انا بنت 24سنه في معهد كمبيوتر سنتين يعني الحمدلله قدامي اسبوعين واتخرج دايما بابا وماما كانوا ومازالوا بيقولولي خلصي وابقي فكري في الزواج بس اديني فاضلي اسبوعين واخلص ومش لاقيه حد اساسا وكل صحابي اتجوزا واللي قدي واللي اصغر مني واللي في عيلتي اصغر واكبر وقدي وانا زي منا مبقيتش عارفه اعمل ايه انا مش عارفه ايه المشكله انا بدأت اخاف ان شهادتي تكون سبب ان محدش كويس بيتقدم وان اللي اتقدموا يااما طمعانين او كدابين او معهمش يفتحوا بيت يعني ياريت هيكافحوا لا ده عايزين العروسه معاها كل حاجه يعني عاله يااما عايزينها ملكه جمال وهكذا انا مش عارفه وان جينا للشكل فأنا الحمدلله مقبوله وحلوه وكل الناس بتقولي كده والحمدلله حافظه القرآن وازهريه بس انا مليش اصحاب كتير وكل اللي اعرفهم اساسا كلهم متجوزين ومخطوبين وحاولت اتعرف علي ناس جديده بس كلهم بيطلعوا في الاخر زي اللي قبلهم يعني فتره وبيمشوا وبقيت اسمع كلام من كل الناس ومعايره وساعات اهلي كمان اسمع منهم نفس الكلام انا تعبت بجد وحصلي في حياتي مشاكل وكانت بتؤدي لحاله نفسيه وتؤدي الي الانتحار بس انا مش عايزه اموت كافره ولا اغضب ربنا
اختي الكريمة ثقتك في نفسك لا تاتي صدفة بل عندما نضع ثقتنا في الله ستاتي الثقة في النفس وهذا ما ينقصك لان الثقة في النفس عامل مهم للشعور بالراحة النفسية
في البداية يجب ان تعلمي ان الدنيا نصيب فقط و لو كنا نعرف ما تخفيه الايام لنا ربما لما طرحتي مشكلة هنا
لهذا اختي الفاضلة لا تدعي اي مجال للأفكار السلبية تسيطر عليك لان تأثيرها على النفس اكثر من المخذرات
حاولي استبدالها بأفكار ايجابية و انظري للحياة بنظرة متفائلة انتي مازلتي صغيرة في السن و لايوجد اي شيء تندمين عليه فقط قليل من الصبر وكثير من الدعاء وراح تتغير حياتك ان شاءالله
تموتي وتنتحري علشان متجوزتيش …. ايه يابت الهبل دا … انتي ازهرية وحافظة القراءان قربي م نربنا اكتر وادعي ربنا يرزقك بالشخص المناسب انتي 24 سنة صغيرة ف بنات بتتجوز ع 30 واكتر اهم حاجة تبعدي عن موقع الزواج وشباب النت متخليش نفسك موضع تسلية لاحد … واصبري ف اختيار الزوج مش اي حد يتقدملك يلا ونتخطب ونتجوز … اختيارك هيتبني عليه حياتك عاوزة تتجوزي اي حد وتعيشي ف تعاسة او نكد … اصبري وهتاخدي نصيبك واشغلي وقتك ف دراسة اي شئ بعد المعهد
ايه يا اختي الكلام اللي بتقوليه ده . انتحار ايه وعشان مين تنتحري ؟؟ والله لو شفتي غيرك من المتجوزين هتلاقيهم عاوزين ينتحرو عشان اتجوزو وبيتمنو لو الزمن يرجع يفضلو بنات . الخلاصة لا كل المتجوزين سعدا ولا حيات الوحدة دايما سيئة . عاوز اقلك كوني مؤمنه يا بنت الازهر لما انتي بتقولي كده طيب الناس اصحاب الجهل الديني يعملو ايه . بصي يا بنتي مبدئيا انتي لسه صغيره وموصلتيش لسن اليأس عشان تقولي كده . نصيحتي ليكي دوري علي شغل والنصيب هيجيلك لحد عندك وبلاش حكاية التعرف علي الناس دي لان زي ما انتي شفتي هو ده الواقع نص الناس كدابين ونص النص التاني معندهمش قدرة علي فتح البيت . فلو ربنا كرمك ولقيتي شغل اي شغل من خلاله هتلاقي ناس كويسه انا الناس بتاعة النت دي كلها تسالي . تحياتي لك يا بنت بلدي وخليكي قريبه من ربنا اكتر وسيبك من كلام الناس والمعايرة عشان لو اتجوزتي جوازة غلك محدش من دول هيفتكر يواسيكي بكلمة
صحباتك كلهم اتجوزوا..لكن هل تعلمى اذ كانوا سعداء ام لا .. حتى لو قالوا لكى بانفسهم انهم سعداء .. ربما هم يتمنوا ان لم يكونوا تزوجوا ..ربما .. فلا تحكمى علي نفسك انهم افضل منكي .. ربما انتي حاليا في المكان الافضل … وايضا انتي مازلتي صغيرة ليه بتتكلمى زي ما يكون فاتك قطر الزواج .. ليه الفكر ده .. خليكي متفائلة ولا تنظري لمن تزوجت قبلك ربما هي ايضا تنظر لكي وتتمني ان تكون مثلك .. وان شاء الله تتزوجى وتكوني سعيدة .. لكن انا مازلتي صغيرة ولا تفكرى بهذا الشكل اطلاقا .. وربنا يسعدك ..
اختي العزيزة انت ماشاء الله عليك حافظة للقران وازهرية وعلى دين وخلاق وتربية والف من يتمناكي ياعزيزتي الزواج قسمة ونصيب وربنا بيكرمك ان شاء الله اوعي تتاثري بكلام الناس عليك وخليك واثقة من نفسك ومتوكلة على الله عزوجل ومومنة بقضاء الله وقدره وكل تاخيره فيها الخيرة زيما يقولوا سوف تلاقي نصيبك جاي لامحالة مع ابن الحلال الصالح اللي يستاهلك ويقدرك ويصون مشاعرك ويسعدك طوال حياتك اكثري من الدعاء لربنا والمحافظة على صلاتك في اوقاتها وقراءة القران والصوم وكثرة الاستغفار وربنا بيكرمك عماقريب ان شاءالله