أنا شاب عمري 28 سنه وتقدمت لخطبة فتاة عندها 27 سنه هي انسانه محترمه وعاقله وعلى قدر من التدين والاخلاق وأهلها ناس كوييسين ولكن المشكله الوحيده التي توءرقني هي سنها الكبير نسبيا وكذلك ان فارق السن بيننا ليس كبيير…كذلك القصص التي أسمعها من بعض الناس أن المرأه تكبر قبل الرجل وأن علامات الزمن تظهر عليها سريعا خصوصا بعدم تنجب ……. اريحوني برأيكم أراحكم وهداكم الله
مشاكل الشباب قبل الزواج
فارق السن المناسب بين الزوجين
اضيف بتاريخ: Tuesday, December 21st, 2010 في 23:31
كلمات مشاكل وحلول: الزواج, فارق السن, مشاكل الشباب
لو محترمة واهلها محترمين بجد .. اوعى تسبها حتى لو هى اكبر منك .. هو انت اصلا هاتعرف تلاقى ناس محترمه ولا بيت محترم فى الزمن ده
بس اللى اقدر اقولهلوك ان اللى هايحدد علاقتكم هى مدى قوة شخصيتك وحكمتك بسبب قرب الفكر والسن ما بينكم . خليك متريس وحكيم فى قراراتك
بس نصيحة لو هى بنت ناس محترمين وهى محترمه اوعى تسبها
أهم حاجه التقوي …..السن ليس مشكله
بالعكس كل ما البنت كان سنها معقول كانت متحمله للمسئوليه ( مش فرفوره )
وكانت تعرف قيمة الرجل وتيزداد تمسكها بزوجها وبيتها ( الزوج الذي حصلت عليه بعد معاناه)
البنات الصغيره غالبا بتكون طايشه ومعندهاش الخبره الكافيه بالحياه ومع أول خلاف بسيط ها تشوف الفرق بينها وبين العاقله الراسيه……..
هو ايه ده انت بتتكلم على فارق سن (سنه واحده بس) انا الفرق بينى انا وجوزى 11 شهر والحمد لله متفاهمين مع بعض وبنحب كل حاجه زى بعض ونكره كل حاجه زى بعض وايه الستات بتكبر ئبل الرجاله لاه طبعا فيه ستات بتمشى الناس بتبص عليه تفكرها صغيره بلاش التفكير ده ده تفكير ئديم ئوى يعنى كنت عاوز تبئى اكبر منها ب10 سنين مثلا ولا ايه على بركه الله بلاش الكلام ده
السلام عليكم
ياأخي المستقبل لا يعلمه الا الله والجمال يأتي يوم ويزول فيه والصحة تاتي يوم وتزول فيه والانسان ياتي وقت ويزول باكمله ولا يبقى شيء الا الاخلاق والفعل الحسن “اذا مات الانسان انقطع عمله الا من ثلاث صدقة جارية وولد صالح يدعو له او علم ينتفع به” في معنى الحديث والله لا ينظر الا صوركم ولكن ينظر الى قلوبكم فالنبي صلى الله عليه وسلم كان اول زواجه بخديجة رضي الله عنها وهو في سن الخامسة والعشرين وهي تتعدى الاربعين ومعظم زوجاته عليه الصلاة والسلام اكبر سنا منه.
فالربجل لابد ان ينظر الى الاخلاق والقيم اولا لانه هو اساس بناء الاسرة بناءا سليما اما المظاهر فهي زائلة طالت ام قصرت كما قلنا سالفا والعمر من المظاهر وفارق السن سنة اواثنين لاحرج في ذلك اذا كان الجوهر نظيف فكم من صغيرة جميلة تزوجت برجل اراد جمالها وبعد سنة او سنتين اخذ الله جمالها واحترق وجهها واصابتها الامراض الجلدية فصار مظهرها كالعجوز وبقيت اخلاقها هي الداءمة
والعكس صحيح
وصدق رسول الله صلى الله عليه وسلم اظفر بذات الدين تربت يداك
بص انت تسيبها عشان فرق السن قليل بينك وبينها وبعدين اخطب واحدة صغيرة شوية تدلعك وتفرفشك يعنى هو من قلة البنات
بس استنى
حقولك حاجة تضمن ان الصغيرة دى تبقى عاقلة ومحترمة واخلاقها كويسة ومتدينة واهلها ناس كويسين ولا متضمنش
يا اخى البنت المحترمة واخلاقها كويسةواهلها ناس كويسين بقوا زى اللؤلؤ دلوقتى حاجة نادرة وغالية وصعب نلاقيها بالساهل فلما نلاقيها منفرطش فيها
ربنا يوفقك يا اخى الكريم لما تحب وشيل الموضوع ده من دماغك وخلى تفكيرك اكبر من كدة
توكل علي الله ولاتتردد ..المهم انك اكبلر منها وخلاص..وربنا يكرمك
الست ال<يله جميله والست القرده قرده وكفايه ادبها واخلاقها توكل علي ربك مش بالسن اهم حاجه البنت واهلها ناس محترمين
اولا هى سنها مش كبير ولا حاجه سنها معقول جدا وانت نفسك بتشكر فيها وبتقول انها محترمه وعاقله واهم حاجه عقلها وطريقه تفكيرها واخلاقها طبعا مش احسن متاخد واحده اصغر منك بتمن ولا تسع سنين بس تافهه وعقلها صغير وبعدين ميزه برده ان اهلها ناس كويسين يعنى انت بتشكر فى البنت واهلها مع بعض ودى ميزه وبعدين مساله ان المراه بتكبر قبل الرجل مش دايما بتحصل مهياش قاعده يعنى وانا اعرف ناس كده كتير …وبعدين بالعشره الطيبه والموده والرحمه مش هتحس بمساله السن دى ده لو حصلت يعنى اتكل على الله وربنا يباركلك فى جوازتك
شوف ياخي ابي تزوج امي وهي اكبر منه بسنه الله يرحمهم امي ظلت جميله وبشرتها اجمل بشره بشهاده الجميع وتوفيت بعد ابي باربعه عشر عاما اي كل شي بيد الله والبركه بيده وليس بالعمر وانت تقول بنت ناس ومحترمه توكل على الله ولا تخف وزوجه اخي اكبر منه بسنه وماشي الحال صدقني اهم شي التفاهم وهي بعمرها تكون ناضجه فلا تفكر لها مدبر الله يسعدك معها