كنت مرتبطة بواحد وفضلت معاة سنة وكام شهر وطول المدة دى انا رفضت ناس كتيرة اتقدمتلى وفضلت معاة للاخر وحصل بنا مشاكل كتيرة لحد ما هوة ال بعد عنى وبعدها انا اتخطبت وكنت فى قمة سعادتى مع خطيبى لحد ما ظهر حبيبى دة تانى ودخل حياتى وبوظهالى وبعد محايلة وعياط وحلفنات ووعود كتيرة انا نفسيتى تعبت ومكنتش عارفة اخد اى قرار وبدت تحصل مشاكل بينى وبين خطيبى وكان حبيبى الاولانى دة بعتلى مسجات وكلمنى وانا حكيت لخطيبى انى كنت مرتبطة وقولتلو على كل حاجة وهوة فهم الوضع كوويس وقالى انها حاجة وخلصت وانها هتتنسى وانو مش هيفتحها تانى لحد ما شاف مسج من حبيبى الاولانى دة كانت عادية بس حصل مشكلة كبيرة بعدها وعرفهم عندى فى البيت وانا قولت انى مش هكمل واتخنقنا خناقة كبيرة بس بعد كدة اتصلحنا وقالى انو هينسى وانو بيحبنى وانا كملت معاة بس يادوب اسبوع وكان فى مشاكل دايما ما بنا بس الموضوع دة متفتحش تانى انا كنت تعبت وكنت خايفة انو مينساش حاجة زى كدة وافضل فى شك بقيت حياتى قررت اننا نسيب بعض وحصل مشاكل وقتها كبيرة وحاول يقنعنى ان كل حاجة هتكون زى ما انا عاوزة وانى مخفش بس انا صممت انى ابعد وسبنا بعض بس اهلوو واهلى كانو عرفوا كل حاجة وحوار الرسالة ال كانت من حبيبى الاولانى دة وحكا كل حاجة عشان كان بيدافع عن نفسة ورجع بعدها حببيى القديم دة كلمنى تانى وبعد ما قال انوو مجرد ما خطوبتى تتفركش انو هيجى يتقدملى وانا ال قولت لاء وقولتلو خد وقتك عشان انا كمان اكون مستعدة بس مطلبش منى اى حاجة بعدها انو يجى بقالة شهرين بس بعد فترة حصل بنا مشكلة ومن اهمالة انا اتخنقت منة وحسيت انو مبقاش فارق معايا وطول ما انا كنت بتكلم معاة كنت دايما بحس انى عاوزة اكلم خطيبى ال كان قبل كدة ومحتفظة بكل صورنا وارقامة وكل حاجة واتصلت من اراقام غريبة عشان اسمع صوتوا بعدها اانا قولت ل حبيبى دة انى مش قادرة اكمل معاة وانى استحملتوا كتير بس هوة حلف كتير ووعدنى كتير انو هيكون كوويس معايا بس انا مبقتش واثقة من كلامة وحاسة انو انانى وعاوزنى معاة بس ولما بيحس انى هروح منوا بيرجع تانى…. خطيبى لسة بيحبنى وانا وهوة اتكلمنا مع بعض ومن كلامة هوة لسة عاوزنى وانا حاسة انى بحبة بس خايفة من بعد كدة وخايفة يكون بيشك فيا بعد كدة وبصلى صلاة استخارة عشان احاول اخد اى قرار انا حسة انى بحبة وعاوزة اكمل معاة بس سعات بخاف اكون انا بعمل كدة عشان اعرف حبيبى انى قادرة اعمل اى حاجة وانو هيندم عليا بعد كدة وخايفة ملكيش حد زيو تانى انا تعبت ومبقتش عارفة اخد قرار لو سمحتوا ردوا عليا انا عارفة انى طولت فى الرسالة بس انا اسفة انا محتاجة رد يريحنى بجد ارجووووووكووو انا لازم اخد قرارى بسرعة……..؟
لاشك انك غلطانة جدا في حق نفسك وفي خطيبك واهلك ازاي تكوني مخطوبة للشاب وترجع تتكلم مع الشخص اللي كان يحبك دي خيانة ياهانم ماحدش يقبلها على نفسه مهما كانت الاسباب وطلع الشخص دا يضحك عليك ويتسلى بك طوال تلك المدة عمرو مايتقدم لك او يفكر فيك لانك بنظره تافهة ورخيصة اوي اللي تخون خطيبها واهلها مش محترمة ولاتستحق الارتباط لازم تقطع علاقتك به نهايا وللابد ولاعاد تفكري فيه خالص اما الشاب خطيبك السابق برضو لن يغفر لك خطيتك وخيانتك له وسوف يظل يشك فيك ويعايرك باللي عملتيه فيه لذا انصحك برضو بعدم الرجوع اليه فلن تكون حياتك سعيدة معه وسوف تجدي نفسك غير متقبلة العيشة معه لانو الشك سوف يطارده طوال الوقت انت بحاجة لشخص جديد تبدي حياتك معه من ثاني اصبري حتى يكرمك الله عزوجل بهذا الشخص وهتلاقي معه كل اسباب الخير والسعادة والاستقرار في حياتك المهم انك تخلصي للشخص اللي سوف تكوني زوجة له وتحرصي على اسعاده والاهتمام به والمحافظة على سمعته وشرفه وكرامته واياك والتفكير في الخيانة فهي سبب ودمار للحياة الزوجية وتعاسة وشقاء لصاحبها طوال العمر