انا طالبة جامعية: و جامعتي مختلطة في السنة الثالثة عندما دخلت الجامعة دخلت في مجموعة اشخاص كانو طيبين و حبوبين بس في وحدة للاسف اكتشفت متأخر انها كانت مو كويسة بمعنى تتكلم كثير و م تحفظ سر بالعربي م بتبتل في فمها فولة … المهم جلست اول سنتين و كان عندي مباديء مرة كثير و ندمت اني اصلا عرفت الناس على مبادئي و اني كيف افكر المهم هذه السنة كنت اتمشى م زملاء 3 كانو تقريبا اصدقاء واحد منهم في مقام الاخ و الثاني م كنت اعرف انو معجب والثالث كان معجب واعترف الناس كانت تشوفني اتمشى مرة مع دا ودا و طبعا فكرو عني غلط مع اني عمري م سويت شي غلط كل شي كان بحدود و السنة دي وقعت في حب الشخص الثالث و من قبلها و انا اسمع كلام مو كويس بدا عني بمعنى اني استغل الشباب و و و و يعني احس سمعتي تدمرت في الجامعة وكل واحد اخد فكرة عني و المصيبة حتى لمن حبيت الشخص برضو بدو يتكلمو فيني م اعرف ايش اسوي افكاري مشتتة حتى وانا اكتب مشتتة بس كل الي ابغاه اني اكون راضية و عارفة نفسي بس م اعرف كيف ابدا … لانو كلام الناس صعب والله بالذات لو م كانت فيك اي صفة سيئة
كمان سمعت من شخص قريب بس بصراحة م اثق فيه قال اني طحت من عينه بعد م حبيت شخص و كسرت مبدئ واحد من مبادئي و المبدئ يعني مو خطير المهم كان يقول انو كان يحترمني بس بعد الي سويته صار م في احترام انا هنا انهرت و حسيت انو انا ممكن اكون انسانة مو كويسة و في نفس الوقت فكرت اني انا كل الي سويته اني طحت في حب انسان مو اكثر ولا اقل… ليه البنت لو حبت يقال عنها مش كويسة ويقل احترام الكل لها ؟؟ عايزة اي نصيحة لاني جد نفسيتي تعبت ويارب احد يفهم انا ايش ابغى وصل
مشاكل اجتماعية
بسبب كلام الناس عني نفسيتي تعبت ما الحل؟
اضيف بتاريخ: Thursday, February 18th, 2021 في 13:55
كلمات مشاكل وحلول: بنت, جامعة مختلطة, حب, حلول, طالبة جامعية, كلام الناس, نصيحة
