مش عارفة استقر فى بيتى

السلام عليكم….أنا حبيت اعرض مشكلتي وآخد رأيكم عشن محتارة اعمل إيه في مشكلتي دى……..
انا متزوجة ابن عمى وعندي طفلين الحمد لله ………أهله ساكنين في مركز طول حياتهم وأنا من قرية تبع المركز بس ليهم بيت فى القرية بياخدوا الاجازة فيه وبيروحوا فى المناسبات والأعياد .لما اتجوزنا اتجوزت فى شقة فوقيهم فى المركز ..ليهم ارض ومصالح كتير فى القرية وجوزى الابن الأكبر فبيروح هناك علطول يشوف ارضهم ومصالحهم لان والده موظف ووالدته موظفة وهو مش موظف .والده هيطلع معاش الشهر الجاى .بعد متجوزنا بسنه واربع شهور رحنا انا وجوزى البلد وقعدت سنتين وشوية هناك فى بيتهم عشن يراعى ارضهم ومعانا اخو جوزى فى نفس الشقة ووالده معانا فى نفس الشقة لما بياجى 3 ايام فى الاسبوع اللى هي اجازته وسبت شقتى فى المركز مش بروحلها إلا فى رمضان وأيام تانى قليلة لما ميكونش فى شغل فى البلد ……..دلوقتى انا رجعت شقتى ومش عاوزة اروح البلد بس والده عاوزنا نروح البلد وجوزى لما بكون فى شقتى بيروح يشوف مصالحهم ممكن ياخد يوم أو اتنين أو اكتر حتى يجيلى .انا دلوقتى محتارة اسيب شقتى وأروح البلد عشن ابقى مع جوزى علطول مع العلم ان هناك شغل وتعب اكتر وكمان مش باخد راحتي عشن معانا ناس تانى فى الشقة ذى ماقلت قبل كدا وعيالى بيتعبونى هناك اكتر…..ولا اقعد فى شقتى وجوزى مش معانا علطول ومش بكون مرتاحة لما مش بيكون معانا.مع العلم ان والده عاوزنا نقعد فى البلد عشن نراعى مصالحه وانا وجوزى وعيالى بنصرف من الأرض دى…………وجوزى لما بكون فى شقتنا بيراعى الأرض بس طبعا مش زى لما يكون مستقر هناك ولما بكون اناهناك بعملهم الأكل وانضف الشقة وكدا ولما بكون فى شقتى فى المركز بياكلوا فى بيت أبى واعمامى……….مع العلم ان قبل جوازنا مكانوش بيروحوا البلد زى دلوقتى ومش كل الإجازات كانوا بيروحوها ولا كل الاعياد………..

مشاكل وحلول ذات صلة

• من كتر كدب زوجي لا اثق فيه
• هل اطلق مراتي بعد زواج اختها عرفي
• بحبه وعرض عليا يتجوزني عرفي
• لست بخائنة
• جوزى بيهتم باصحابه وانا لا
• بحبها جدا ومحتار اتقدم ولا لأ
• يحبني لكن اهله منعوا ارتباطه بي لاني مطلقة