انا مخطوبه لابن خالتى وكنا بنحب بعض اوى واتفقنا ان مافيش حاجه ممكن تفرقنا ابدا ولكن بدات احس انه اتغير وانه مابقاش يحبنى زى الاول ولا بقى يهتم بيا ودى حاجه تعبتنى اوى وبذات انى حبيته اوى واتعلقت بيه وبدات احس ان فى واحد تانيه فى حياته وكلمته كتيرفى الموضوع ده كان بيتهرب وبيقولى انه ماتغيرش بس ممكن الظروف تفرض علينا كده واوقات كتير كنت محتجاله فيها انه يسمعنى ويبقى جانبى ويحسسنى انه معايا واطلب منه انى عايزه اتكلم مهاه كان بيتحجج بالظروف انه مش فاضى وانه مع اصحابه بدات ادور على حد يسمعنى دخلت على الشات وعملت صداقات كتير عليه وحكيتلهم على مشكلتى مع خطبتى وطلبت مساعدتهم ونصيحتهم معظمهم طبعا نصحونى انى اسيبه لحد ماكلمت واحد على الشات ارتحت له وحبينا بعض وهو عارف كل حاجه عنى وعارف مشكلتى مع خاطبتى وهو عارف انى الى احنا بنعمله غلط لانى مخطوبه وحاولنا كتير نبعد عن بعض بس ماقدرناش وهو طلب انه يساعدنى ووعدنى انه مش هيسبنى ابداوهو شاب متدين جدا طلب منى انى اصلى صلاه استخاره بينه وبين خطيبى وقربت من ربنا اكتر لما عرفته انا مش عارفه اعمل ايه انا طلبت من خطيبى اننا نسيب بعض وههدتته كتير بس هو مش راضى وبيقولى انه بيحبنى ومايقدرش يستغنى عنى بس هو بعيد عنى اوى حتى مش راضى يتغير ويرجع زى الاول عشانى فكرت كتير اقولهم فى البيت انى مش عايزاه وفعلا ده اللى حصل بس هو قالهم انه مش هيسبنى وانه بيحبنى . وكمان انه ابن خالتى وهيحصل مشاكل بين العيله بسبب كده ومش عايزه اجرح حد فيهم . انا اسفه انى طولت عليكو بس انا تعبانه اوى بجد وعايزه حل للمشكله دى
