اريد اعيش ببيت لحالي كيف اقنع زوجي

السلام عليكم ورحمة الله
انا متزوجة منذ سنة و نصف وساكنة مع اهل زوجي ( ابوه وامه واخوه وزوجته) وانا متحجبة يعني طول النهار حاطة الطرحة على راسي بالبيت بسبب اخوه ما بنزعها الا بحجرة النوم و اذا غاب اخوه من البيت وحبيت اخذ راحتي شوي زوجي عنده اربع اخوة رجال متزوجين وبيوتهم قريب منا يعني كل شوي يجي واحد منهم وطول النهار هيك هذا جاي والتاني رايح والله هذه حقيقة ولا ابالغ والان فصل الصيف والحر لايطاق وانا بالبيت لابسة فستان باكمام طويلة وحاطة طرحة والله مليت من هذا الوضع طول النهار اتصبب من العرق وخصوصا لما اطبخ حر لا يطاق حتى مكياج ما احط استحي منهم ومن ابوه واذا حبيت اطلع على محل وحطيت مكياج زوجي يضايق مع اني لابسة اسدال ومغطيه وجهي بس يقول هذي الزينة انا اولى فيها وانا بس ادخل غرفة النوم اكون هلكانة من التعب يادوب اغر ملابسي واغير لابني و انام حتى الجماع صرت اكرهه اتفاداه من كتر التعب وعم حس انو زوجي بدأ يمل والمشكل التاني انا و زوجة اخوه الي ساكنة معي بالبيت كنا متل الاختين وانا احب ولدها اللي عمره سنتين كتير وهو على طول قاعد معي بلعب معاه واحيانا بنيمه واحمله وهو تعلق بيا كتير وصار يناديلي ماما ولكن بعد ما انجبت ولد منذ ثلاث شهور صار كتير يغار من ابني وبيضربة وياخذ مصاصته وياخذ كل اغراضه وانا ما اتحملته لاني احبه واعرف انه طفل لا يقصد ما يفعل وهو يشعر ان ابني اخذني منه رغم اني احاول ان اهتم فيه متل الاول لا انقص عليه شيئ لكن امه صارت تضايق من الحالة اللي صار فيها ابنها وصارت تعصب منه وتضربه والان تغيرت كل معاملتها معي بعد ما كنا اخوة صارت تحاول تستفزني لحتى اعمل مشاكل لكن انا حاطة اذن من طين واذن من عجين وحتى ام زوجي تغيرت معاملتها معي كتير ولا اعرف ما السبب رغم اني والله هادئة وما بعمل مشاكل ابدا واخجل كتير
والله الوضع بالبيت اصبح لا يطاق وانا اريد ان اعيش ببيت لحالي واظن ان هذا من حقي وخصوصا انو زوجي عنده سكن خاص لم يخلص البناء بعد لكن في غرفتين جاهزين وانا مستعدة اسكن فيهم ريتما يجهز باقي البيت المهم اخذ راحتي وما البس الطرحة بالبيت
ارجوكم دلوني على طريقة اخلي اهل زوجي يطلبون منه يروح يسكن ببيتنا لانو زوجي رافض انو ينتقل حتى يخلص البناء مع انو صارلو سنة موقف كل شي ومو ناوي يشتغل الان لظروف مادية والبيت كبير كتير ولسا بدو كتير شغل يعني شي ثلاث سنوات او اكتر والحل الوحيد انو اهله يطلبو منه الرحيل وانا بدي انتقل من غير مشاكل بدي نروح وابوه وامه راضيين عنا وما اظهر انا في الصورة ابدا
ساعدوني ارجوكم ولا تقولون حاولي تقنعي زوجك لا اتجرأ ان اطلب منه ذلك يعني بدي حل سلمي

مشاكل وحلول ذات صلة

• اخو زوجي لا يتركنا في سلام ويفشي اسرارنا
• زوجتي طلبت الطلاق لاكتشافها علاقتي بزوجة عمي
• بعد خيانة الزوج نادمة
• زوجى يتعاطى المنشطات الجنسية
• تفسير الانجاب ولبس الذهب
• زوجتي خائنة ولم اعد احتملها
• زوجي لا يهتم بي ولا يغار علي