عذاب الضمير بسبب سرقة اهل الزوج

.السلام عليكم…………….
كنت عاوزه اخد رايكو في مشكله واحده صحبتي انا بصراحه مش عارفه اقول لها ايه انا شايفه ان مشكلتها صعبه
هي طبيبه اصغر مني بدفعه وحيده ابوها وامها وهي في خامسه كليه عملت حاجات غلط كتير اتعرفت على شباب بس فضلت محافظه علي نفسها وسرقت دهب مامتها والدها لما عرف كان هيروح فيها وحرمها انها تروح الكليه بس هي بعد ماعرفت غلطتها واعتذرت والدها ووالدتها سمحوها المهم اتخرجت من الكليه وهي محافظه علي التوبه واتجوزت محامي وجابت اربع اطفال وهي في بيت حماتها فيه ولد كانت حماتها وحماها مربينه عندهم في بيتهم دخل شقتها وسرق منها دهب كتير وسرق من حماتها خاتم وكان بيدخل شقتها وياخد فلوس هي حملت حماتها المسؤوليه وراحت سرقت كل دهب حماتها وعدي الموضوع وماحدش حس بحاجه بردو ندمت واستغفرت ربنا بس الشيطان كان اقوى منها رجعت تسرق للمره التالته من حماتها بس المره ديه فلوس كان ساعتها جوزها متخانق في والده وكان والده طرده بره البيت وحالف عليه انه مايشوفش اولاده هي المره ديه مااخدتش مبلغ كبير بس كان لازم علشان تصرف على ولادها لانه ماكنش عندها فلوس ومرتبها كان ضعيف جدا واولادها هيدخلوا مدارس بس المره ديه حماها وحماتها حسوا طبعا وشكوا فيها بس ماحدش منهم اتكلم معاها لانهم كانوا عارفين ظروفها وعارفين ان ابنهم غلط فيها هي من شهرين لما جوزها اشتغل بدات ترجع الفلوس ديه لحماتها وحماها علي اساس انها بتساعدهم في مصاريف البيت لما جوزها رجع البيت واشتغل واحوالهم اتحسنت بس المشكله ان ضميرها معذبها جدا جدا وهي ناويه ترجع كل الفلوس اللي اخدتها منهم بس خايفه من عقاب ربنا في اولادها
تنصحوها تعمل ايه………………….

مشاكل وحلول ذات صلة

• تعدي اب على بناته وهتك عرض
• لا حياتي ويا اهلي زينه ولا مع زوجي السابق
• حيرة في الاختيار بين طليقي او رجل اخر اعزب
• زوجي يريد تحطيم شخصيتى
• بحبها لكن اهنت كرامتي معاها وهي بتحاول تكرهني فيها
• بحبه لكن مينفعش اتجوزه من غير رضا اهله
• هل اتمسك بالطلاق وهل للصبر نهاية