انا فتاة لم اتزوج بعد وبشتغل والحمد لله والدي الله يرحمه ترك لي مبلغ من المال لكي يساعدني في الزواج ومن حوالي عام ونصف تعرفت على رجل متزوج ولديه اولاد وكانت الامور تمام ولكن بعد مرور عام حلت عليه المصائب تعبت زوجته واولاده وحالته المادية صعبة جدا وهو لم يوعدني بالزواج بعد ولكن اعترف بحبه لى والمشكله انني في صراع نفسي لانني اتالم بعذابه لانه لايستطيع ان يوفر الدواء لهم وسؤالي لكم هل ممكن ان اساعده بمبلغ من المال ام اتركه ليلاقي مصيره مع مع الزوجته المريضة ؟؟
هيشطب على الفلوس اللي بابا تعب وشالهالك.. وبعد كده باي باي.. إنتي فرصة تحفه بالنسبة له.ابعدي عنه فوراً واقطعي اتصالك بيه نهائي..القرش اللي بيروح ما بيرجعش.. خدي بالك من نفسك كويس وانفدي بجلدك من الشيطان ده.. وربنا يوفقك للصالح.
الاخت الفاضلة صاحبة المشكلة ايه اللي يجبرك تحبي رجل متزوج وله أولاد – انتي اتعرفتي عليه وعرفتي عنه اللي حكاه لكي ربنا يعلم مدي صدقه ويمكن هو عرف منك ان والدك الله يرحمه ترك لكي مبلغ من المال تتزوجي به – ربنا يعلم هو بيستدر عطفك وخاصة ان ظروفه ومرض زوجته استجد عليه بعد معرفته لكي – الغيب لايعلمه الا الله – انتي قليلة الخبرة ولقيتي هذا الرجل امامك وتعرفتي عليه ثم استجدت عليه ظروفه الصعبة – انتي وحدك اللي تقدري تعرفي اذا كنتي بتحبيه ولا لأ – وربنا يعلم اذا كان صادقا أو لأ – هو متزوج وعنده أولاد – عاطفك مياله له – لكن العقل ان تبتعدي عنه اتركيه لزوجته وأولاده – اعتقادي انه ممكن يضحك عليكي لفترة الي أن يأخذ منكي مأربك ثم يعود لزوجته وأولاده – خلي بالك لوضحك عليكي القرشين اللي تركهم ليكي والدك الله يرحمه هيضيعو ولا هتطولي بلح الشام ولا عنب اليمن وفي الاخر استفتي قلبك وان افتوكي فان الأثم حزاز القلوب ربنا يوفقك لما فيه الخير والسلام عليكم ورحمة الله وبركاته .
نصيحتي لك ان تبتعدي.لماذا تعرفتي على شخص متزوج؟هل تقبلين ان يفعل بك نفس الأمر؟
بالنسبة للمساعدة المادية هل انت متأكدة ام أنه يكذب عليك
وانتي ايه وقعك الوقعة دي من الاول بتقولي متجوز وعنده اطفال مكملة ليه وطبعا مستحيل يسيب مراته بالنسبة للمساعدة المالية اعمليها بشكل انساني لو انتي فعلا حابة تساعدي زوجته بس اتأكدي الاول ممكن يكون بيكدب عليكي وبيحاول يقلبك في قرشين لانه اكيد مصدر اخبارك عنه هو اللي بينقلهولك واسألي نفسك هل شخص عمال يحب واحدة تانية على زوجته المريضة ويلعب بديله يستاهل اصلا تحبيه