انا مشكلتى اكبر بكتير وربنا يعلم انا كمان اتخطبت واصلا من قبل الخطوبة مش مرتحاله واهلى مش مقتنعين ومفكرين انى على علاقة بحد تانى بس بجد انا نفسى اتجوز واعيش حياتى خطيبى محترم جدا وبيصلى وعارف ربنا بس انا وقت مبشوفة او بفتكر ان ده هيكون جوزى بتخنق لدرجة انى بموت بكل لحظة وخلاص فرحى بعد شهرين هوا كمان مكبر دماغة وبيحاول يخلص الشقة وكمان قولتله انى عايزه احس باهتمامة يمكن احبة بس لحد دلوقتى ما شوفت اى شئ كل شئ فية متناقد عنى سواء كلامة حياتة معملته مع الناس بكل شئ حتى استايلة وتفكيره وكل شئ مش قادره اوصف اعزرونى لو رديت بمشكله بس بجد الايام بتجرى منى ونفسى اعرفلى حل نفسى اوصل لحل ميغضبش ربنا ولا اظلم خطيبى معايا
مشاكل الخطوبة
لا احب خطيبي ولا اتخيله كزوج
اضيف بتاريخ: Wednesday, March 14th, 2012 في 06:36
كلمات مشاكل وحلول: الخطوبة, الزواج, مشاكل البنات
الله يهدي الجميع يارب
ربنا بيبعت لانسان الي شبهه يعني ده نصيبك ارضي بيه حاولي تفكري في مميزاته مش عيوبه وانتي هتحبيه مع الوقت انا كنت كده زيك وربنا هدني مع الوقت ادي نفسك فرصه وانتي هتحبيه واستغفري ربك وادعي لنفسك انك تحبيه ذي ماانا كنت بعمل ربنا يهديكي ويهديني
على فكرة انا نفس مشكلتك خطيبى محترم جدا وانسان عارف ربنا بس بردة مش مرتاحة معاها بس مع الايام عرفت انة ميستهلش انى اكون وحشة معاها وخوفت يكون دة بطر فحاولى تقربى منة اكتر باى طريقة واستخيرى ربنا كتير
السلام عليكم
يا اختي في الله كلامك متناقض لحد كبير جداا
ايه اللي خلاكي تتخطبي ونتي تقولي انك من قبل الخطوبه مش مرتاحه ؟
ايه زنب واحد فيه مواصفات اللي قال عليها رب العزه ورسوله الكريم (( اذا جائكم من ترضون دينه فزوجوه ))
علي كلامك خطيبك محترم ومن النحيه الدينيه الحمد لله علي فضله فيه
يبقا ايه ناقص في شخص فيه مواصفات اي بنت عايذا الستر واالعفه والحلال تتمناها ؟
ولا انتي عايذا واحد يبهدلك ولا يحفظ كرامتك ويهينك من النماذج اللي بنشوفها في الشارع كل يوم!!
شوفي نفسك اولادك يتربو علي ايه وختاري اب ليهم!!!
حولتي تقربي منو او تتكلمي معاه يمكن هوا مستني ده منك وتخليه يهتم بيكي ؟
تعرفي يا اختي اي بنت ونا منهم(سني 25) تتمنا ان يكون عندها خطيب زي خطيبك وزوج زي ده تعرفي ليه
علشان اللي فيه مواصفات بالشكل ده لا يمكن ان يظلمك ولا يهينك ولا يخونك علشان عندو دين وحترام
اما في ناس تنيين وعن قصص كتييير اوي هنا وفي حياتنا اتجوزو مش هقلك اتخطبو لناس وشباب نسئل الله العفو والعافيه ونتهت قصصهم كلها بحكيات مئسفه ومقرفه اللي خانها واللي اتجوز عليها واللي طلقها بصي دوري هنا هتلاقي من ده كتير وقارني بين اللي ربنا بعتهولك واللي في الموقع ده من حكايات . معا اني رافضا المقارنه علشان اللي ربنا باعتو لينا يكفينا ومش محتاج مقارنه .
اقلك جربي تحببيه فيكي وقربي منو انتي . مش عيب ونا بقولك جربي لو منفعش يبقا انفصلي عنو وربنا يعوضك ويعوضو
انا مش لاقيه كلام اقولو علشان الناس اللي هنا قالو كل حاجه والله الموفق
ارجو المتابعه وتابعينا
اما هو في نظرك وحش احكي لأهلك عنه وهما اكيد هيختارولك الخير
من رئيي الشخصي لهم حاجة المواجهه اجلسي معة وتحدثي معة وقوليله انا حاسة ان الحياة بيننا هتكون صعبة جداا هيسئلك ليه هتقوليله انت انسان محترم وكويس ولاكن كذا وكذا وكذا
وااله اعلم
استخيري اختي والله راح يدلك على فعل الصواب انشالله
الواضح ان مفيش اي قبول بنكم بالعكس دا انتي مش طيقاه . طيب يا بنت الحلال هتتجوزيه ازاي وهتكملي حياتك معاه ازاي . بصي انتي لسه لا البر بلاش تظلمي نفسك وتظلميه لانك مش هتعرفي تسعديه ولا تسعدي نفسك ولا تتجوزيه شويه وبعدين تنفصلي عنه وتبقى مطلقه وتحطمي حياتك قبل ما تبدأ
بصي مشكلتك في ايدك انتي بعد ربنا طبعا بمعني انك انتي اللي عارفه خطيبك ده بس اسالي نفسك وشوفي مميزات خطيبك ده شوفي كل حاجه حلوه بيعملها ليكي واقعدي معاه اتكلمي معاه علي قد ما تقدري شيلي من بالك انك مش مرتحاله خالص واعرفيه اكثر قربي منه اكثر وقوليلي علي كل اللي بيضايقك منه وان شاء الله تتفاهموا لاكن لو لاقيتي ان مفيش فايده وانا مختلف ومتناقض عنك تماما وانك مش هتعرفي تتاقلمي معاه يبقي سبيه ومتظلميش نفسك وكمان متظلمهوش معاكي لانه اكيد مش هيبقي مبسوط لو انتي مش بتحبيه فياريت تتناقشي معاه وتقربي منه وتدخليه وتدخلي في كل تفاصيل حياته وبالتوفيق يارب
يا اختى احمدى الله تعالى انه ارسل لكى خطيب وان شاء الله يكون زوج فى بنات غيرك لايجدون هذا الشاب وهم بالملايين وخاصه انتى لم تذكرى عنه شئ يعيبه لاسمح الله فهو يصلى وعارف ربنا ومحترم جدا ماذا تريدى بعد انسان يضحك عليكى بكلمتين حتى ياخذ منكى مايريده ويترككى يا اختى بعد الزواج سوف يتغير حاله تماما معكى لانكى سوف تصبحين زوجته وحلاله انصحكى ان تستعيذى بالله من الشيطان الرجيم وتقرئى هنا فى مشاكل البنات وسوف تريين العبر ماذا فعل بهم وتركوهم بدون زواج ربما تجدى الفرق بين خطيبك الذى يخاف الله ويصلى ومحترم وغيره من الشباب
دة بيكون انطباع الكثيرين قبل الجواز لكن استخيري في الاول وحاولي تشوفي النقاط لايجابية لخطيبك وان شاء الله ربنا يوفقك
على فكرة مش لازم الجواز يبقا مبنى على حب لان الحب ممكن يبقا بعد الجواز