السلام عليكم ….كنت عايزة حل لمشكلتى وهى انا بحب ابن خالى وهو كذلك بس مفيش حد عارف اننا بنتكلم وبعدين فيوم ماما شاف الشات بيناا وفضلت تزعق وتتخانق ….. وبعتتله وقالتله انسى اللى حصل وكإنه محصلش حاجة خالص واعتبرها قصة وقريتها فى الوقت الغلط فبعتلها وقالها قصة اى وشغل اى الكلام اللى بتقوليه دا يا عمتى … ردت وقالتله انا هقفل الفيس بوك ولو عايز تقول حاجة كلمنى .. قالها حاضر ومن بعدها مرنش ومقالش حااجة وماما بتعاملنى معاملة مقولكوش ….. بس انا واثقة فيه … حتى كمان هو قايل لخالوا ع الحوار دى وكدا ….انا بصراحة مش عارفة اعمل اى
امك معاها حق تبهدلك وتقطم رقبتك كمان ايه المسخرة وقلة الحياء دي يابنت مش عارفه ان دا حرام وعيب اوي في حقك وحق اهلك وسمعتهم تتكلمي معه من وراء اهلك ورسائل وحب وغرام ومش بعيد تبعث له صورك وتبقى فضحيتك بجلاجل لو فعلا عاوزك ويحبك يبقا يتقدم لااهلك حسب الاصول ويخطبك منهم غير كدا يبقى حرام واساءة لسمعة اهلك
الكلام واللت والعجن كله ملوش فايدة وبيزود المشاكل – هو يحدد موقفه لو هو عاوزك وبيحبك يعلن دوت ويطلبك من اهلك لو هو لسة مش جاهز يقرا فاتحتك او يجيب الشبكة – اما الكلام والحوارات لا هتقدم ولا هتأخر وهتجيب مشاكل – عززي نفسك لو عاوزك يطلبك