مشكلتي اني في واحدة بتحبني اوي اوي وانا مش بحبها خالص المشكلة ان من كتر حبها فيا بتعملي اي حاجة حتي لو غلط يعني بصراحة انا كنت اناني اوي معاها واستغليت حبها وغلط معاها بس الحمدلله الحمدلله محصلش حاجة كبيرة ومن كتر الحكاية دي انا قرفت من نفسي لانها مسلمالي نفسها بحكم حبها الشديد ليا وانا متاكد انها مش بتاعت كدا بس هيا بتعمل كدا عشان بتحبني وانا بصراحة اللي خلتها كدا ومش عارف ازاي اصارحها اني مش بحبها والمشكلة كمان اني مش بزعلها خالص تقريبا مش بنتخانق وبعمل كل حاجة بتوحيلها اني بحبها بس في الحقيقة انا مش بحبها خالص شكلي بعمل كدا عشان اعمل الحاجات دي معاها وخلاص وخايف تيجي في مرة كدا واغلط معاها وهيا مش تستاهل كدا ارجوكم ساعدوني عشان انا مش عاااااااااارف اعمل حاجة خالص
انا محطوط في نفس موقفك بس العكس انا اي بحبها وهي لا وعملت المستحيل علشان اخدها وهي رافضها وانا مش قادر استغنا عنها بس والحمد لله هي عمرها ما هتلاقي حد هيخاف عليها قدي علشان انا الي بحبها بجد والبقاي وهم وثانيا انت بقا نصيحه الي بيحبك بجد زي كدا اوع تفرط فيه ومتقولشي لا اخد واحد انا الي بحبها مش هيا خد الي تحبك لانها بجد هتسعد واي حب بيجي في الجواز معا العشره
انا رايي غير كل الناس دي . يعني ان تسيبها ومتجرحاش ؟ لانك باختصار لو مقدرتش تسعدها فسيبها احسن . وانا ببشرك انت هتقع ف اللي هتعلمك الادب وترد القلم الي اديته للبنت دي . بنات الناس مش لعبه . ولما انت عارف من الاول انك مش ليها ومش بتحبها ليه خطت التجربه دي معاها من الاول . ولا انت بتتسلا . وعاوز تحس انك دنجوان . سيبها لحد غيرك يقدرها ……. وانتظر العقاب
لو انت عاوز حل للموضوع ده حط نسك مكان البنت المسكينه دى لو انت بتحب وحده وهى مبتحبكش وقلتلك انا مبحبكش سعتها هتعمل ايه فكر فى الموضوع وحرام عليك الى انت بتعمله فيها ده
السلام عليكم
مبدئيا انا طبعا متفق مع الاخوة ان الشخص صاحب المشكلة غلطان واى دين لا يسمح بهذا
ولكن هذا لا يعنى انكم توجهوا الجرم كلة علية لان الحب لا يسمح لهذة الفتاه بترك نفسها له اذن فالجرم عليهما هما الاثنان مع معرفتى الكاملة انها فعلا بنت محترمة لانها لو كانت غير ذلك ما كان هو لم يحبها لانها لو مش محترمة كانت هتعرف ازاى تخلية يحبها …
انا ارى انة يجلس مع نفسة ويفكر هل هو يستطيع ان يتغاضى عن عيوبها ويكمل معها الحياة ام لا وفى كلتا الحالتين سواء القبول او الرفض يجب ان لا يتراجع فى قرارة معها فى اسرع وقت ممكن ولا يحاول ان يتقرب منها مرة اخرى لانة كلما تقرب منها زاد حبها لة وزادت صعوبة الموضوع
حب اللي يحبك واترك اللي يجافيك
وصاحب اللي يبكيك ولا تصاحب اللي يضحكك
هههه كان عندى نفس المشكله دى بالظبط بس انا استغليت حبها فى حاجه حلال طبعا واتقدمتلها وانشاء الله عن قريب هتبقى خطيبتى انشاء الله .. عاوز اقولك على كلمه صغيره اوى اللى بتحبك اوى كده مستحيل فى يوم منالايام هتسيبك علشان فلوس او علشان عربيه وهتعيش معاك بأى شكل حتى لو هتأكلها عيش ودقه
اتمنى لك التوفيق والنجاح
بكل بساطه مدام انها تحبك لهذي الدرجه
و بنت ناس و حلوه و كل شيء ممتاز
حاول تبادلها حبها
اتقي الله في بنات الناس واعرف انه كله سلف ودين وكما تدين تداااااااااااان واللي عملته في بنات الناس هيتعمل في بنتك او اختك او حتى مراتك فاحسنلك تتجوزها وتستر عليها لانك انت اللي علقتها بيك وربنا يسامحك ويغفرلك
السلام عليكم …
اول حاجه بس :- انا عاوز كل الناس تهدى على الراجل ده لان كل ابن ادم خطاء …
تانى حاجه الى hagar :- مش لازم انك تضغطى عليه وتوهميه انه بيحبها .. لان عمر ما معدتك هتقبل لقمه انتى مش عاوزه تكليها .. اكيد فهمتى اصدى .. يعنى عمره ما هيحبها غصب عنه .. بس هوه احسن حل لصاحب المشكله وده من وجهة نظرى انا :-
1 :- اول حاجه اللى انت فيه ده ( استغلال + شهوه ) وده انا متأكد انك ممكن متكونش عاوز كده اصلا وبالذات مع البنت اللى هيه بتحبك دى .. فأحسن حاجه لو مش حاسس انك بتحبها .. هاتها واتكلم معاها بكل هدوء وببساطه كده وقولها على ظروفك وانك مش حاسس حاجه من ناحيتها .. وقولها انا خايف عليكى عشان كده مش عاوز اظلمك واعلقك بيا على الفاضى . وان كان لينا نصيب فى بعض مش هناخد غير بعض …
2:- تانى حاجه لو حاسس فى نفسك انك ممكن تحبها .. حبها وصونها مش تستغلها .. معلش سامحنى انى بجرحك بكلامى بس انا عارف انه غصب عنك وده ضعف من الانسان .. لو ارتبطت بيها وكل حاجه صونها وخاف عليها وابسطها ومتخليهاش محتاجه حاجه .. وبلاش تقعد معاها لوحدك لان الملعون الشيطان مابيصدق يلاقى بنت وراجل لوحدهم ويقوم ناطط فى الحلل وينزل على دماغها وعلى دماغه ويوسوس وشغال بقى .. تلاقى الواد هوه اللى بيبدأ والبنت تستجيب لرغبة الولد وده كله من الشيطان .. حاول تقرب منها عشان اللى بيحب بجد بيصون اللى بيحبه ومش هتسيبك ابدا ومش هتحاول تزعلك وعودها طبعا على طبعك والحاجات اللى بتضايقك عشان هيه متعملهاش وهكذا ….
3:- اتمنى انك تكون استفدت منى والله المستعان وربنا يهدينى ويهديك ويهدى كل الناس ..
و
أخي العزيز…. أصعب حاجة في الدنيا انك تكسر قلب بني ادم….. رجاء واجه المشكله و التزم الاحترام و اياك و الغلط و قولها بصراحة و اتكلموا في الموضوع لوضع نهاية مريحة او بداية مرضية لكما
والله انا اتمنى واحده تكون ربعها حتى بس للاسف اللى بيحب بجد قليل و على فكره دا ابتلاء من ربنا ولو مراعيتش ربنا فيها هتشوف ايام سوده و ربنا هيبعت اللى تخلص فيك استخير ربنا و خد قرار فى اسرع وقت و نصيحتى خد اللى يحبك و متخدش اللى تحبه
فيه خيارين
الاول انك تبتعد عنها
الثاني انك تبادلها حبها
و لك حريه الاختيار و كلاهما ممكن
أخى العزيز
زي مابوظت الدنيا تقدر تصلحها
تعرف يا اخى لو سبتها هيتردلك ف بنتك او اختك
لو متردش اعرف ان حياتك هتتقلب جحيم
لو متقلبتش جحيم
يبقى انت معندكش ضمير
وحسابك فالاخره عسير
عفها من دلوقتي واستر عليها
عشان ميبقاش في غيرك لمسها
واقسم برب العزه ان حياتك هتتقلب جحييييم وهتتمنى الموت
ولو انتحرت البت دي هيبقى ذنبها فرقبتك
انت كدا بتدمرها بتموتها هتبقى قتلت الروح اللى جواها ورميتها زي الكلبه
وبطل بقى تستغل عبطها ياربنا ماتسيبوا البنات فحالها
انتو مش بتكرهو نفسكو
ازاى بتغمض عينك
ازاى بترتاح فنومك مبتخافش من يوم السؤال هترد تقول ايه
اكسف على دمك بقا
يستر عرضك يا اخى دي مش محتاجه تفكير
انا مش عارفه كل الشباب انانيه ليه لم البنت محترمه وانت مش بتحبه بتجرها في الغلط ليه حرام عليك دانت انا ني اوي يا اخي اتقي الله ترضه علي اختك وبعدين كده او كده انت جرحه وظلمه معاك انت طول ماانت معاه بتظلمه ولو سبته هتبق بتجرحه وبعدين ربنا مش بيسيب حد اكيد هتلف عليك وهيجي عليك الدور والبنت دي هي اللي هتكسب في الاخر ولازم وكيد هتلاقي البنت اللي تخليك تركع وهتشوف ده في اخواتكك البنات او اي حد في علاقتك وياريت متزعلش من كلامي بس دي حقاتق وانا بصحيك عشان انت شكلك في غيبوبه
بصراحه مش قادره ارد عليك لسبب ان كل اللي انت قولته مضايقني وبصراحه ما اقدرش انص واحد واقع في غلط هو نفسه عمله وهو عارف انه غلط ثم انه غلط ما يتغفرش وبصراحه انت مشيت ورا الشيطان واذيت البنت دي وربنا مش هيسامحك اكيد واكيد هيعاقبك (ان ربك لبالمرصاد)
ومن يتقي الله يجعل له مخرجاا
كمـــــــــــــــا تدين تداااا
بنات الناس ياخي مش لعبه في ايدك وايد غيرك افتكر ان ليك اخوات ولو ملكش اكيد هيبقالك في يوم بنات ياعم الرومنسي
الافضل انك تبعد عنها وما تعلقها بحالك اكتر
حرام عليك
اعتبرها متل اختك هل بهون عليك حدا يعمل هيك بأختك!!
جاوب على هادا السؤال بينك وبين حالك وحكّم ضميرك
ممكن سؤال طيب انت بتكلمها الفترة دي في بنكوا كلام يعني ولا في مشاكل ؟؟
انت ضحكت عليها حرام عليك شكلها بنت ناس و متستاهلش كدة انت لازم تفضل معاها حتى لو هتكون متضايق , دا اقل عقاب ليك طيب بذمتك انت ضميرك مرتاح ؟؟
مبتفكرش ياترا هتكون حاسة ب ايه اما تسيبها بعد ما قدمتلك كل حاجة ياترا ضميرها هيكون عامل ازاي
و ياترا هتعرف تعيش حياتها بعد كدة وهتتجوز
طول ما هي متمسكة بيك اعرف انها محترمة اوي و اعرف انك لو سبتها هتكون حقير بجد بمعنى الكلمة لانك هتبقى ببساطة دمرت حياتها
البنت المحترمة اما حبيبها الي لمسها بيسيبها بتكون نهاية حياتها
ولاهتعرف تحب ولا هتعرف تعيش لانها مش بتعرف تخدع حد و مش هتعرف تخدع جوزها و تفهمه انه اول واحد يلمسها
انت لو انسان محترم و لو شايف اصلا انك محترم مكنتش هتفكر للحظة انك تسيبها
والا مكنتش تعمل كدة
عندك بنات بالهبل بيبيعوا نفسهم عشان يبسطوك بما ان دا همك كنت تروح لواحدة منهم
مش تيجي للمحترمة والمتربية و تضحك عليها دا انت تبقى انسان زبالة بغض النظر عن كلمة انسان لانها اصلا هتكون خسارة فيك ساعتها
و يوم ما هتتجوز هتحب مراتك اوي و هي هتكون مش بتحبك زي ما بتحبها و بعد ما تجيب منها 3 عيال
هتكتشف ان في واحد قبلك لمسها و غلط معاها اكتر منك كمان و هي مرقعة بقا
اقسم بالله ربنا مش هيعديهالك
ربنا ميرضاش بالظلم ابدا , متفتكرش ان الي هترتبط بيها بعد كدة هتكون ملاك بقا
….
عشان اكون اوضح معاك
انا قريبتي قريبة مني اوي حصلها نفس الموضوع ان حبيبها كان مفهمها انه بيعشقها
و هي من حبها ليه عملت كل حاجة هو عايزها
وبعدين بعد عنها
انت عارف هي عاملة ازاي دلوقتي ؟
اولا هي لغاية دلوقتي بتحاول ترجعه ليها ب أي طريقة و نفسيتها زفت بتعيط كل يوم و حاسة بالذنب بطريقة صعبة و بتقولي انا بموت اما بفتكر دا وانا لسة بنت وقاعدة ف بيت اهلي امال لو اتجوزت واحد بقا هحس ب ايه
تصور انها قررت عمرها ما هتتجوز الا اما تحكي لجوزها على كل حاجة و هو يقرر بقا يا اما متتجوزش خالص
والله بجد الانسان دا دمرلها حياتها و بقا يخليها تتذل ليه وهو مش معبرها
دي باعت كرامتها عشانه و بتتحايل عليه يرجع وياماا كلمته و هو لامبالاه
وهي برضو بتقول انا هفضل حاطة امل انه يرجع دا غير كل دا انها فعلا كانت بتحبه حب غير طبيعي لدرجة انها اتخلت عن مبدأ مهم جدا كانت ماشية بيه وهو ان محدش هيلمسها الا وهي حلاله , وفي الاخر دا جزاتها
شكله كان برضو معاها عشان يعمل بس الحاجات المقرفة دي
بجد لو سبتها
يبقى حسبنا الله ونعم الوكيل فيك
والله كلامك مستفز جدا
طالما أنت مش عايزها بتجرها للغلط ليه؟
خليك على اللي فيه وعيش معاها وخلاص، وربنا هيسامحك لأنك نيتك خير
أيوه نيتك خير :))
والله طول ما الشباب زيك، والبنات زي الهبلة دي هنفضل واقفين مكانّا على طول، وهنفضل أجهل شعوب الأرض 🙁
مدام انت يابابا خايف عليها كده ومش بتجرحها خالص يبقى انت اكيد بتحبها وبتحبها اوى كمان لانك لو كنت بتكرهها كنت هتجرحه ومش هيهمك حاجه سدقنى -واسالنى انا والله العظيم مجربه -وسدقنى لما تبعد عنها هتفتقدها جامد وجامد اوى كمان وانت سدقنى والله بتدلع عليها-ده انت محظوظ انك لقيت وحده بتحبك بدل ما تروح تدور على وحده تحبها وبسلامتها تقعد تدايق فيك وتتانك عليك زى ماكلنا بنعمل طبعا…..!نصيحه من اخت ابقى معاها,واوعى تسيبها ويارب تختار صح
انت لازم تصارحا وتقولها انا مش عايز اكمل معاكي هي اكييد هتتجرح اوي في الاول بس احسن من ان العلاقة تطور وتبقى مشكلة فانت قولها وسيبها حاول تخليا متشوفاكش لفترة كدة لحد ما تنسى دة طبعا لو انت مستحيل تحبها
بس ادي لنفسك فرصة الاول انك تحبها قبل ما تسبها