انا سنى 21 سنه تمت خطبتى من فترة قصيره ولم تستمر طويلا حتى كتبت كتابى تبعا لعادات الاسره فنحن اسرة محافظة وانا الان مكتوب كتابى مشكلتى هى عدم التفاهم لانى وجدت نفسى مكتوب كتابى وانا لم اكن افهم شخصية خطيبى ابتدت المشاكل بعد كتب الكتاب للاسف
فانا شخصيه عقلانيه بيقولوا دماغى كبيره مثقفه مدركه للامور نوعا ما اميل للانطواء شكاكه متردده لا اقدر على اتخاذ قرار بنفسى افتقد الحنان بشده لانى عشت فوحدة والدى ووالدتى كبار فى السن اخوتى متزوجين فلم اكن اجد من يفهمنى ويتحاور معى
هو32 سنه تفكيره محدود وقديم لايعلم عن التكنولوجيا واستخدام الحاسب شىء لايجيد حل مشاكله غير مثقف دائما يقع فى مشاكل بسبب نظرته الضيقه للامور كثير الكلام والتهريج رومانسى ويحبنى جدا ومتمسك بيا يتق ربنا ويؤدى فروضه ليس له تجارب سابقه مع البنات حريص ماديا مشغول بالمستقبل وكيف يؤمن مستقبل جيد لاولاده هو حريص وليس بخيل
وانا مش مبسوطه ومش بحس انى بحبه وعدم التفاهم بيزود عدم حبى له ولا اعلم ما الحل غيرت من نفسى وبحاول اوصل لدماغه ونجحت وبقه هو مبسوط ومفيش مشاكل لكن انا مش مبسوطه ومش حاسه انى بحبه والامور ماشيه كدا وانا مش عارفه حل
خايفه افضل معاه اظلمه واظلم نفسى خايفه اسيبه اندم وملاقيش اللمميزات اللى فيه فحد تانى وابقى ظلمته محتاره مش عارفه ايه الحل
مشاكل الخطوبة
لا احب خطيبى او بمعنى اصح زوجى
اضيف بتاريخ: Thursday, February 23rd, 2012 في 09:55
كلمات مشاكل وحلول: الخطوبة, الزواج, مشاكل البنات
سلاااام .. حقيقه انا لا استطيع ان ابدى راى فى حل المشكلة لانى واقعه فى نفس المشكلة مع اختلاف فى اشياء كالعمر مثلا انا عمرى 35 سنة وهو 40 بس بحس انى افضل منه وانو تفكير ه قديم جدا . بس بخاف ربنا وبيصلى معظم اوقاته بالمسجد اهلة كويسن خالص وراقين جدا حتى انى احتار ان يكون ولد تلك المراة المتعلمه مع العلم انه لم يكمل تعليمه الجامعى وضعه المادى جيد . ما قادرة احبة او اتعامل معاه . لاكن لما انظر لعمرى بخاف الوقت يمر اوان اتمنى ان يكون عندى اولاد ان شاء الله .. افيدونى جزاكم الله خيرا”
ياجماعة هى مش بتحبه يلى بيحب حد مش بيشوف فيه حاجة وحشة بالعكس بيشوف انه ملاك حتى لو مليان عيوب لكن انتى مش بتحبيه ومهما صلح من نفسه هيفضل ده احساسك فامتعذبيش نفسك وتعذبيه معاكى سبيه وريحى نفسك انتى لو كنتى بتحبيه مكنتيش بصيتى للتفاهات دى عمرك ما هتعرفى تجبرى نفسك على شعور انتى مش حساه واساسا حرام عليكى انك تخدعيه ولو اتجوزتيه وانتى لسة مش حباه عمرك ما هتعرفى تديله حاجة من حبك وحنانك . اعملى يلى انتى حساة وربنا يسهلها من عنده
بصى طالما تفكيركوا مش متوافق ابعدى عنه من دلوقتى احسن ما الموضوع يتحول لجواز و انتى اصلا مش بتحبيه , لازم عشان يبقى زواج ناجح لازم يبقى تفكيركوا متوافق و مستواكوا الثقافى متقارب
و ربنا يوفقك و يعمللك الخير
يجماعه انا اسفه لان مش عارفه اوضح المشكله كويسه والتمسولى العذر فده لكن المشكله بالظبط 4 مشاكل 1 هو وتفكيره السطحى والمحدود وعدم القدره على مواجهة المشاكل وحلها وتكبير المشاكل وتهويلها كثرة الاكتئاب والهم والبحث عن المشاكل 2 اهله ونفس طريقة تفكيره 3 المشاكل مشاكل ورثه بينه وبين أهله ووصولها للضرب والعنف و كلا منهم يسىء للآخر 4 مشاكله مع اخيه وزوجته برغم اننا سنعيش فييت واخد احساسه بعدم الرضا والضعف واكتئابه الدائم مميزاته بيحبنى متمسك بيا ليس له علاقات بالنساء بيصلى لم يسىء لى فى يوم ولكن بيتعصب عليا وبيقول كلام كتير ساعة غضب
انا اسفه يجماعه انا مش عارفه اوضح المشكله كلها بالظبط لكن انا محتاجه فعلا المساعده وربنا يجازيكم خيرا ان شاء الله انا دلوقت قدامى 4 مشكلات لإى اتمام زواجى زوجى وفكره الضيق وعدم تفاهمه معايا واهم عيوبه انه مش بيواجه المشاكل واقل مشكله بتصبح مشكله كبيره جدا معاه وتعقيد المسائل المشكله الثانيه اهله نفس التفكير وبيزودوا المشاكل واللى يعارضهم فرايهم يبقا عدوهم المشكله التالته فى مشاكل بين زوجى واقاربه على الورث ووصلت المشاكل بينهما للضرب واساءه السمعه لكل منهما رابع مشكله فيه مشاكل بينه وبين اخيه بسبب زوجة أخيه حيث يقول لى انها غير صالحه حتى اسرته تقول نفس الكلامم والله اعلم وهو عايزنى أختصر منها نهائيا برغم اننا سنعيش فعماره واحده والمميزات مره أخرى انه طيب بيحبنى متمسك بيا عمره مغلط فيا ليس له علاقات سابقه بالبنات يصلى فروض ربنا وانا اشعر بانه ليس له ذنب فى المشاكل ولكن مرعوبه من المشاكل والمستقبل وصليت الاستخاره اكثر من مرة ولم اتوصل لشىء ولا اقدر على اتخاذ القرار افيدونى جزاكم الله خيرا
تعليقك الأخير خلاني أتردد في رأيي..
لكن هقول ايه، غالبية شبابنا كده أصلا، وواضح إنك فعلا شخصية مثقفة ومش هتنفعي معاه لأنه شكله مش بيقبل النقاش والمحاورات… دقة قديمة يعني..
بس كده كده أنتِ كتبتي كتابك وبتقولي إن في صفات كويسة كتير
فمفيش مفر من إتمام الزواج وربنا يغيره على إيدك وعقلك الكبير..
تممي الزواج واتوكلي على الله..
بسم الله الرحمن الرحيم
اولا انا قرايت المشكله وقرايت الرد بتاع حضرتك
انتى ف المشكله كاتبه ان انتى عندك مميات وعيوب اكيد كل الناس عندها مميزات وعيوب
بصى عنده لنص الكوبيه المليان …. بالنسبه للتكنولوجيا والنت والله العظيم احسن انه مالهوش علاقه بيهم جامد واسالى اغلب المجربين
بالنسبه للحسد انتى استخدمى ثقافتك ف انك ما تخليش دماغه كلها رايحه ناحية الموضوع ده
فكرى بالحديث الشريف فيما معناه انه لو اجتمع الناس على ان ينفعوك بشىء لم ينفعوك الا بشىء قد كتبه الله لك وان اجتمعوا على ان يضروك بشىء لن يضروك الا بشىء قد كتبه الله عليك ….. بالنسبه للكلام عن نفسه دا من وحش هو شايف نفسه احسن واحد ف العالم حلو مش وحش انتى بصيتى فيها انك انتى اللى متضايقه من كدا طيب لو هو شايف نفسه انه ولا حاجه اكيد هيكون جو نفسه مكسور ومش مرتاح
على فكره كلها امور بجد تافهه جدا احنا اللى بنعمل من اللاشىء شىء ….
بصى للمميزات اكيد ما فيش ملاك واللى يقول كدا يبقى كداب بس الحسنات يذهبن السيئات
كفايه انه بيتقى ربنا كفايه انه رومانسى معاكى وانتى بتقولى انك محتاجه الحنان
استغلى ثقافتك ف انك توصلى لعقله
ما تعمليش الحاجه اللى تخليه يحس انه اقل منك
بصى له على انه انسان كامل
لو هو غير كل حاجه اكيد مش هيكون نفسه هيكون حد تانى
ثقافتك استغليه ف انك تتعملى معاه على دماغه
زى ما ان شاء الله لما ربنا يرزقكم باولاد هتتعملى مع الاطفال بعقلهم مش بعقلك
متع نفسك اكسبيه واوعى تخلى دماغك دايما ماشى ف النظر لكل تصرف هو بيعمله عدى
انا مش هاقولك هو حد لاقى والكلام ده
هو انسان كويس جدا وانتى كمان كويسه جدا
ولو انتم الاتنين بقيتم نفس الثقافه والدماغ صدقينى البيت مش هيمشى
لازم يكون حد اعلى من حد ف الدماغ شويه
علشان المركب تمشى
والف مبروك وربنا يتمم بخير
استخيري الله وإن لم تشعري أنك مقتنعه بيه 100% اتركيه واعط لنفسك فرصة الاختيار مرة أخرى ولا تتزوجيه فقط خوفا من عدم وجود آخر أو وجود مميزاته في غيره فهذه في حد ذاتها أكبر عيب فيه وفيك واعلمي انه سيكون شريك العمر الذي لا مفر منه فإن كنت غير قادرة على التأقلم معه الآن فكيف بعد عشرة أو عشرين سنة
زي ما انتي حاولتي تصلي لتفكيره وتتقربي منو يلا بالطريقه حاولي كلميه في الحاجات اللي مش عاجباك فيه طبعا بطريقه حلوه كده ومثلا في موضوع الحاسب قوليلو ايه رايك حبيبي لو تتعلم كمبيوتر وتدخل نت في حاجات حلوه اوي وعالم تاني يعني حببيه في الحاجه اللي تحبيها
واتمسكي بيه لانو صعب تلقى واحد بالمواصفات دي الزمن ده
وربنا يوفقكم يا رب
يجماعة احب اوضح ليكم ان المشكله مش بس هى انه مش بيفهم والتكنولوجيا والنت بس انا قلت كدا عشان اوضح جزء من طريقة تفكيره هو عنده مشاكل كتير بيؤمن بالحسد جدا فعلا الحسد مذكور فى القران بس هو عنده مرض هستيرى بالحسد ومقتنع ان الناس كلها وحشه وان مفيش حد احسن منه وان الناس كلها عايوة تحسده بيحب يتكلم كتير عن نفسه بيعاتب كتير ولو اى مشكله صغيره بيقلبها مشكله كبيره ويفضل يعيد ويزيد ويكبرها اكتر بالظبط كانه عنده 70 سنه بمعنى تصح هو غشيم
وبعدين علاقته بربنا لما بقول بيادى فروضه يعنى بيصلى بيصوم كدا لكن مفيش حد ملاك بيغلط كتير ممكن يقول كلام مش كويس لحد غلط معاه وهو من النوع اللى لو قد يكون بذىء الحديث معندوش التريث او التسامح وفنفس الوقت فى مميزات اللى ذكرتها وهى ملوش علاقات سابقه بيحبنى متمسك بيا وشكرا على مساعدتكم
انا ضد التجريح في الاخت و مفهوم التكنوليجيا لا يعني انها تحب راجل دوما ع الماسنجر و الفيس بوك … التكنولوجيا يعني مستوى الزوج الثقافي و مدى توافقه مع هذا العصر … ممكن بدها توضح انو شوي قديم الطراز وكلنا نعرف انو انسان قديم الطراز يعني بي كون مو فاهم على تفاصيل متطلباتها العصرية .. بما انها فتاة الـ 21 كما انو نصف الزواج التوافق الفكري و الجسدي عشان يكون في توازن بين الطرفين .. واضيف الكم نقطة هامة لم تنتبهو الها انها البنت بتبذل مجهود عشان توصل لمستوى تفكيره بس هل الزوج كذالك ممكن يكون طيب حنون وقائم بواجباتو بس في نقطة فاهمها كويس ؟عارف شو اللي مذايقها؟ حاسس بوحدتها؟ و كمان لازم يبذل هو جهد حتى يفهم شخصيتها حتى يصير توافق من شان تنجح العلاقة لازم الاثنين يبذل نفس المجهود لو مو كدة يصير واحد بس شايل حمل التاني طول عمره
—————–
عشان كدة اختى الكريمة اول شيء انصح فيه حوار مفتوح بنكو بكل صدق وشفافية عشان توصل انتي لقرار يكون صح و ما تندمي عليه بعدين و لو قادرة تتحملي كل اللي فيه من تاخر فكري او ثقافي … فلن تخسريه عشان هو انسان بخاف الله و فيه كل متطلبات الزوج المميز ..
بس لو شيفة انك مو قدرة تعيشي مع شخصية مو مثقفة محدودة التفكير غير ديناميكية فاتخذ قرار قلبك عشان ما تعيشي تعيسة و زوجك كمان ما تضلميه بذنب مو ذنبو ..
و لا تنسي خير الزواج هو الزواج المتكافئ . فكريا / ثقافيا / دينيا / جسديا /….
و اسئل الله ان ينير طريقك … و توكل على الله اختي فيما يرضي الله …
سلام .
العيب فيكي انتي
كفاية انه يتقي ربنا فيكي وبيحبك
وبيأدي فروض ربنا (دي أمور شبه نادرة اليومين دول )
صدقيني العيب فيكي انتي
يعني هي مشكلتك بس انه مش بيفهم في التكنولوجيا وانتي هتعملي بيها ايه بطلي تعملي حجج مش مقتنعه انتي بتقولي انه بتقي ربنا فيكي احمدي ربك واشكريه وشيلي الكلام التافه من دماغك وحاولي تحبي جوزك واتقي ربنا فيه وربنا يهديكي وبنات المسلمين اجمعين
حبيبتي هقولك حاجا صلي صلاه استخاره واستخيري ربنا وان شالله يصير كل خير واتمني ان ربنا يوفقك ويكرمك ويدلك علي اللي فيه الخير
سبيه من دلوفتى
عشان لو انتى مش مقتنعه بيه من دلوقتى
ممكن بعد الجواز تخونيه
قصدي بتفكيرك طبعا
والله اعلم
أنتي قلتي كثير من مميزات زوجك وهي مميزات جيدة وله عيوب لا تعجبك وأنتي قلتي علي نفسك أنك شكاكة ومترددة يعني أنتي أيضا عندك عيوب . ومن منا خالي من العيوب المهم أن تكون عيوبنا ثانوية وليست عيوب جسيمة تستحيل معها العشرة . من الممكن أنك إن وجدتي شخصا آخر ليست فيه عيوب زوجك فلن تجدي فيه مميزات زوجك . يعني أنتي قلتي أنه رومانسي ويحبك جدا ومتدين ويؤدي فروضه وليست له علاقة سابقة . وهذه مميزات ثمينة وجديرة بأن تضعيها نصب عينيكي . قد تجدين من هو علي درايه بلغة العصر من التكنولوجيا ولكنه أيضا ماهر في عمل علاقات نسائية . أختي الكريمة ضعي نصبك عينيكي حديث رسول الله (ص) إن جاءكم من ترضون دينه وخلقه فزوجوه . هذا هو المعيار الرباني الأساسي شريطة أن يستطيع النفقة ويستطيع أن يفتح بيتا وله مستقبل . ولكن برغم ذلك كله إذا لم تستطيعي أن تقبليه نفسيا رغم كل محاسنه فأتركيه لأنه لا يكلف الله نفسا إلا وسعها . هذه هي المعطيات وأنتي صاحبة القرار لأن الناس تختلف وهذا الإختلاف سنه الحياه فليس من العقل ولا من الشرع أن تجبري نفسك علي إنسان لا تشعري نحوه بأي عاطفة
توكلى على الله عليكى بصلاة استخارة ملحوظة كتر العشرة تولد الحب
هوه يعني لازم يكون فام ف التكنولوجيا و الحاسب الآلي ؟ انتي عايزة سكرتير و لا زوج ؟
* افرضي انه مثقف جدا بس ما بيخافش ربنا و ما بيحبكيش ولا بيتقي الله فيكي ، هتبقي مبسوطة ؟ دوري على أخلاقه ودينه لأنه هيحافظ عليكي بيهم مش بغيرهم .
*بتقولي انك مفتقدة للحنان و هوه رومانسي ، يعني مش هتحسي بفراغ عاطفي و لا جوع للحنان و دفء المشاعر .
* بتقولي إنه حريص بس مش بخيل : ده عين العقل لأن الرجل اللي ما بيفرطش في ماله مش هيفرط مراته . هوه بيحوش لمين ؟ مش ليكي و لأولادكوا في المستقبل ؟
*كتير الكلام و التهريج :بكرة بعد الجواز هيركز في شغله و هموم بيته و ولاده ، و كده كده الرجاله بعد الجواز ما بيتكلموش كتير !!!
*بيؤدي فروضه : يعني بيخاف ربنا ، بيدي لربنا حقه ، أكيد هيديكي حقوقك و يتقي ربنا فيكي.
* استخيري ربنا وإن شاء الله يدلك على الخير .
*** والله أعلم ***
والله انت مفتريه – زوجك رجل يخاف الله ويحب الاطفال ويعمل على ـأمين مستقبل ولاده ويتقى الله ويحبك ومستعد يغير من طباعه عشانك وكل ده وانت مش مبسوطه لمجرد انه (قديم) وما بيفهمش فى الكمبيوتر والتكنلوجيا الحديثه؟ طب سيبيه ورحوى دورى لك على واحد بيفهم فى النت والكمبيوتر عشان يقضى طول الليل فى المسنجر والفيس بوك بدل ما يقضيه فى طاعة الله والاهتمام بعيالك.
انا شايف ان لو ده تفكيرك ونظرتك للحياه الزوجيه يبقى احسن هو ما يرتبطش بيك ويشوف لو واحده من مستوى تفكيره وتقدر الزواج والزوج بدل ما تعذبيه – وخليك انتى مع الفيس بوك والتكنلوجيا.