قررت اكمل علاقتي معاه يمكن يحبنى

أنا بنت عندى 24 سنة مش مرتبطة من زمان و انا دايما بحس انى مش زى البنات اللى فى سنى لا بلبس زيهم ولا بعرف اتصرف شبههم عمر ما حد حبنى الا لو لغرض التسلية و انا بتعلق دايما و اتجرح ابويا شخص انانى و عصبي و مش بحس بوجوده و مش حنين خالص لدرجة انى بكرهه و تقريبا ماليش اخوات هى اخت بنت و اصغر منى و من زوى الاحتياجات الخاصة يعنى طفلة .. ماعنديش اى ثقة فى نفسى و شايفة نفسي قليلة .. من حوالى شهرين اتعرفت على شاب اصغر منى ب 11 شهر من على الفيس بوك احنا بقالنا سنين متابعين بعض و كان بيحصل كلام بينا و انا كنت بصده المهم ان قبل شهرين من دلوقتى اتكلمنا و بقينا نتكلم كل اجازة ليه من الجيش بينلى انه معجب بيا و اتكلم فى نقطة معايا كتير عن حياتنا مع بعض و انه مش بيفكر يتجوز حد غيرى .. من 4 ايام قالى انتى رسمتى الدنيا لوحدك و عايزة نرتبط بسرعة و نحب بعض و انا عايز اشوفك و اتعرف عليكى كويس الاول و بعدين نشوف موضوع الارتباط ده ييجى فى وقته انا اتخنقت و زعلت و قولتله ماتكلمنيش تانى بس هو فضل متمسك بيا و قالى خلينا فى حياه بعض تحت اى مسمى و انا مش عايز اخسرك .. من ساعتها و انا فى حالة اكتئاب مش طايقة نفسي ولا حياتى قررت انى اكمل معاه تحت اى مسمى يمكن يحبنى انا عمرى ما اتحبيت و نفسي اتحب اوى نفسي احس ان ليا قيمة عند حد .. انا حياتى فاضية و العمر عمال يجرى بيا و حياتى واقفة نفسي افرح زى اى بنت و مش عارفة ايه العيب اللى فيا ..

مشاكل وحلول ذات صلة

• حبيبي عنده صوري و رقم ابوي
• بكره الحياة خصوصا بعد زواج بابا وموت ماما
• خطيبي كان معجب باختي قبل ما نرتبط
• حاسس ان هيجيلي اكتئاب بسبب التفكير
• اقرب الناس لي اخذ شرفي
• ما اريد اتزوج بنت واظلمها معاي
• خجول جدا ومش عارف اتكلم او افتح مواضيع