انا بنت محترمه جدا واهلي محترمين جدا جدا وانا حبيت واحد كان هايتجنن عليا لحد مايوصلي عشان يعرف انا مرتبطه ولا لا عشان يجي يتقدملي وكلمني بس انا ماعرفته انه لو جه يتقدملي دلوقتي مش هايتقبل عشان ليا اخوات بنات كبار متجوزين بسكان السن مختلف فامش هاينفع المهم حببني فيه وحبني او لدرجه العشق بيني وبينه وبعدين اتعرف عندي في البيت اني بكلمه بس البنات بس حاولو يبعدوني عنه بس ماقدروش بس مع كذا محاوله انا قولتله هما مفكرينك بتحور عليا وفعلا في نفس اليوم راح وكلم بابايا عشان شكلي وشكله قدامهم والله هوه بيراعي ربنا فيا اوي وانا ولا هو نقدر نبعد عن بعض هو الللي قربني من ربنا جدا وكمان اخواته صحابي ومعايا في المدرسه واحنا اصلا جيران المشكله اني مابقتش بكلمه ولا بقيت بعرف اوصله وقت ماانا عايزه عشان الخوف من المشاكل بس انا وهوه في عذاب ومش مستحملين وهوه مستعد يجي يتجوزني بكره بلييييييز قولولي اعمل ايه عشاني وعشانه انا مش عارفه ولو بعدت عنه هااموت واموته بالعذاب
لا مش مظبوط انا حبيت جوزى وانا عندى 17 سنه واتجوزنا ولسه بحبو وهو بيحبنى ليه لاليه ميتجوزهاش وتجوزت وانا فى الثانويه
انصحك بصبر لن الحب فى هذه الفترة متقلب وان تقنعيه بان تكملى درستك ولوادرتى ابعدو شوية علشان حبه يزيد وعلشان متغلتوش وعلشن تكملى تعليمك وياريت تكونى اخوكى فى الله محمود المصرى
علي فكره هي مش صغيره و هو لو بيحبها بجد هيستحمل كل حاجه عشانهاا
و اوعي تسمعي كلام اللي بيقوللك اكتبو الكتاب دا غلط طبعااا
و كلام المصريه صح علي فكره وفعلا كل شئ قسمه و نصيب
انا عارفه ان انتي مش مقتنعه بالكلام ده بس فعلا انتي في مرحله مراهقه
بسى ياستى دى اول مرة فى حياتى اكتب رد على اى موضوع مش مهم تعرفى لية خلينا فى مشكلتك بجد انا حقوللك كلمتين ياريت تفكرى فيهم كويس لانى اكبر منك ومريت بمرحلت المراهقة اللى انتى فيها وكمان درستها شوفى واللة العظيم انتى مش بتحبى الشخص دة انا متاكد انك بتقولى لا انا بحبة اولا انتى سنك صفير ومتعرفيش تحكمى على مشاعرك دلوقتى مفيش حب قبل 20 سنة دى اسمها نزوة وانصحك تنتبحى لدراستك وبلاش تصدقى كلام الافلام او كلام تامر حسنى لانة دة مش حقيقة واللة لتانى مرة دة مش حب وممكن اثبتلك لو عايزة ودة ايميلى لو محتاجة اى مساعدة
س ع انا رأيي ان انتي لسه صغيره يعني مينفعش تحبي دلوقتي وسوري يعني انتي غلطاااااااااانه لانك صغرتي اهلك وعملتي كده من وراهم ولو كان بيحبك بجد مكنش عمل حاجه من ورااهلك
السلام عليكم و رحمة الله و بركاته
كل عام و انتم بخير و صحة و سلامة
و تنعاد عليكم الايام بخير
تحية طيبة و بعد ,
اختي الصغيرة ….
مع احترامي ليكي و لاهلك
بس انتي اهنتي اهلك جدآ , لان حرام الارتباط عاطفي بشخص او الكلام مع شخص اجنبي عنك
انتي لسة ف تعداد الاطفال عيشي حياتك و بصي لمستقبلك دانتي ف ثانوية عامة يعني مش هزار دا مستقبل و الثانوية دي مرحلة مهمة جدآ جدآ و لو ضيعتي وقتك ف الحب و الكلام دا هتخسري كتير اوي
اولآ هتخسري مستقبلك لانك مش هتبقي فاضية تذاكري
ثانيآ هتخسري رضا الله عنك و دا اهم شئ هو و رضا الاهل
ثالثآ هتخسري ثقة اهلك فيكي و كمان مش هتحترمي نفسك من البصات اللي هتتبص ليكي منهم لانهم هيشوفوكي دايمآ كدابة و عمرهم ماهيثقو فيكي و لا حبيبك دا اصلآ هيثق فيكي
ماعرفش انتي ليه متسربعة اوي ع الجواز ليه
و بعدين انتي اصلآ عملتي ايه للجواز
جواز يعني مسئولية مش مجرد عاطفة مراهقة
جواز يعني بناء اسرة
انتي لسة صغيرة جدآ ع الكلام دا
عيشي سنك ف رضا الله
و اوعي تسمعي كلام اللي يقولك اهربي معاه او اكتبي كتابك من ورا اهلك او الكلام دا لانه اصلآ مش هيثق فيكي اذا عملتي كدة
و الاخ اللي بينصحك بانك تكتبي كتابك من ورا اهلك دا حرام عليك اتقي الله اعتبرها اختك يا اخي
ترضا ان اختك تكتب كتابها ع حد من وراكو
ماحدش محترم يرضى كدة ابدآ
اختي في الله اني اريد مصلحتك
ركزي ف دراستك و خلصي جامعة و بعدين لو هو نصيبك ماحدش هيقدر يفرق بينكم و لو لا يبقى ربنا كاتبك الاحسن
ف الاول و الاخر كل شئ قسمة و نصيب
و اختي لا يجوز التحدث مع شخص اجنبي عنك
و اللي يقولك كلميه من ورا اهلك >>>> دا اكبر دليل ع ان دا غلط
لان مافيش صح بيبقى ف الظلام
الغلط بس هو اللي ف الظلام
و لو انتي خايفة من اهلك ليه تعصيهم
و ازاي تخافي من اهلك و انتي مش خايفة من ربنا لان اذا كان اهلك مش هيشوفوكي ف ربنا هيشوفك ف الله يرى كل شئ
و ماتنسيش ان الاهل مايتعوضوش
و اقسم بالله ان اي ولد علق هنا و حبيبك نفسه لو قلبهم عليكي بجد هيقولولك كدة
و اقسم بالله انهم مايرضوش لاختهم انها تعمل كدة و انها تكتب كتابها من ورا اهلها
اتقو الله
يمكن كلامي شديد شوية بس انا قولتلك نصيحة لوجه الله نصيحة لاخت صغيرة
سلامي لك اختي ^_^
الله يهديكي و يسعدك
و السلام عليكم و رحمة الله و بركاته
ana kman f nfs almskla dy
انا رايى من راى عمر و بجد احنا فى مجتمع ميسمحش بالخطوبة او اى شيئ شبيه فى السن اللى انتى فيه دلوقتى
فنصيحتى انكم متبعدوش عن بعض لو بجد بتحبوا بعض لحد ما الوقت ما يسمح و يجى يتقدملك
انا في نفس الحيرة دى على فكرة بس انا عندى17 سنه وهو 21 وظروفه المادية ما تسمحش بلارتباط دلوقت خالص وانا كمان لسه في2 ثانوى وهو في الجامعة وانا مش عارفة اعمل ايه انا هتجنن
بس انا استفدت من كلامكوا كتير شكراااااااااا
اقولك لازم تتقابلوا الانتم الاثنين علشان تخططوا لحياتكم اللى جايه وثانيا :علشان تشوفوا بعضكم وساعتها هتعرفوا تفكروا مع بعض
واوعى تسمعى كلام اللى يقولك روحى اكتبى كتابك هههههههه انتى لسه قاصر هو اللى هيروح فيها ساعتها خلى بالك وقبل ما تقدموا على شئ لازم الاول تفكروا كويس اوى وتحسبوها بالورقه والقلم وفى الاول وفى الاخر كل شئ قسمه ونصيب واللى عايزه ربنا هو اللى هيكون
والله واعلم حاس ان فية ناس هما الوحيد انا تطل الناس لعمل الشليطان زي عمر والسادات
اتقوا الله
اولا السلام عليكم السادات قالك علي وجه نظره انا بقلك متفكريش في كلامه ده اولا لانك لو عملتي كده هيكون اكبر غلط في حياتك انتو بتحبو بعض خليكم علي تواصل لحد منتي تكبري شوية لان 16 لسه صغيره ع الجواز يعني لو قعدتي سنتين يخطبك و تكملي دراستك و انتي مخطوبه بس متبعديش عنه و هوا كمان ميبعدش عنك اهم شيء متحاوليش تتقلي عليه يعني حسسيه بحبك ليه لان حصل معايه كده و خصرت الي كنت بحبها بسبب انها بتتقل عليا و متخلقش الي يتقل ع الهواري المهم نرجع لملموضوع انتي قدي في السن يعني في 2 ثنوي قدامك 4 سنين لو دخلتي كليه بعد سنتين يتقدملك يخطبك او سنه هتكوني كبرتي شوية و بعد كده تكملي دراستك لحد متتجوزو و لما تكلميه او يكلمك لازم تكوني حريصه ان محدش يشوفك او يسمعك اتفقنا يا ثكر و ربنا يوفقك انشاء الله و تتجوزو يا رب اتمني ليكي كل خير انشاء الله
اولا اوعى تخسرى اهلك علشانه وثانيا اوعى تخسريه علشان اهلك انا الموضوع صعب وكبر بس الحل انك تقربى منه وتطمنى عليه من اخواته الى هما اصحابك بس فى نفس الوقت خلى بالك اهلك مش يتعوضه وبعدين عايزك تعرفى حاجه لو هو اول حب فاول حب ميتعوضش فخلى بالك منه ومن اهلك
والله هالقصة كتير اترت فيا الله يساعدك حبيبتي الحب شي حلو كتير بس اوعك توقعي بغلطتي خلي بالك منه بالاول محترمين وبالاخر ما يتذكروك ابدا
بصي بأمنت ربنا أنتي تجرائ و تروحي تكتبي كتب كتابك عليه من غير محد يعرف و بعدين لو أهلك عصلجو طلعلهم أسيمت جوازك من الشخص ألي أنتا بتموتي فيه و خلي بالك أنا ولد و بجد عملت كده مع الي بحبها رغم أن هيا حبتني ثبل ما أنا أحبها أو أشعر بيها أهلي و أهلها مكنوش موافقون فكتبت كتب كتابي عليها في السر و كمان في نقطه هتخليكي تستغربي أن أنا دبلوم صنايع و هيا دوكتوره القلب لما يحب محدش يقف أدمه لو معملتيش كده هتخصري سمعتك في المستقبل و مش هتعرفي تعيشي جوزك لو أجوزتي حد غير ألي بتحبيه و كمان ممكن تخوني جوزك مع ألي بتحبيه و السلام ختام من السادات الثاني
بصى للاسف انتى شخصيتك ضعيفه جــدا انتى مش عايزه المشاكل و ده مستحيل
الشئ الى يجى بسهوله يروح بسهوله
لازم مشاكل ولازم تحربى من اجل الحب ده و اوعى تنسى انى اجمل ما فى الحب عذابه و انتى رافضه عذاب الحب و ده غلط
دى نصيحتى ليكى مش تبعدوا عن بعض كملوا بالمشاكل دى و صدقينى لو انتوا بتحب بعض بجد هتحلوا كل المشاكل و لما تكبروا و تفتكروا المشاكل دى هتقولوا كانت ايام حلوه حاربنا على شان نفضل مع بعض ( انتى الخوف لو سيطر عليكى هتخصرى كل شئ حتى نفسك)