زوجي طيب وحنين بس خبى عليا انه مريض

مشكلتى انى متزوجه من اكتر من 4 سنين زوجي طيب جدا وحنين لكن اكتشفت بعد الزواج انه خبي عليا انه مريض سكر قلت مش مشكله كلنا معرضين للمرض وتعايشت مع الوضع مع انه ماثر عليه وبيتعب احيانا وبعد سنه من الزواج عمل تحليل سائل منوي عشان نعرف ليه الحمل اتاخر طلعت النتيجه ان مفيش حيوانات منويه خالص عرفت بعدها بالصدفه برضه انه كان عامل عمليه وهو صغير وهيا اللى اثرت في الخلفه كمان خبي عليا الموضوع ده ولما وجهته اضايق جدا وزعل من اللى قالى المهم صبرت معاه عشان هو طيب وعشرته كويسه ورحنا عند دكاتره كتير وجربنا عمليات وادويه لكن مفيش نتيجه الحمد لله على كل شيء انا امنيتى انى ربنا يرزقنى بالاطفال ولو طفل واحد ومش عارفه اعمل ايه اكمل ولا لا يا ريت تنصحونى ربنا يكرمكوا
انا بالنسبه ليا يتيمه الاب والام ونفسي في طفل يعوضنى عنهم وبالنسبه لزوجي هو طيب جدا وحنين وخايفه ملقيش زيه لكن عيوبه انه ضعيف الشخصيه قدام اهله وخصوصا والده بيطلب دايما منه فلوس مع انه مش محتاج والله طمعان في ابنه كمان بيحاول انه يجوز ابنه وانا لسه على ذمته وبيقنعه انه ما يطلقنيش الا لما ابريه من حقوقي المهم في خلافات بينى وبين والده لدرجه انه ما بيسلمشي عليا
يا ريت تفكروا معايا يا جماعه وتنصحونى اكمل معاه وهل يستحق منى التضحيه دي ولا انفصل عنه واسيبها على الله وشكراا

مشاكل وحلول ذات صلة

• تفسير الانجاب ولبس الذهب
• زوجي لا يهتم بي ولا يغار علي
• اريد اعيش ببيت لحالي كيف اقنع زوجي
• اخو زوجي لا يتركنا في سلام ويفشي اسرارنا
• انا زوجه تانيه وجوزي دايما بيكذب عليا
• قلبي بيتقطع من علاقة جوزي بزميلته
• غياب زوجى طمع الناس فيا