في ولد انا اعرف ولما عملت صفحه على الفيس بوك لأول مره عملت له طلب صداقه عادي ذي اي حد وكنا بنحكي ع الماسنجر عادي وبعدين قالي أنه بيحبني من 3 سنين ومش عارف يقولي اذاي وقولتله عادي فيها ايه دي مشاعر جميل منك وانا بقدر ها بس انا بالنسبالي عادي وكنا بنحكي عادي وبعدين ابتديت احبه انا كمان واعترفت بكده بس انا قفلت الصفحه لكن بعديها اتكلمنا بالتلفون شويه ايام وبعدين الدروس بتاعتي بدأت لأني داخله 3 ثانوي علمي علوم وقولتله قالي خلاص احنا مش هنتكلم تاني او ممكن نتكلم كل أسبوع مره وقولتله ماشي بس سيبني شويه علشان اتعود علي غيابك قالي ماشي ممكن شهر كده قولتله تمام وعدي الشهر ومرنش او بعت ماسج لأن المفروض انا اللي ترن علشان اهلي ميعرفوش الموضوع وهو ممكن يرن والتلفون يكون مع حد من البيت ف انا قررت اني هرن واقوله انت بتحبني ولا لا بصراحه انا مش عارفه اعمل ايه خصوصا اني اشتقت ليه قوي ساعدوني اعمل ايه
أختي العزيزة …
بصي كدة مش صح اللي بتعمليه ده ! ، والدليل انك بتداري وطالما بتتداري اعرفي انك بتعملي حاجة غلط !
ركزي في مذاكرتك وفي دراستك هى اللي هتوصلك ان شاء الله بامر الله لما تحبي وتتمني ومتضيعيش نفسك بأمور تندمي عليها بعد كدة ! ،، خلاصة الأمر متكرريش الأخطاء ديه تاني واتعاملي عادي معاه اذا شوفتيه طبعاً بغض النظر عن اللي فات ويكون تركيزك وهدفك ناحية دراستك الهدف الأول والأخير في مرحلتك ديه اللي انتي عايشة فيها !
وشكراً
اللي انتي بتعمليه دا حرام وعلاقة غير شرعية …. لو مش حرام كلميه قصاد اهلك تقدري ؟ لا طبعا يبقي حافظي علي نفسك للي هيتجوزك في الحلال وسيبك من الواد دا بيلعب بيكي وبيتسلي انتي لسه صغيره بعد ما تخلصي ثانوي مشاعرك هتتغير
يابنتي تصرفاتك دي حرام وعيب كبير في حقك وحق اهلك مافيش صداقة بين البنت والولد لاتجعل الشيطان يفسد اخلاقك وتربيتك ويوقعك في المحرمات والمعاصي ابتعدي عن الولد ده واقطعي علاقتك به نهايا واهتمي بدراستك وربنا يؤفقك ويسترعليك ويصلحك