انا مخطوبه وبحب خطيبي اوي وهو كمان بيحبني اوي بس المشكلة بقي اني كلامي قليل ومش بتكلم غير لما هو يتكلم معايا في حاجه مش بعرف افتح مواضيع معاه ولما بيكون مضايق مش بعرف اخرجه لانه دائما هو اللي بيتكلم وبيفتح مواضيع وانا اللي برد عليه مش عارفه اعمل ايه هو مضايق من الموضوع ده اوي وبيقولي هو انا لو ما تكلمتش انتي ماتتكلميش وتفضلي ساكته شوفيلك حل في الموضوع ده انا مش عارفه اعمل ايه مع اني قولتله اني ده طبيعتي واني مش بحب الكلام الكتير قولولي اعمل ايه ولما يكون مدايق اخرجه من اللي هو فيه ازاي جزاكم الله خيرا وشكرا.
بالنسبه للكومنت بتاع تقي كلامك كللوووووا جميل
بس عاوز اعرف بقا لو ولد عاوز يفتح مواضيع مع خطيبتو
انا مخنوقه اوى محدش بيفهمنى حته خطيبى كل حاجه عنده انى مبعرفش افتح مواضيع مبعرفش اتكلم كل حاجه يقولى انا بحب اتكلم مع اخواتك عشان بيعرفه يتكلمه انت مش بتعرفى تتكلمى وكل شويه يقولى انت مش بتفهمنى ودماغك صغيره اوى على قد كده انا بحبه اوى وهو كمان بحبنى اوى بس حته الكلام الحلو الرومانسى بتحرج اقوله او مبعرفش اقوله نفسى اقربه ليا زى زمان نفسى يهتم بيا زى زمان ونفسى هو رجع زى زمان هو اتغير اوى معايا على قد ما هو بحبنى اوووووووووووووووى وانا كمان بحبه بس انا بحس انى بعيده عنه عشان ولا بعرف افتح مواضيع ولا بعرف اتكلم معاها فى رومنسى اعمل ايه بليز ساعدونى
شوفي هناك نوعان من البنات النوع الاول -البنت الثرثارة اوالغير محترمةولااخلاقية تجدهاتتكلم مع الشاب بكل جراة ولاخجل ولااستحياء وممكن تتمادي معه في الكلام في اشياء محرمةكالجنس والجماع واخرتهاالضياع والانحراف والفشل في حياتها وكراهيةالناس له – والنوع الثاني البنت المحترمةوالخلوقة والتي لاتكثرالتكلم مع الشاب ودايماخجولةومستحيةوخايفة لانهامتربيةكويس ومش عاوزه تغلط في حياتها وتخاف الله عزوجل وتحترم ثقةاهلهافيها ودي تلاقي الخير والسعادةفي حياتها وتلاقي كل الناس يحبوهاويتمنوا الارتباط به فانتي اختاري النوع اللي ترغبي فيه
فعلا دي مشكله كبيره بس علي فكره بترجع لخطيبك هو اللي بيقدر يعودك عليه بحبو ليكي وهو اللي اللي هيخليكي انتي اللي تتكلمي معاه بعد كده اكتر مما يتخيل وده ع مرور الوقت بينكم والله الموفق
انا كمان كنت زيك كدة
كنت هادية جداااا ومش بتكلم مع اي حد والناس كانت بتقولي انتي ساكتة ليه اتكلمي
وبدأت اعود نفسي على الدردشة والكلام عشان كنت بتخنق من طريقة الناس معايا
حاولي انك تتكلمي مثلا عن اهتماماتك هواياتك شغلك
يومك مثلا عدى ازاي عملتي فيه ايه
حاولي تكوني اجتماعية وليكي انشطة واهتمامات واصحاب
واتكلمي مع الناس واتعرفي على اصحاب واحكيله على كل حاجة بتعمليها
مثلا بتحبي ايه بتخرجي مع مين واحكي بقى
انا عملت الحجات دي عشان اقدر اتكلم كتير
وادعي الدعاء ده : “ربي اشرح لي صدري ويسر لي أمري واحلل عقدة من لساني “
تبادل الحب على الهاتف شيئ رائع وجميل طبعا في الحلال والمعقول لكن هناك مشكلة وهي سوء التفاهم وعدم فهم المشاعر تلقائيا ولأن الكلام هو السبيل الوحيد قد تحدث صدمات خاصة اذا كان الرجل يكثر الكلام والمراة صامتة والصورة غائبة وقد يتطور المشكل الى فاجعة بسبب عدم فهم المشاعر جيدا.
أولا الرجل لا يعرف أن هناك نوعين من البنات النوع الأول القوالة كثيرة الكلام تفتح مواضيع تلقائيا وتبادر بالكلام وتحب ان يكلمها خطيبها دائما لا تمل تلكل شعور فيها كلمة معبرة عاطفية بالكلام هذا النوع قد لا يفهمه بعض الرجال ايضا والثاني الصامدة لا تعبر عن مشاعرها بالكلام يغلبها الخجل وتتردد كثيرا وتخاف من الكلام تحب أن يفهمها الرجل دون أن تعبرعن مشاعرها حساسة جدا بنفسها عاطفية بالانفعالات وقد لا يفهم الرجل هذا دون قصد ويعتقد أنها لا تفهمه لانها لا تفهم كلامه ولا تكترث له ولحبه لأنها خارج مجال التغطية وهي صامتة. فمثلا لو الرجل قال لخطيبته على الهاتف أنا أحبك كثيرا وانت عندي غالية فالنوع الأول ستجيب عليه ب أنا احبك كذلك وانا سعيدة معك ثم تقول مثلا كم هي غلاوتي عندك ؟ لقد اجابت وتجاوبت وفتحت موضوع اما اذا كانت من النوع الثاني ستجيب اعرف ذلك أو نعم ثم تصمت وضعت نقطة في الأخير لكن مادمت الصورة غائبة لن يفهم الرجل رد فعلها فلو كانت أمامه حتما سيري وجهها محمرا ثم تليها ابتسامة عريضة ثم حيرة وتعجب تترجم مادى حبها له وسعادتها لانه يحبها وتسائلها عن مدى حبه لها رد فعلها هذا سيفتح موضوع آخر …يعني ببساطة الانفعالات تغلب على الكلام وما ينطبق على المشاعر هو نفسه الافكار.وهنا يجب عليك أن تعرف خطيبك على سيرتك وحاولي أن تتجاوب معه من خلال ترجمت ما يحدث لك من ردود افعال على كلامه فمثلا كان يمكن النوع الثاني في المثال أن تقول أنا خجولة مما تقول لقد أحمر وجهي لقد جعلتني أبتسم ابتسامة الحب السعيدة…لأنه يصعب ترجمت المشاعر والاحاسيس لكن ترجمت الانفعلات وردود الافعال سهل جدا هذا من جهة
ثانيا الرجل يحب أن تفهمه المراة وتبادله نفس الشعور كشعور الحب والحنان والغيرة والاحترام والثقة فكثير من النساء يتجهلنا ذلك فالرجل يتكلم ويفتح المواضيع ليعبر عن مشاعره وينال هذه المشاعر يكفي على المراة أن تحس وتلتمس مشاعره وتعبر عن مشاعرها بالمثل فمثلا لو خطيبك قال لك أنا اليوم تعبان وراح يتكلم عن العمل ومشاكله يكفي أن تقول له أنا حاسة بك يا حبيبي ومهتمة لأمرك فهو يريد من كلامه أنه مهمل يحتاج منك الاهتمام ولو قال لك لا تفعلي أمر ما أو منعك من شيئ فهو يغير عليك وخائف أن يفقدك يكفي أن تقول له أنا أحبك عندما تغير وتخاف علي ولو أراد أن يستفسر ماذا تحبين وماذا تكرهين فهو يعبر عن تفهمه لك وحبه لك الغير محدود وكيف يبدوا عندك وهنا أجبيه بانك أنت تحبين فيه كذا وكذا ويعجبك فيك ذاك وذلك ……يعني الفائدة من الكلام هي ترجمت المشاعر والأحاسيس والعواطف وتبادلها بين الطرفين هذا هو الاساس ……لذا يجب عليك أن تترجم ما وراء كلامه من مشاعر وتعبر عن مشاعرك وانفعالاتك بالكلام ……كما يجب عليك أن ترسل له كلام جميل يعكس حبك له عن طريق المساجات وكذلك تبادل الهدايا فهي توطد العلاقة بينكما وترفع اللبس وخلاصة القول فترة الخطوبة هي بمثابة الزواج نظريا والزواج السعيد أساسه الحب والتوافق العاطفي وتبادل المشاعر ولا خير في زواج ساده الطلاق العاطفي أ ي انعدام المشاعر بين الطرفين …وفقك الله يا أختاه وجعل بينكما المحبة وجمعكما بالخير انشاء الله
شوفي اهتماماته ايه
يعني مثلا بيحب الكوره تابعيها واكلمو فيها الولاد لما بيكلموا فالكوره بينسو نفسهم ههههه
واحذري انك تكلمى على صديقاتك ادامه لا بذم ولا مدح اولا عشان ميفكركيش بت وحشه ومنفسنه تانيا لو مدح هيميل ليها غصبن عنه ودا شاب
السياسه مثلا والاحداث اللى فالبلد
وحاولى تساليه اسئله يعني الولاد بيحبو يكلمو عن نفسهم فخليه يكلم عن نفسه وافتحي المجال لكدا
اساليه عن طموحاته لو هو فجامعه كان نفسه يخش ايه وليه طب كان نفسه يبقى اسمه ايه بيحب اسامى ايه اساليه معنى اسمه وموضوع هيجر موضوع
بالنسبه لانك تخرجيه من اللى هو فيه لو كنتى مراته كنت هقولك امسكي ايديه وبصي فعينه وخليه يكلم ويقول اللى جواه لانك لما تمسكي ايده بتحسسيه بالحنيه فهيديكي الامان ويكلم
بس بما انك خطيبته يبقى ممكن تقولى انا على فكره عارفه بالظبط اللى حاسس بيه ويمكن انا معرفش اخرجك من ضيقتك بس اعرف انى علطول جنبك ووراك و على اد مانت حاسس انك مخنوق انا كمان حاسه كدا يمكن حاسس ان قلبك مقبوض او نفسك تقول اه بصوت عالى وقوليله قول اه هيضحك عليكي ويقولك انتى هبله اضحكي انتى وقولى لا قول اه بجد متكسفش وبكدا هتكوني شغلتيه عن اللى جواه وضحكتيه بعدين اديه سي دي عليه قران او شريط او ابعتيله عالموبايل وقولي امانه تسمعه هترتاح والله وهيسمعه هتشوفي وكمان هقولك حاجه حاولى انك تدعيله ادامه هيتبسط اوى قوليله يارب يكشف همك ويبدل احزانك افراح ويهنيك ويهنيني يارب فرح قلوبنا وخلى دعواتك من قلبك متجهزيش دعوات لا خليها طالعه من قلبك عشان تدخل على قلبه عدل
يارب اكون افدتك وربنا يخليكو لبعض