السلام عليكم ورحمة الله وبركاته
أولاً أنا مش عارف أبدء بأيه
أنا للأسف دخلت في سكة كنت بخاف منها أوي بس للأسف أتعرفت علي بنت من 3 سنين حبيتها ودخلتني في سكة العلاقات غير الشرعيه وهي اللي عرفتني أعمل أيه وأسوي أيه من الأخر كنت شاب خام ملوش ف حاجه بعد ما كنت بتكسف حتي أسلم علي بنت بأيدي…
المهم خليتني أدمن حوار العلاقه وعيني بقت مفتحه علي كل الغلط وبدأت أخسر حياتي واحده واحده بعد ما كنت مهتم بلياقتي البدنيه ودراستي اللي كنت ناجح فيها وشغلي كل ده سيبته وبقيت معاها المهم عرفت واحده كمان من شهرين ديه برضو دخلتني في علاقه معاها بدون حتي حب ولا أي حاجه بس من بعد العلاقه بقت فيه غيره وحب أمتلاك مع العلم ان البنت التانيه لسه موجوده بس بقيت مهمل فيها أوي مع أنها باقيه عليا اوي وبتحبني بس للأسف الجديده ديه لقيتها دخلتني ف العلاقه بطريقه أقوي وعوضتني زي ما تقول كده (خبره)
المهم اللي انا متعرف بيها جديد ديه تعباني نفسياً والطريقه بتاعتها صوت عالي وأنها متسمعش اللي قدامها وشايفه نفسها علي طول صح وأنا عايش معاها في شك وكل لما أحاول أسيبها يجي في بالي أفكر في حوار أنها لو عرفت غيري أو أندم اني سيبتها عشان ممكن ملاقيش زيها ونفسي أسيبها وأسيب السكه ديه كلها بس للأسف وقت المتعه فيها مسيطر عليا ومش عارف أسيب السكه ديه وبقيت عايش حياتي في شك وقرف حتي لو بنت محترمه بقيت برضو بشك فيها وحتي لو أنا أرتبطت بأي بنت بيكون أول حاجه بعملها براقبها بشك فيها بقيت متدمر مبقاش عندي ثقه في أي بنت من كتر اللي شوفته أنا عيشت يعتبر أسوء 3 سنين في حياتي خليتني مبقتش واثق حتي ف نفسي أنا داخل خلاص علي سن ال 30 ومش عارف أعمل لنفسي أي حاجه ولا عارف أسيب السكه اللي أنا فيها ومتدمر بمعني الكلمه
وعايزك قبل ما تفكر وتقولي سيب اللي معاك دول تفكر أزاي هسيبهم أو أزاي أخرج من الموضوع (بطريقه كويسه)
أنا بكتبلك وأنا بفكر فيها برضو مع العلم أني لو سيبتها عارف أني هروح للقديمه اللي مستنياني أرجع بأي طريقه
أرجوك فيدني وفكر بطريقه شبابي شويه
مشاكل الشباب مع البنات
عايش في شك وخايف لو سيبتها اندم
اضيف بتاريخ: Friday, March 29th, 2019 في 23:55
كلمات مشاكل وحلول: الحب, الدراسة, بنت, حب, شاب
