زوجي عصبي ولم يسمعني وضربني

تزوجت عن قصة حب كبيرة واكتشفت بعد الزواج انه لايسمع لرأيى وانه دائما هو الصح ولما يزعلني في حاجة لازم يكون عنده مبرر يقوله وفي الاخر مش بيصالحني رغم قبل الجواز مكنش كده كان بيصالحني على طول حتى لو غلطت فيه . ودلوقتي مابيقبلش مني اني اتكلم معاه واقوله انت اتغيرت بعد الجواز وبيتعصب علياجامد وبتقلب بمشكلة وبنزعل من بعض .واكتر من مرة يتعصب عليا في بيت اهله وطلبت منه مايعملش كده بس مااهتمش بكلامي.وفي يوم اجازته خرجنا واحنا بنتمشى حاولت الفت نظره لطريقة كلامه معايا قدام الناس بتبقى جافة شوية وفي البيت غير كده وطبعا اتعصب ومش مقتنع بكلامي وبقت مشكلة واتهمني ان صوتي عالي وقلبها مشكلة وعشان متعصبتش عليه قالي انتي باردة وبتعصبيني وكنا رايحين لبيت اهله وحاولت متعصبش عليه بس معرفتش غلطت وقلتله انت حيوان ضربني على وشي في مدخل البيت وسابني ومشي ورجع الصبح وعدى اليوم ومكلمنيش عند اهله وراح شغله ورجعت معاه البيت واتأسفتله وتجاهلني واتكلمش معايا وتاني يوم الصبح روحت بيت اهلي بقالي اربع ايام ومحاولش يكلمني وعيد ميلادي كان من يومين ومكلمنيش خالص وحماتيغلطتني وبتقول انتيشتمتيه وهو ضربك مش مشكلةمتسبيش البيت.

مشاكل وحلول ذات صلة

• هل اطلق مراتي بعد زواج اختها عرفي
• بسبب حبى الاول الشديد هخسر خطيبتى
• احساسي أن خطيبتي بتخوني
• ابحث عن حب دون جدوى
• خطيبى وحالتة النفسية
• تركت حبيبتي الاولي وتزوجت بغيرها
• هل اهرب واتجوزه بعد ما اهلي رفضوه