انا بنت عندى 18 سنه وحبيت ولد على الفيس بوك وهو حبنى جداا جداا وكنا مشيين تمام اوووى بس لما فى يوم واحنا بنتكلم ماما دخلت عليا وقالتلى مين اللى بيكلمك قلتلها زملتى فقالت جيبي كدا فقالتلوا مين حضرتك قالها انا محمد فقالتله وبتكلم بنتى ليه قالها انا بحبها وعايز اجي اتقدمها وفضلو يتكلموو وفجائه هو شتمها وهى شتمته وقالها الفاظ انا مكنتش متوقعه منه انه يقولها مع العلم انى اديته الفرصه والثقه انه يكلم اخواتى لو انا مردتش على الفون وفضل يرن عليا وان مردش وبعدين كلم اخواتى واخواتى كلموه وقالوله انى قافله على نفسى وان حالتى وحشه وهو قال لاختى ان عايز اقابلها طبعا رفضواا وبطل يكلمنى وانا كمان بس انا مش قادره انساه ليه مش عارفه ممكن مساعده واسفه على الاطاله
احنا فى نفس سن بعض يعتبر بس انا هنصحك بشوية حاجات
أولاً مفيش حاجه اسمها حب على الفيس بوك ، الفيس بوك يعرفك على الشخص الأول وبعد كده بتقعدوا مع بعض وش لوش علشان تفهموا بعض كويس وتحبوا بعض بس انتو معملتوش كده وده معناه انك موهومه انك بتحبيه لكن انتى بس معجبه بطريقة كتابته زى اللى بيقرأ الروايات ويتعلق بشخصيه فيها هل ده بيبقى حب؟ لا
ثانياً معنى انه شتم والدتك كده يبقى انتى عندك سبب رئيسي علشان تكرهيه ، لانه محترمهاش ومتحاوليش تقنعينى انه مش هيحترم والدتك وهيحترمك انتى!!
ثالثاً سبب تانى انك متفكريش فيه هو ان حتى لو قررتى تكلميه تانى وهو اتأسفلك مستحيل والدتك تقبل بيه و وقتها السنين هتكونى ضيعتيها على لاشئ
رابعاً واخر حاجه حاولى تختارى صح وتدخلى الشخص اللى قدامك فى امتحانات ولو فشل تبعدى عنه (بنعمل كده احنا كمان كشباب)