انا شاب عندي 19 سنة …الموضوع بدأ من ونا ف 1 ثانوي كنت كل م اشوف بنت اًعجب بيها واكلمها لغايه م جيت ف مرة كلمت بنت وقولتلها بحبك وكدة وارتبطنا فتره سنه كدة وسيبنا بعض بسبب ان اهلها عرفو انها بتحب ولد (انا).
جيت بعد كدة ف 2 ثانوي عرفت بنت من على النت وحبيتها وارتبطنا فتره كبيره وسيبنا بعض عشان مامتها عرفت انها بتكلم ولد برضو اللي هو انا.
وجيت فالاجازة اللي بين 2 و 3 ثانوي حبيت بنت اكبر مني بسنة.، بس حرفياُ كانت بتعذبني نفسياُ بتصرفاتها وكده …لغايه م جت فتره ولقيتها بعدت عني ومبقتش تكلمني ومتردش على اتصالاتي ورسايلي والموضوع ده استمر لمدة 3 شهور من ثانويه عامة.
بعدها بشهرين عرفت بنت من النت برضو بس كانت من غير ديني وكنت بحبها فعلاْ بس طبعاً كنت عارف اننا مش هنكمل وسيبنا بعض بعد فتره قليله.
بعدها ارتبطت ببنت من غير ديني برضو مع اني عارف انه غلط، بس المره دي كان بعد م خلصت ثانويه عامة وبقي عندي متطلبات وشهوة جنسيه عاليه جدا… لدرجه اني بقيت بقابلها وبحضنها وببوسها وكنت حاسس اني بكدة هبقي فدنيا تاني …هو فعلا كدة بس حقيقي الموضوع كل م بفكر فيه وف اللي بيحصل فيا كله ع بعض …بقول انا استاهل ودة نتيجه اعمالي بس انا فعلاً تعبت وكبرت وندمت جداً ووارجوكو ياريت اللي يقرا يدعيلي اني اخرج كل المواضيع دي من دماغي 🙂
