دى المرحلة الاولى للوصول بالشهوة لمراحلها المتقدمة وان كانت مش مترتبة من الطرفين لان فيه طرف تالت مشار معاكوا وهو فى حالتكم دى اقوى منكم بمراحل وهو (( الشيطان )) والله المغيث
اختى العزيزة… يحصل ايه لو قولتلك ان اللى بتحبيه دة واحد بيضحك عليكى ؟؟؟ طبعا مش هتصدقى اللى انا قولته عشان انتى لغيتى عقلك وبقيتى بتفكرى بقلبك بس
اقسم بالله العظيم اللى انتى بتحبيه ده بيتسلى بيكى والايام اللى هتثبتلك كدة .. وهتتاكدى اكتر لما يجى يقولك انه عايز يعاشرك معاشرة الازواج وبعدين يسيبك بمصيبتك لوحك
والله لو بيحبك مكان عمل كدة … فكرى بعقلك واتقى ربنا عشان ربنا ما يوقعكيش فى مصيبة
وبعدين زواج ايه اللى امام اله دة .. انتى مش متجوزاه طبعا دة كلام واحد حيوان عايز يتمتع بيكى بالحرام وبعدين يرميكى
الجواز لازم يكون فيه شاهدين عدول ولازم يكون فيه اشهار يعنى الناس كلها تبقى عارفه انك متجوزاه .. انا بقول الناس مش اصحابك واصحابه عشان ماتروحيش تتجوزيه عرفى
فكرى بعقلك قبل ما تحصل مصيبة انتى مش قدها … والله العظيم انا خايف عليكى زى اختى بالضبط … *** دة بيضحك عليكى وعايز منك الحرام وانتى عشان بتحبيه مش مصدقة
انا قولتلك ونصحتك وانتى حره .. اللهم بلغت اللهم فاشهد
السلام عليكم ** والله نفسى اضحك مو قادر اضحك او اتخيل الموقف الذى طلبكى فيه للزواج اما زواج هاذا قال انتى زوجتى امام الله ياأختى توبى الى الله ثم اذا هو جاد يتقدم لطلبكى للزواج * ثم الزواج يكون امام كاتب عدل او مؤذو ن وشهود طبعا والعائلة تكون تعرف يعنى اعلان الزواج ** والجواب هاذا يعتبر حرام وليس زواج ** هاذا واحد حابب يضحك عليكى قولى له انت تقبل لو اختك مكانى واحد قال لها هاذا الكلام تقبلينى زوج أمام الله ؟؟ * وعلى مااظن يقول هاذا الكلام تقبلينى زوج امام الله هاذا اذا انتى وهو كنتم بمكان خالى من الناس وتعرفون راح الأمر يطول لعدة سنين ولا يوجد احد من البشر معاكم ** وفى هاذى الحالة والله اعلم يجوز ولكن مثل ماقلت تكونوا فى مكان لا يوجد فيه احد وتعرفون هاذا الأمر راح يطول لعدة سنين وعند اول لقاء مع الناس تعلنون على انكم زوج وزوجة* ومثل ماقلت والله اعلم لا أجزم ولكن اتذكر ممكن قرئت هاذا من قبل فى كتيب صغير ولا ادرى هاذا الزواج يصح ام لا ** تحيات أخ تونسى مغترب ** والسلام على من اتبع الهدى
اختي في اللله انتي قي وعيك ولا لا زواج ايه مكنشي حد غولب ههههههه حلوه زواج امام الله انتي بتحكي فزوره ده واحد ساذج كل همه انه يخرج شهوته ولو كان بيحبك كان اتقدم واتجوزك من اهلك بس لاقكي عبيطه فاشتغلك وبياخد اللي عايزه منك ينزل به شهوته توبي لربنا ومعنتيش تكلميه ولا هو ولا غيره وبصي لقدام هتفضلي لحد امته وايه نهايه اللي بينكو تذكري الموت بياتي فجاه واللي انتي بتعمليه ده زنا وزنا جديد من نوعه وهو الزنا الحديث بالنت والموبيل توبي لربنا وربنا يعافينا واياكم
انا قلتله الكلام ده بس هو قالى انا مش هدخل عليكى الا بعقد رسمى وعلم اهلك وفرح ادام الناس كلها لكن جوازنا ادام ربنا ده عشان ميبقاش فيه حرام بينا
االزواج بعقد امام ماذون وشهود ومع معرفة اولي الامر العملتيه ده كلام فارغ وحرام وربنا مابيقبل كده توبي وارجعي لربنا وانت انسانه كويسه بدليل انو ضميرك بعذبك ولو بحبك يتقدم ليك رسمي ويخش من الباب ويتجوذك والله اعلم