السلام عليكم ورحمة الله وبركاته
انا مهندس عمرى 25 سنه تزوجت من سنه ونص ووهبنى الله منها طفل لكن مشاكلى معاها كثيرة وهية بتسيب البيت لاتفه الاسباب وممكن نبقى كويسين وتعمل اى مشكله عشان تمشى لبيت اهلها واهلها بيساعدوها على كدا بكل الوسائل وكل مره اروح اجبها وحاولت اقنعها انا وناس واهلى ان كثرة ترك البيت كتيير غلط وابنى كل يوم بيكبر ولا اراه وبتدخل على النت مع اصحابها وتكتب حكم وامثال انا المقصود بيها كلها غلط فى حقى وتشيل انها متزوجه وتكتب منفصله او اعزب وهية مش جميله بالمره ومبتسمعش اى كلام منى واهلها بيسلطوها عليه عشان نتخانق ومبتعمليش اكل فى البيت وكل يوم فى مشاكل وخناق وتمشى عملت معاها المستحيل وفيها عيوب كتيير جدا وراضى وطلبت منى اطلقها كتيير لكن انا مقدرش ادفع المؤخر لانه كبيير وقالت لوالدها اكتر من مره عايزه اطلق ويقولى خلاص نطلق بس هتديها كل حاجة ارد اقله بس حضرتك هية اللى طلبه الطلاق ويردى ربنا الكلام دا يقولى يرضى اللى يرضيه وهية دلوقتى غضبانه بقاله 25 يوم ومبتعدش فى البيت اسبوع على بعضه ومش لاقى حل اعمل ايه اسبها ولا اجبها وكلمتها كتيير قبل كدا على موضوع ترك البيت لكن بلا جدوى ولما اروح اجبها تعد تتشرط عليه وتقول مش هروح انا غلبت معاها ومش عارف اعمل ايه
مشاكل الازواج
كثرة ترك زوجتى لمنزل الزوجيه
اضيف بتاريخ: Tuesday, July 17th, 2018 في 16:06
كلمات مشاكل وحلول: الزواج, الطلاق, النت, زواج, متزوجة
تزوج الاول وعيش حياتك واستريح نفسيا ..وبعدين ربنا يسهل
وياريت تختار صح هذه المرة ..
اخي المهندس العزيز السلام عليكم ورحمة الله وبركاته زوجتك تعتبر ناشز في حكم الشرع طالما انها تركت البيت وذهبت لبيت اهلها ولم ترجع من حقك تطلبها في بيت الطاعة لكونها ناشز ولكن لها حق النفقة لانها ام لابنك الصغير وحاضنته ولولم يكن عندها ابن منك لسقطت عنها النفقة ولاشئ لها المشكلة الان انها تطلب الطلاق وانت لاتقدر على دفع مؤخر الصداق لها فطالما ان موخر الصداق متفقين عليه عند الزواج فانت ملزم بدفعه لها ويحق للزوجة المطالبة به عند الموت او الطلاق وارى ان الصلح هو الحل الافضل لهذة المشكلة لاتنسى ان في بينكما طفل صغير لاذنب له في كلهذة المشاكل والخلافات بينكم فكر جيدا في مصير ابنك الصغير قبل كل شئ واسعى للتصالح مع زوجتك ليس لسواد عيونها واهلها وانما لاجل ابنك الصغير لعل الله يهدي النفوس ويصلح حال زوجتك هذة والله قادر على كل شئ لاتتسرع في طلاقها لاجل ابنك الصغير والله يسترعليكم ويصلح بالكم ويسعدكم ان شاء الله
سيبها ولا تعبرها … وابعت مرسال مع حد انها لو مش رجعت البيت بنفسها عمرها ماهتدخله تاني وقلها قدامك اسبوع تعقلي الكلام بعدها في زوجة تانية .. ولو مقدرتك تاجر شقة اتجوز وصدقني هتعقل واهي ف وحدة تكسر شوكتها دي صنفها كدا