انا مشكلتى انى انسانة سلبية سيبت حياتى لناس تدمرها ويقولو انهم بيسترونى علشان بنت ومش اعيش بدون راجل انا عندى 29 سنة متزوجة من 12 سنة اول مرة اهلى جوزنى واحد مش بحبة لمجرد انهم مش هيدفعو حاجة فى جوازى علشان احنا قرايب وبيشترو خاطر بعض رغم ضيق ذات اليد جوزنى بعد الاعدادى وفضلت سنسن اعانى من معاملة حماتى واهل جوزى لحد مافاض بيا بعد 4 سنين واطلقت ونزلت اشتغلت واتقدملى واحد تانى واتجوزت واهلى مكلفوش نفسهم يسالو علية حتى لمجرد انهم هيخلصو من كلمة مطلقة وبعد سنتين ومعاناه وحرمان من ابنى اطلقت تانى علشان اقدر اشوف ابنى وبعد فترة اتقدملى واحد عندة ولد قولت بس هو دة هربى ابنة مع ابنى طمعت فية رغم فقرة بس طمعت ان ابنى يعيش فى حضنى وبعد 5 شهور اطلقت علشان كان هو طمعان فيا لاصحابة اجالسهم وطبعا اخلاقى متسمحش لغاية ماكرهت الرجالة وكرهت جمالى الى بيطمع فيا الناس ونزلت اشتغل وقولت اعيش لنفسى وابنى اشتغلت فى شركة عقارات اتقدملى ناس كتير كنت برفض من غير مااقول لاهلى من بعيد لبعيد وكل الى يتقدملى عن طريقهم اقول خلاص تعبت مش هتجوز تانى لحد ماتقدملى راجل سعودى اكبر منى ب 13 سنة ومتزوج اتنين غيرى فى بلدة وانا فضلت ارفض سنة كاملة لحد ماعرف طريق بيتى وراح اتقدم وبعدين اهلى وافقو وغصبونى علية اتجوزتة على قد ماورانى من عز وحياة كريمة على قد ماذلنى وكسرنى اتجوزنى فى شقة ايجار بس لما عاشرنى سنة لاقانى مش طمعانة وبقى يروح يغيب شهور وانا صاينة عرضه وبرضى بالقليل الى يبعتة اشترى شقة تمليك باسمى واشترى عربية بالتقسيط وواتنقلت نقلة تانية وفضل سنة تانية مجاش بقيت اعيط واقولة محتجالك يقولى اصبرى مشغول ويخاصمنى شوية ويقفل التيلفون ايام لحد مافاض بيا الحياه مش فلوس وشقة وعربية ونزلة بعد غياب سنة كاملة اسبوع لقيتة حتى مش مشتاقلى المهم كلمتة ان كدة مينفعش وانا ست ومحجالة والناس طمعانة فيا لقيتة عادى يعنى ويقولى اصبرى وسافر غاب 8 شهور تانى لحد ماخلاص فاض بيا بجد وكلمتة فى الطلاق لقيتة بيقولى اموت لو تسيبنى ونزل بس كنت فعلا خلاص مبقتش قادرة جالى بيت اهلى ياخدنى رفض جاتلة ازمة قلبية وكان هايموت وبقى يعيط زى الطفل ويقولى هاموت لو فكرتى تسيبينى وفضلت جامبة لحد مابقى كويس المهم سافر وغاب تانى 6 شهور بس المرة دى مسالش فيا لا بتيلفون ولا مصروف ولا حتى يعرف عنى شىء المهم اقساط العربية عليا كترت بعت من دهبى وبقيت اسدد المهم الدهب خلص والفلوس مافيش وهو مش عارفة اجيبة منين حتى المهم كلمت المحامى بتاعة يقولة انى طالبة الطلاق خلاص ورفعت قضية ونزلت اشتغل تانى و7 شهور وانا بشتغل فى شركة مقاولات وبعدين القضية فى المحكمة وهو مش معروف عنة شىء المهم اانا لاول مرة قلبى يدق فى صمت لصاحب الشركة الى بشتغل فيها فى شاب في الاربعين مش متزوج حبيتة غصب عنى من رعايتة واهتمامة بيا مكنش يعرف عنى اى شىء لحد ما اتفدملى عريس عن طريق المكتب وبعدين رفضت وبعدين توفى والدى وجة يعزى وساعتها اتقرب من اخواتى ووالدتى وبعدين عرف عنى كل ماقاسيتة فى حياتى وبعدين اتقدملى عريس تانى بس راح يقولة هو بنيابة انة بقى صديق للعيلة ساعتها اعترفلى انة بيحبنى وعندة استعداد يصبر سنين علشان انفصل المهم لسة القضية منذورة لكن اتعطلت كتير في المحاكم المهم جوزى المحترم جاى بعد غياب طويل يقولى اسف كنت مشغول وتعالى ننسى الى فات واهلى بيقولة ارجعى بس المرادة هاروح اعيش معاه فى بلدة وانا هاموت قلبى بيتقطع مش عارفة افكر ياترى ابعد عن ابنى الى ماصدقت بقى فى حضنى ولا عن امى العجوز بعد وفاه والدى ولا عن حبى الى مستعد يعمل اى شىء عشانى وربنا يعلم ان كل الى بينا مجرد حب بريء وطاهر وكمان انا سيبت الشغل معاه فى المكتب علشان خفت ان الشيطان يلعب بية او بيا وهو وافقنى حب فيا علشان اقتنع بكلامى ومن ساعتها قاعدة فى البيت بموت اهلى بيضغطو عليا اسافر بس مش قادرة اسيب ابنىولا امى ياريت تشوفو مشكلتى بعين الرحمة والعدل وشكرا ليكم
تكملة لردي على الاخت صاحبة المشكلة برضو خذي ابنك الصغير وامك العجوز يعيشوا معك ولاتتركيهم لوحدهم تشترطي على جوزك بهذا فان قبل كان بها ولاظنه يرفض اذا كان فعلا يحبك وصادق في كلامه لك وعايزك ترجعيله وتحياتي لك
يااختي الحياة الزوجية تحتاج الصبر والتحمل والتضحية وده غير موجود عندك كل مرة تتزوجي وتطلقي واصبحت عادة عندك وده مش كويس في المراة ويجعل الناس تطعن في شرفها وتتكلم عنها بسوء كل ماقوله هذا من باب النصيحة لكي لان عندي اخوات في مثل عمرك واصغرمنك واعتبرك واحدة منهن واخاف عليك اذا كان الزوج السعودي رجع لك وعايزك ومعترف انه نادم على ماحصل منه من تقصير واهمال لك طوال تلك المدة فمن الافضل ان ترجعي له وتشترطي عليه العيش معه في بلده وتكون قريبة منه ويعملك سكن خاص بك بعيد عن زوجاته الاخرين ويوفرلك العيشة الكريمة فاهلا بكدا والمراة مالها الا جوزها في هذة الحياة اصبري وتحملي بارك الله فيك وحافظي على سمعة جوزك وشرفه وكرامته والراجل يحب الست الصبورة المخلصة الوفية وربنا يسترعليك ويؤفقك ويسعدك طوال عمرك
انت على كده سوف تحطم الرقم القياسي في عدد الازواج لك ايه اللي جرى لك يابنت الناس ولا عاجبك الوضع كل مرة لك جوز وكل مرة تطلق منه وهكذا فكري في مصير ابنك الصغير حرام عليك اللي تعمليه كده وارضي بالقسمة والنصيب انت جربت الجواز والرجال ولاتوفقت مع احد منهم خلاص اهتم بابنك وقمي على تربيته والاعتناء به والغي فكرة الجواز من حياتك نهايئا ومستغرب جدا كيف تريدي الجواز من مديرك صاحب الشركة وانت لازلت على ذمة زوجك السعودي اللي غاب عنك فترة فهذا لايجوز شرعا ولافي دين ولافي قانون يقبل بهذا عايزك تتقي الله عزوجل وتحرص على صون دينك وشرفك وسمعتك وكرامتك وسمعة اهلك ولاتكوني فريسة ومطمعا لكل الرجاله الذين يحاولون الاقتراب منك الست المحترمة الشريفة تعرف ازاي تحافظ على شرفها وسمعتها ولاتفرط فيهم مهما كانت الظروف والمغريات ولاانصحك بالرجوع لزوجك اسعودي اللي ماسالش فيك طوال تلك المدة وتركك والان افتكر ان ليه زوجة صدقيني لاهو يحبك ولايقدرك ولايستاهل انك تكوني زوجة له يريد المتعة واشباع رغباته الجنسية معك وبيرجع زي ماكان يعمل معاك اوعك تصدقيه انه يحبك ومش قادرعلى العيش بدونك لاتكوني عبيطة ومغفلة لهذة الدرجة الكبيرة خليه يطلقك غصب عنه وعيشي حياتك مع ابنك الصغير وامك الست المريضة فهما بحاجة لك اكثر من اي احد ثاني وربنا يصلح لك الاحوال ويسترعليك ويبارك لك في ابنك ويحفظ لك امك ولايحرمك منهما ويؤفقكم ويسعدكم في هذة الحياة
لا ما تسافريش ولا تسيبى ابنك مهما حصل ارجوكى ابنك اهم حاجه وربنا معاكى يارب