انا مخطوبه لشخص بطريقة تقليديه وحصل مشاكل كتير بسبب عدم التفاهم بيني وبينه وابسط امثله على مشاكله انه كان بيكلم كتير معايه لغايه ما وصل لفترة ان تليفوناته قلت وبساله انت ليه بتعمل كده قالي انا عايزه احوش لانه مش قاعد هنا هو في السعودية وانا كان عايز ينزل اجازه في العيد مع انه من شهر كان موجوده قولتله مينفعش قالي يبقى انتي مش عايزاني سكت معلقتش بالكلام تاني مشكله اني كنت في فترة امتحاناتي وكنت قاعدة عند خالو وسايبه اللاب توب في بيت اهلي قالي انا مش مقتنع انك سايبه اللاب توب في بيت اهلك بسبب امتحاناتك راح رفع صوته عليا وانا اتحرجت جدا لانه كان صوته عالي وكل ده كان بيحصل وقول معلش انا مش عايزه اخسره عشان انسان مؤدب خلاص بعد كده كنت مسافره انا واهلي الامارات ورجعنا مصر يوم وصولي من المطار ولسه دخله البيت كلمني بيقولي متصلتيش ليه قولته المفروض انت الي تتصل ولو انا متصلتش انت ليه متتصلش راح مزعق فيا قالي انت متعليش صوتك عليا مع اني والله العظيم معلتش صوتي سكت وقولت خلاص وماما قالتلي معلش حاولي انتي بتتكلمي متتعصبيش وماماته كذلك قولتلهم حاضر مع اني قبل المشكله دي كلمته وقولتله انا ابديت اتغير من ناحيتك وحاول تقربني ليك خلاص تاني يوم كنت خارجه ولما روحت اتصلت وقولتله انا روحت مره واحده مع نفسه بيقولي انتي شكلك معنتيش بتحبيني وبضيع وقت وقولتهه بعد المشكله دي انا مش عايزاك ماما قالتلي معلش وكملت معاه بعديها بيومين كنت خارجه مع اخويا وقولتله هتاخر واخويا هيروحني قالي لا ترجعي بدري اترجيته والمهم وافق في الاخر وخرجت مع اخويا وكلمه واطمن اني هرجع معاه راح مكلمني قالي يعني نفذتي الي في دماغك وراح قفل في وشي بعديها بيومين كنت خارجه وموبيلي فصل شحن ولما روحت كلمته من موبيل ماما بيقولي مشحنتيش موبيلك قولتله ملحقتش اشحنه قالي انا مش مقتنع بمبررك ده وقالي لما اقولك تشحني موبيلك يعني تشحنيه قولتله هي مش غصب وانا مش متعوده ان حد يغصبني على حاجه انا مش عايزاها وكلمته تاني يوم عادي كانه مفيش حاجه بعديها بيومين كلمني الساعه واحده الظهر وكنت لسه صاحيه اخبارك عمله ايه كويسه وهتعملي ايه النهارده قولتله خارجه قالي انت لسه فكرة تقوليلي قبليها بتلت اربع ساعات وراح قفل السكه في وشي ومن ساعتها وانا مش عايزه اكمل معاه
مع العلم ان اهلي قالوليلي اديله فرصه اكتر من مره وبرضوا بيعمل مشاكل واخر مشكله خلتني اقرر اني انفصل عنه ومع ان كتير من اهلي اترجوني تاني اديلوا فرصه انا معنتش قادره اتعامل معاه لغاية ان اهلي قالولي يا تديلوا فرصه يا تخسرينا ومش قادره اديلوا فرصه خلاص تعبت منه ومش قادره اكمل معاه وانا في نفس الوقت مش عايزه اخسر اهلي اعمل ايه
مشاكل الخطوبة
اهلي يجبرونني على الاستمرار مع خطيبي
اضيف بتاريخ: Tuesday, September 18th, 2012 في 04:33
كلمات مشاكل وحلول: الخطوبة, فسخ الخطوبة
حرام يكون هو مسافر ومتغرب عشان يتجوزك وانتى بتفكرى فى الاتصال وقلة الكلام المفروض انتى الى تساعديه انه مايتكلمش كتيييييير ويوفر عشان ينجز المده وتتجوزى وعلى فكرة دى المعامله الطبيعية الى بيعاملك بيها لانه بعيد عنك وبيكون تعبان سواء فى شغله او بسبب قلقه عليكى وانتى بعيد عنه واكتر حاجة تثبتلك حبه ليكى انه مسافر عشان يكون فلوس ويتجوزك ماتبصيش على التفاهات دى المكالمات والمقابلات والطريقة بصى على نيته من نحيتك ايه فى الاخر ده انسان محترم ماتفوتيه لان الفرصة بتيجى للانسان مرة واحده والله اعلم ممكن تكون دى فرصتك .حاولى تعملى صلاة استخارة
متزعليش مني انتي انسانه سلبيه وملكيش راي لا قدام اهلك ولا قدام خطيبك
وهتتجوزي ومش هترتاحي وهتجيبي عيال عندهم عقد نفسيه
لازم تتخلصي من نفسية العبيد دي وتقرري انتي عاوزه ايه ومهما كان اهلك قليلوهم اضربوني موتوني ولا اني اعيش مش حره وليا راي وكرامه
على فكرة انا مش مقتنعة باللى انتى بتقوليه دا انتى عاوزة تسبيه وخلاص هو ايه دا انا لحد الان مش لاقية سبب مهم انك تسبيه وكمان هو بيهتم بيكى وانتى بتتدايقى على فكرة اهلك عندهم حق اديله فرصة ومفيش اتنين بيخلوا من المشاكل
انتي بتدورى على سبب علشان تسيبيه,وغالبا انتي اللي بتخلقيها
شوفي يااختى ………
انا انصحك بصلاة الاستخارة واللي فيه الخير ربنا يقدمة ليكى وليه وبعدين الجواز دة قسمة ونصيب ومحدش عارف نصيبوا فين ادعى ربنا بالخير بس هسألك شويه اسأله ومنها هتعرفي انتى عايزاه ولالاء: ,
انتى لو سيبتيه هتزعلي عليه ولا عادى بالنسبالك؟
حياتك من غيره احسن ولا في وجودة احسن؟
هيجى يوم تندمى عليه وتحسى انك عايزاه ولا مش هيفرق معاكى؟
حاسه انك بتحبيه ولا لاء؟
لما تجاوبي علي الاسئله دى هتعرفي اذا كنتى عايزة تكملي حياتك معاه ولالا, وخلي بالك دى حياه وعشره عمر يعنى مينفعش تتجوزى مجامله لاهلك ولا لاي حد انتى وحدك اللي هتقدري تقرري
بصى انتى ممكن تعملى حاجة حلوة اوى انتى متتصليش بية خالص لحد مايكلمك ولما يكلمك هو انتى اتكلمى معاة وحطى النقط على الحروف وقوليلة الحاجات اللى بتضايقك والاسلوب اللى بينرفزك وفهمية انك مش هتقبلية بغير كدة والله لو وافق خير وبركة وفهمية انى دية اخر فرصة وتانى حاجة لو موفقش يبقى جت من عندة واحكى لاهلك وهما اكيد ميرضوش انك تعيشى من غير كرامة او تتجوزى وتطلقى لازم كل واحد يعرف اللى لية واللى علية وربنا يوفق واللى فية الخير يقدمهولك
شو يعني يا تقبلي بشخص غريب وعامل فيها سي سيد يا تخسري اهلك ؟؟ شو قصة اهلك شو عاجبهم فيه؟؟ اخلاقه بصراحة مش شايفة اخلاق ولا احترام في تصرفاته ..فلوسه؟؟ شكله؟؟ شو قصة اهلك كل المشكلة في اهلك هو وانتي مالكمش مشكلة غير انكم تنفصلو واضح مافي تفاهم ابدا ولا حتى ذرة حب
بصي هو واضح انه عصبي ومندفع شويه وده مش هتستحمله غير واحده بتحبه وبتموت فيه علشان تقدر تستحمل كل حاجه منه بحب وتحاول مع الوقت انها تغير فيه زي ما هي عاوزه هو هيكون بصعوبه بس طالما بتحبه وهو بيحبها هتقدر لكن طالما انتي مش قادره تستحملي الطباع دي فيه يبقي درجه الحب عندك موصلتش لدرجه انك تستحملي طباعه دي وطالما اهلك قالولك اديله فرصه تانيه خلاص مجاتش ع المره دي اديله فرصه اخيره ولو حصلت برده مشكله يبقي انتي عملتي اللي عليكي ادام اهلك علشان مش تخسريهم
انا عايز اقولك انى بجد اتنرفزت اوى من كلام دا اولا هوا بأمارة ايه بيؤمرك كداهوا يا حيالة لسا خطيبك امال لما يتجوز هيعمل فيكى ايه؟؟ ثانيا انا امى كان واقعة فشبه المشكلة دى وادتله فرصة وكانت النتيجة انه خلا حياتها جحيم وحياتنا احنا كمان اعرفى ان انتى اللى هتتجوزيه مش اهلك ولو انتى وقعتى فورطة وسجن معاه بقية عمرك اهلك مش هيتأذوا ومش هياخدو غير ذنبك مدام هوا كدا لازم ترفضى ومعلش فالكلمة اللى يزعل يزعل دا اختيار شخصى وهما ملهمش دعوة مدام هوا وصل للدرجادى بس بردو عشان مبقاش ظلمت حد حاولى تصلى استخارة فى موضوع فسخ الخطوبة دا ولو ربنا شايف انه هيئذيكى هيبعده عنك وربنا يختارك الخير باذن الرحمن وشكرا…
حبيت أرد عليكى يا أختى — فيه رجالة بتكره الاتصال كتير والبنات بتحب الاتصالات كتير ومعظم الرجالة بتكرهها هو كل الحكاية غصب على نفسه في الأول عشان يرضيكى وحضرتك كنتى وراه وراه ومحاصراه متقوليش ده محصلش هو كره نفسه بس بيحبك برده وحاول كتير وحضرتك للأسف مش حاسة بيه وفعلا هو متغرب عشان يحوش مش بخيل ولا حاجة بس دى الحقيقة بس قرر يقلل الاتصالات وكم يعانى الرجال من هذا – آسف للفظ دي تفاهة منك لما تربطى حياتك وتقيمى الشخص اللي قدامك بالمدة اللى بيكلمك فيها مش معاملته وواضح حبه ولا لا ؟ فكرى تانى بنضج أكتر واضح انك لسة صغيرة