انا والدتي مطلقه وتزوجت وانا ابلغ من العمر ثلاث سنوات هو راجل محترم وهو بالنسه لي والدي اتعرفت من اربعة سنوات علي زوجي حبيته اتقدملي وشرحلنا ظروفه كان لسه مستلم شغل وكان في مركز مرموق وحكي لنا عن والده وكيف ظالمه في حياته وانه ماسرفش عليه مليم ومن صغره كان بيشتغل وعن والدته ومدي قسوتها وعن ظروفه الماديه اتعرافنا علي اهله وفعلنا اكتشافنا ان الدنيا فيها بشر بالصوره السيئه دي وفي اتفاق الزواج امام اهله قاله مش هنجيب شبكه غير دبله وخاتم مفيش فرح غير كتب كتاب وخلاص وشقه 50م في بيت والده وميش من حقي اختار كيفية توضبها او عمل اي تعديلات بيها واحنا علينا ثلاثة ارباع الجهاز ووافقنا لان كنت عايزاه وقلت يكفي ظلمه مع اهله وتمت الخطبه ورأيت البدع من اهله مثلا والده يكدب بيقول انه مسلفه 20الف اخوه مش متجوز ومعاه عربيه ووالده معاه عربيه ويوم زيارته ليه لازم ولدته تتصل بيه تعالي وديني في المكان الفولاني او والده تعالي هتلي عشا مع العلم كان بيجيلي مره واحده ساعتين في الاسبوع وقلت عادي بكره يبقي ليكي ولما شفت اد ايه هما صاعبين اقنعته بالسكن بره ووافق وخدنا ايجار جديد وعلي سمعته من اهله وقبل الزواج بيومين بنتلي الحقيقه اني اعرف شخص واطي كداب مثل ابوه وقت كتابة القايمه ماكنش عايز يكتبها وفجائه والده اصبح حبيبه والمتحدث الرسمي لي وصل امي للبكاء لان ده اللي حدث معها في جوازتها الاولي احست بالخيانه لي خايف من كتابة القايمه رغم تنازلاتي عن كثير من حقوقي حاولت ان افشل الزواج لكنه تم فتحت صفحه جديده بعد الزواج لكن للاسف من اول شهر بانت الحقيقه اناني مغرور اختلف معايا علي لبس تخيلوا وداني عند اهلي مع اني عرفت اني حامل في اليوم ده ومافرقش معاه اختفي 10ايام ولما وصلتلوا وروحت البيت وما خلتش حد يدخل اتصل بي اهلي وقالوهم خدوها ووقت ماانا عايز ترجع ترجع وتصلحنا عشان تمشي بعد كده اصبحت المشكله اني لازم اروح لاءهله كل ثلاثة ايام كل اسبوع مع العلم اني ساكنه بعيد المشكله انهم بيقلوا ادبهم عليا بطريقه مستفزه يعني بيلاحو عليا بلكلام ويغاطوا فيه وبعدين يضحكوا ومابردش واشهدوا يقولي بيضحكوا كرهتهم واصبحت مشكلنا بسبب انه راجل ودني مثلا بنتي كانت عندها نزله معويه وبتاخد محاليل وجه من بره بهدلني علشان كان عندهم لوحده قاللولوا ازاي مراتك متجيش النهارده انت مش راجل وهي ممشيا كلمها عليك ماقدرش يقولهم ان بنته تعبانه لكن جه يطلعوا عليا انا ده حاجه بسيطه من اللي شفتوا معاه انا دلوقتي بقالي 3سنين متزوجة والله العظيم كل شهرين مشكله كبيره بطلب الطلاق اهلي بييجوا او هو اللي بيكرر الطلاق وفي مجلس الصلح يحدث الات يصر ان يكلم والده ويجيبوا ويقول زي ما انتوا اهلها ليا اهلي الو بابا تعالا ولدتي تقولوا يبني احنا مصلحتنا نلم بيت بنتنا بلاش تكبرها وهو قالي في يوم انا لازم اجي عليكي علشان لو اهلي طلبوا مني اطلق ها طلاءق بجانب انه في المجلس بيكدب ويفتري عليا ويقول اني شتمته وعنده القدره انه يقنع الموجدين بكده وما ادراكوا الظلم لدرجة انه اتكلم عليا في العلاقه الحميمه بيننا ومع اني بفعل ما بوسعي لارضائه اتهمني امام اهلي اني ما دخلتش حجرة نومي من شهرين وانا كنت معاه قبلها 4ايام دلوقتي انا في مشكله بقالها ثلاثة اشهر بسبب اخته جابت هديه بسيطه لبنتي في عيد ميلادها اتصلت شكرتها فقالتلي ان كان نفسي افتح الهديه انا استغربت انتي اللي جايبها اصلا فاقلتلها بضحك لا دي هديتي مش هورهالك قلبت عليا الدنيا وقالت اني قلتلها انها جايبه الهديه وبصا فيها وقطعوا علاقتهم بيا بدون اي حديث بينا وهو كل يوم بيتخانق معايا عشان اروح وانا وافقت وتفقت معاه اروح في عيد الام غير كلامه في لحظه وصمم اني اليوم اروح تعبت ولدتي جت حاولت تتكلم معاه شبه طردها واتصل بوالده وشتمني علي التليفوني معاه وقال هطلاءق وبرده جاب لورا وانا عارفه ليه لانه ميقدرش يتحمل مصاريف طلاق الان بالله عليكوا اعمل ايه
بصي جوزك ده زبالة هو واهله لاخلاق ولاتربية ولااحترام مش عارفه انتي مستحملة العيشة دي لغاية امتى اطلبي الطلاق منه فورا والزميه بالنفقة لابنتك الصغيرة غصبا عنه وعن اللي خلفوه يدفعها شهريا لك وربنا بيكرمكي بحسن منه ان شاء الله انت لسه بعز شبابك والف من يتمناكي ياست البنات
بـختصتر لو كلامك ده صح اتطلقي ولا تترددي لقب مطلقة ارحم من الحياة اللي انتي فيها . وحاجة تاني في مثل يقول يا فرعون ايه اللي فرعنك . لو جوزك شاف وقفة بجد وعرف ان الحبل راح يضيق عليه راح يمشي معاكي عدل
شوفي يااختي العزيزة كل اللي ذكرتيه عن زوجك واهله يؤكدوا انهم اناس ماعندهم شرف ولااخلاق ولامروة ولاعمرهم يتغييروا ابدا وزوجك هذا شخص مسلوب الكرامة والارادة ولاعنده ذرة من الرجولة انصحك بطلب الطلاق منه فورا لصون كرامتك وكرامة اهلك واياك والرجوع له مهما كانت الظروف وتلزميه بالنفقة لابنتك الصغيرة حتى لو تطلب الامر رفع دعوى عليه في المحكمة في هذا الموضوع وعيش حياتك معززة ومكرمة في بيت اهلك حتى يكرمك الله بالزوج الصالح اللي يقدرظروفك ويحترم الحياة الزوجية ويصونها ويسعدك طوال حياتك وربنا بيكرمك ان شاء الله ويعوض صبرك خيرا