جوزي ساب البيت

متجوزه من 6 وعندي ولادين اتجوزت في بيت عيله المهم اتبهدلت جدا وجوزي كان بيسمع لأمه وكنت بغضب كتير وهو كان بيجي ياخدني ويجيب أهله طبعا امه كانت مش بتكون طيقاني وبتشجعه علي الطلاق بس هو كان مش بيسمعلها في موضوع الطلاق ده عشان بيحبني وانا كنت كل مره يرجع عشان بحبه رغم اني اتبهدلت منهم كتير المهم حصل خلاف بعد سنه من الجواز مع أهله وسيبنا بيت العيله وسطنا لوحدنا وكنا بتخانق وبنتصالح ذي اي اتنين وكنت بدخل اهلي لما بيمد أيده عليا وبقي هو وأمي ذي الأعداء من كتر خلافاتهم مع بعض وأمه برضه كانت دائما تقويه عليا وهو كان بيريحها بس كان بيرجعلي تاني المهم دلوقتي هو حصل مشكله بيني وبينه تفها فمد أيده عليا وضربني بالحزام وفضل يغلط وانا كنت عايزه امشي واسيب البيت بسبب ضربه ليا مع أن اهلي كذا مره يحظروه من الموضوع ده قالي مش حتمشي خلي ابوكي هو اللي يجي ياخدك الوقت متاخر اتصلت لبابا وقولتله تعالي خدنيوكنت بعيط جه هو وماما وقال لي احكي فيه ايه حكتلهم اللي حصل راحت ماما قالتلي احنا مش كذا مره نقولك بلاش ضرب قالها اي راجل بيضرب مرانه الراجل مش ذي الست قالتله اضربك يعني انا دلوقتي بقي المهم زعقوا وبابا قعدها وفي الاخر الموضوع هدي وفضلو يهزرا بس بعد ما مشيوا لاقيته مش بيكلمني تاني يوم ماما كلمته وصالحته وكان عيد ميلاد اختى قالي هاتي هديه وكنا كويسين اوي مع بعض وجه عند ماما بالليل وقعدنا نهزر كلنا واتمشينا بتربيته انا واختي وخطيبها وتمام روحنا وهو راح الشغل الصبح بكلمه راح التعصب عليا وقفل السكه في وشي من غير سبب جه من الشغل بكلمه قعد يزعق ويقولي ابعدى عن وشي وغورى ومتحول خالص عليا ويسب للبيت المهم انا سكت ومتكلمتش تاني يوم لاقيته بيقولي يلا جهزي الولاد ونفطر برا روحت البس لاقيته لو امك او ابوكي ادخلو في حياتي تاني انا جنسف بيهم الارض ويغلط زيزعق قلتله انت مش كلمتهم وبقيت كويس يقولي لا انا قعدت مع نفسي والموضوع ده مش حيعدي وانا حعمل واسوي ويغلط طبعا حد سخنه عليا المهم هبطت ودخلت الاوضه قالي يلا ننزل المهم نزلت معاه عشان نفطر برا ومتكلمتش في حاجه هو قالها قعد يتكلم في الموضوع برضه ويقولي انتم اتعوتوا اني ماليش كرامه انا اللي عملت كدا انا كان لازم اخد موقف من الاول قولتله انت اخدني تخرجني ولا تعذبني هي امك سخنتك عليا ولا ايه بقي انا زهقت روحنا راح قالي ايوه هو ده اللي انا عايزه انتي تروحى عند امك وانا ارجع مكان ماجيت وحدوي علي قلبي بالجزمه وراح نزلني وانا بعيط ومنهاره ومكمتش منصوره أنه حينزلني بجد بس سابني امشي انا والاولاد بابا اتصل بيه مش بيرد خالص المهم ماما قالتلي ارجعي بيتك ولو هو عايز يمشي يمشي رجعت البيت لاقيته بيبيصلي بقرف قولتله انا رجعت عشان ده بيتي اللي عايز يمشي يتفضل هو راح اخد هدومه ومشي بقاله اسبوعين وبيبعت مصاريف مع جوز اختي لولاده بس قليله ومسالش فيا وسايني في البيت ولا سال علي ولاده خالص ولا رجع البيت وبابا ليتصل بيه عشان يشوف حل مابيردش وقله تقدير وكلمنا جوز اختي عشان بكلمه رد عليه علطول وقاله حبقي اخلي خالي بكلمه اه نسيت اقول اننا قرايب انا وهو من ناحيه الاب بس مفيش اختلاط اوي بينهم
هو اول يبعد كده وميسالش ويبعد كل ده انا مش عارفه ايه المفروض يحصل دلوقتي انا مش عايزه بابا يكلمهم تاني عشان هما قالوا منه جامد بسبب قلت ردهم عليه وهو قاعد عند أمه ومش بيسال خالص ولا حد من عنده فكر يتصل ويسأل في ايه حتي
طولت عليكم معلش عايزه اعرف اعمل ايه دلوقتي

مشاكل وحلول ذات صلة

• حامل بطفل من غير زوجي
• حيرة في الاختيار بين طليقي او رجل اخر اعزب
• من اجل اطفالي اتحمل اهانة زوجى لي وضربه وسبه
• اطلب الطلاق او استمر من اجل ابنتي
• الخيانه مع اخو زوجي
• ندمت على زواجي وافكر بخطيبي القديم
• زوجة تحلف بالله لزوجها انها زنت