انا متزوجه من 11 سنه عندي ثلاثه اطفال مشكلتي بدات من خمس سنين لما كشفت رسائل على موبايل جوزي من وحده بتكتبلو انا بحبك وانت عمري وكده بعد كده جن جنوني اتصلت على الرقم مباشره ردت عليا وقالتلي انا بحبو وهو بيحبني جن جنوني قعدت اكسر في البيت وفتت باكتئاب جامد في الفتره دي وكان رد جوزي عليا ان ده كلام فاضي وانو بيحبني انا ولا كان ممكن انو بقدر برتبط فيها بس يا هلترى الكلام ده يشفيلي جروحي ومن بعد الموقف ده اا بقيت جوايا وحده تانيه واصبحت افضل كل حاجه بتزعج جوزي وفضلت ادور على شيء يواسيني لحد اما فت شات وتعرفت على شاب يصغرني بخمس سنوات حبيتو وحبيني جدا لكن الحب ده متخطاش الشات اطلاقا ولا تخطى كلام محظور لكن ارتحتلو وارتحلي وتعلقنا ببعض لفتره بس كنت دايما خايفه من ربنا وكان ضميري بيعزبني فقط من ناحيه انو ربنا يغضب عليا بس انا بجد يا جماعه شيء مكنش فايدي انا كنت حزينه ومجروحه لدرجه اني اهملت ولادي وبيتي (بس اللي عايزاكو تعرفوا ان انا وللي كنت بكلموا مشفناش بعض لدلوقتي)ومرت الايام وخفت علاقتي في الشاب ده وخلاص انتهت علاقه الحب انا انهيتها فايدي وفضلنا اصحاب علنت نكتب لبعض كل فتره اي حاجه وهو يكتبلي انو فحياتو كلها ما قابل محترمه ومحافظه على نفسها زيي انا وهو شاب محترم لابعد الحدود ارتبط بوحده وتجوز من فتره وقطعت علاقتي في نهائي خفت اشغلو عن مراتو وقلت مش عايزه اخرب حياتهم .قبل كام شهر جوزي شاف رسائل قديمه منو وفيهاش اي حاجه غير ازيك ازاي صحتك وعامله ايه ومن وقتها وهو جانن جنوني وبيقولي كلام مش كويس مع ان علاقتو مكنش نهاها بلبنت انا كل فتره كنت بكشف انو هو وهي بتواصل دائم لحد ما سبتلو البيت ورجعني وحلفلي ما حيكلمها تاني وانا عارفه ان جوزي بيحبني لدرجه الجنون والنهارده هو مبيعرفش البنت دي ولا بينهم اي اتصال من اي نوع بس هو بيفضل ساخط عليا من الرسائل اللي شافها وحتى لو ما فيها اي كلمه زايده بس ارجع واقول ضميري مبيعزبنيش اتجاه جوزي لان هو السبب في اللي جرالي (انا اسفه على الاطاله بس بنصح كل اللي بيحبوا زوجاتهم ما يجربوا مع وحده تانيه لان العواقب بتكون وخيمه لدرجه الزوج ميتوقعهاش)يا ريت تكتبولي رايكم بكون سعيده لو تقولولي اذا كنت غلطانه ولا لا وشكرا ليكو
اولا انتى اكيد غلاطانة على شان لازم تعملى ربنا قبل اى حاجة مش مجرد ان هو عمل اى حاجة غلط فانتى تقومى بنفس الغلط لاكن لازم كان يحس ان هو غلطان وندمان مش ال انتى تعملى زى ماهو عمل على شان خيانة الزوجة اكيد مش زى خيانة الزواج
هو ليه بندور على سبب نعلق عليه اخطانا اصل جوزى يعرف واحده تانيه حتى لو كان يعرف عشره مش واحده هو يا اما تسيبيه يا اما تحترمى نفسك وكائننا ما يمنعنا عن الخطيئه هو ابتعاد الاخريين عنها يا سيدتى فى صح وغلط وفى ذنب هتحاسبى عليه وخيانه زوجك لا تبرر خيانتك الست المحترمه الشريفه بتفضل شريفه حتى لو كان جوزها شغلته الخيانه عليها الاختيار اما البعد عنه او ان تسلك طريق الرزيله ولكن هذا اختيارها لا مبرر له
اولا : انت أكيد غلطانة من الالف إلى الياء فالخيانة خيانة حتى ولو بالنظرة …… ولا تبحثى لنفسك على مبرر
ما علينا المهم طالما سترك المولى فلاداعى لتقليب الأمور وعليك التوبة الخالصة للمولى عز وجل وهذا شأن بينك وبين ربك
ثانياً لكى ترجع العلاقة بينك وبين زوجك فهى سهلة جدا: أن تجلسى معه وتقولى له قبلها انك تريدين الجلوس معه فى المساء وتكون كل الامور هادئة والجو مناسب وتناقشية فى هذه الجلسة فى كل شئ ما عدا طبعاًالكلام عن ماقمتى به وهو لا يعرفه فهذا غير مطلوب تماماً المهم انك تحدثيه عن سبب المشكلة والبنت التى تكلمه وتتكلمى معه بمنتى الحنية والحرص على نجاح علاقتكم ببعض وهكذا واتركى له مساحة للكلام …. المهم هو انكم تنهوا كل الامور بالصراحة والحب ومن الممكن ان تنهوا هذا اليوم بلقاء زوجى كانه ليلة الدخلة وانت وشطارتك بأه ……
نصيحة قبل القيام بالجلسة لابد ان تكونى صليتى كل فروضك وتصلى فى النهاية ركعتين طلباً للحاجة وتدعى ان ربنا يوفقك فى الجلسة مع زوجك مع قراءة هذا الدعاء قبل الجلسة
دخلت عليهم مدخل القبول وحكمت عليهم بحكم لا يزول وختمت على أفواههم بختم الرسول
اللهم وفقنى مع زوجــى
وربنا يوفقك
مش حقولك غير اتقى الله افضلك مهما عمل زوجك يجب عليكى طاعتة كيف تسمحى لنفسك انك ترطبتى بشخص غير زوجك ولو حتى عن طريق النت انتى مش خايفة من ربنا ولا يوجدامامك غير حلين وعليكى الاختيار بينهم الاول ان تدعى ربنا لزوجك بالهداية والالتزام والاتزان وحسن معاشرتك وتطلبى منة ان سيمحك والحل الثانى ان تطلبى منةالطلاق اذا كنتى شايفة انةلا يوجد معاة ا سعادة اووقع عليكى ا ضرر وعاوز افكرك بحاجة مهمةجدا الانسان ال انتى بتكلمية عل الشات لو انتى طلقتى من زوجك عمرة ما حيفكر فيكى لانةعاوزك كدة
حسة بيكى جدا بس تحليلى الشخصى بيقول انك واخدة موضوع جوزك دة شماعة انتى كان عندك الدافع دة من قبل كدة…الست مهما اتجرحت من جوزها لو حباة بتبلعلوا الزلط زى ما بيقولوا راجعى نفسك بصدق بدون شمعات
أنت غلطانا وزوجك غلطان.لو إحتسبت لله كان خيرا لك وكنت تفوزين برضى الله والله أعلم كيف ينتقم لك من زوجك بدون أن تلجئي إلى الطريقة التي فعلتها. لأن الله قد إبلاكي ولم تصبري. أتقي الله وتوبي إليه
طبعا غلطانه استغفرى ربنا وتوبى وفوقى لنفسك ولعيالك واتقربى من ربنا ومن زوجك وانسى كل اللى فات وابتدى صفحه جديده مع زوجك
ههههههههه اي مشكله للست لازم يكون وراها راجل بصي حبيبتي احمدي ربك انه زوجك بيكلم بنات بس مش كلام وحاجه تانيه معاها اصبري وراعي ربك في زوجك وربنا يكرمك في بيتك
لازم تبصى لنفسك شوية يعنى شوفى بحب اية وتعملية لبس معين ـ برفن معين ـ روج معين وهكذا متخلهوش يبص لوحدة تانية خليكى ديما جميلة ادامة كلامك يبقى حلو على طول
اكيد ظبعا انت اخطأت فى حق نفسك قبل زوجك واحمدى ربك ان علاقتك لم تتخطى الشات واحمدى ربك اكثر انك قطعتى علاقتك بالشاب نهائياً وادعو الله ان يرزقك الاستقرار مع زوجك اما سخط زوجك عليك بسبب انه رأى رسائل من الشخص فأن طالما انت واثقة من نفسك ان علاقتك لم تتخطى الحدود مع الشاب فلا تعنفى نفسك وعليك ان تتكلمى مع زوجك بثقة وحاولى ان ترضيه بقدرالامكان واصرفىى نظر نهائياً عن التفكير فى علاقته بالمرأة ولا تعيريها اى اهتمام حتى وان قرأتى رسشائل منها فهو لن يتزوجها نهائى طالما انك واثقة من حبه لك ودمتى بخير وعافية ونصيحة اخيرة لا تسمحى لنفسك بتكرار تجربة العلاقات على النت فليس كل مرة ستسلمى لان الشيطان يكون متربص بك مهما كنت حريصة على نفسك
لا أعتقد أن معالجة الخطأ تكون بخطأ مثله
هل نطفئ النار بالنار ؟
ثم أن خطأك كان في حق ربك أولا وفي حق نفسك ثانيا وفي حق زوجك ثالثا
كلنا ذو خطأ والله يقبل التوبه المهم الرجوع والإنابة سريعا وعدم العودة مرة ثانية
صدقيني مافي أجمل من الحلال حافظي على بيتك وزجك وأولادك فهم أولى من اي شيئ
الحرام عاقبته خسارة في الدنيا وعذاب في الآخرة
اختي ….اخاف ان اقولك راي بصراحه ما تكوني سعيده ونفس الوقت لا اريد ان اقسو عليك ولكن كلمة حق ساحاسب عليها يوم القيامه !غلطانه طبعا والغلط من ساسك لراسك ؟؟؟
استغفر الله العظيم اهيا خيانه قصاد خيانه اكبر او غلط امام غلط اكبر
اختي المسلمه بمجرد كتبتي مجرد كتابه انك حبيتي شخص غير جوزك وهو حبك ارتحي لشخص غير محرم تحت اي ظرف فهذافعل غايه في الخطورة اتمنى ان يغفره لك الله قبل زوجك
لا ادري ماذا جنيتي الان ::الذنب ,الالم ,عذاب الضمير ,فقدان ثقة زوجك وابو ابنائك
انه التهاون في امر الدين !!
نقطه..ومن اول السطر
اسالي السميع الغفور في صلاتك ادعيه وابكي معترفه بدنبك وتابه توبه نصوحه هو هذا حلك
وجهتي نصيحه اخر رسالتك طالبه من الازواج ان لا يجربوا مع غير نسائهم لان العواقب تكون وخيمه
ومني (كــــــمـــا تدين حتما ستدان )
bossy hwa 5alas ely 7sl 7sl..enty dlw2ty 7awli t2oly le gozk enk asfa w enk at3ty 3laktek bih 5ales w mknsh benko 7aga w kan kol da mn el sadma ely gatlk w 7awlo mt5llosh shetan yd5ol benko w rbna yhdikom le b3d 🙂