مشكلتى هى انى اغير جدا على زوجى فهو كان بيكلم بنات على النت وانا عرفت وكنت بعيط جامد فنادى اهله وقلتلهم وهو زعل انى طلعت اسراره لاهله وزعلنا فترة وجاء البيت رجعنى برغم ان اهله رفضوا وقالوا لازم تطلقها وهو قلهم لا وتحداهم وخصمهم وبعد ذلك اكتشفت تانى انه بيتكلم مع حد وبيحكى عليا وهى بتقوله طلقها وهو قالها لا انا كدا احسن متزوج وليا بيت وانا زعلت قوى ومكنتش عارفة اعمل اية واتخانقنا وقلتله طلقنى انا هلاقى واحد احسن منك وبهدلت الدنيا وفعلا اطلقنا وبعد كدا انا ندمانة قوى دلوقتى وعايزة ارجعله وصت ناس يامة هو قالهم هى اهنتنى وجرحتنى مش عارفة اصالحه ازاى واخليه ينسي انى زعلته وطلبت الطلاق ساعدونى بحل لانى نفسيتى تعبانة من غيره هو كان كويس معايا
لو في بينكم اولاد يبقي افضل ترجعيله علشان اولادك تتربي في بيئة صالحة بين الام والاب واحفظي لسانك شوية … لو مفيش اولاد يبقي يابنت الناس متهنيش نفسك وكرامتك وتقللي من رجولته وتقوليله هشوف واحد احسن منك مش كل خلاف هتطلبي الطلاق ولو مطلقش هتهيني كرامته هو نفذلك طلبك
ازاي عايزه ترجعي له بعد ماعرفت انه زوج خاين ولايقدر الحياة الزوجية ولايستاهل ان يكون زوج يحافظ عليك وعلى بيته واولاده وصدقينى يابنت الناس اللي يخون مرة سهل عليه يخون الف مرة وعمره ماينصلح حاله ابدا واحمدي انك تطلقت منه وعرفت حقيقته وعيشي حياتك انت لسه شابة والف من يتمنى الزواج بك هتلاقي ابن الحلال الصالح اللي يخاف الله عزوجل ويقدر الحياة الزوجية ويصونها ويسعدك في هذي الحياة
لازم بسرعة تبحثي عند احد يصالحكم قبل ما يعرض عليه الزواج من واحدة ثانية في مثل هذه المشاكل دائما اذا كان السبب من الزوجة او حصل شجار بينها وبين اهله يقولوا له سيبها ونبحث لك عن افضل او اجمل منها بالف مرة , ادخلي طرف ثالث يحاول يصلح بينكم بدون ما يعرف انه مرسول منك يعني فاعل خير , وانتي بدورك اعتذري وابدي له فقدانه في فترة ابتعادك عنه لكن ذكريه ان السبب هو حبك له وغيرتك عليه وانك ما توقعتي انه يطلقك ,
السلام عليكمورحمة الله وبركاته …..
انا راى دى نزوه وكانت حتروح لحالها وكان عليكى من المفترض انك تقاومى كل هذا باسلوب راقى لكى تكسبى المعركة بينكى وبين الست الى فى الاخر فازت ….. انا معرفش ان جوزك اتجوز ام لا …؟
الحل ..
حاولى ان تقتربى منه عن طريق الاقارب …؟ او الاتصال ….؟ وتقولى له اننى كنت مصدومه لاننى بحبك وغيره …؟ والله الموفق والمستعان