اكتشفت ان زوجتى تدخل على الفيس بوك الخاص بخطيبها السابق وعندما لمحت لها بان صديق لى وجد زوجته تقوم بهذا الشىء قالت لى لو كانت زوجة صديقك كانت تحب خطيبها السابق فأنها مازالت تحبه ولذلك فهى تدخل على بروفايله اما لو كانت لا تحبه فأنها تدخل على البروفايل الخاص به لمجرد الفضول واحسست بعد هذا الحوار انها فهمت انى اقصدها هى واريد ان اعرف من حضرتك كيف اتعامل معها واريد ايضا ان افاتحها فى الموضوع بشكل مباشر او اتحدث مع والدتها لان والدتها ووالدها دائما يقول انى اتلكأ لها فى كثير من المشاكل بيننا …… اولا انا مولع نار من داخلى ولا اريد ان اراها واعاملها بفتور وأنا صابر على الموضوع لكى اتكلم فيه فى الوقت المناسب والطريقة المناسبة ….. اريد رأى حضرتك لو سمحت
حاول تتكلم معاها لو انت بتحبها لقتها انكرت كلامك وقلتلك مافيش الكلام ده ده فى مره البروفايل بتاعوا ظهر قدامي بالصدفه وحسيت انها بتحور يبقا صدقني هتكدب تاني لو اتكلمت بصدق اكيد هتتغير وحاول تاجل موضوع الاطفال ده وربنا يوفقك
انتا في البداية حياتك شكلها تناقضات مع زوجتك واللي واضح إنها تتأثر بوالدتها وكلامها.عموما انتا لو اتكلمت مع أي من والديها الرد الطبيعي هيكون بنتنا ما تعملش كده وانتا تلاقيك مش لاقي حاجه تعمل بيها مشاكل والكلام اللي يركبوك بيه الغلط عشان يطلعوا بنتهم تمام.هقولك علي الحل لو بتحبها وباقي عليها وعايز تديها فرصه اقعد اتكلم معاها وقولها علطول على اللي جواك بس بهدوء خالص وحاول تسجل حديثك معاها بدون ما تحس خالص وشيل التسجيل معاك عشان لو حصل حاجه بعدها وحبت هي تغير الكلام واهلها اتدخلوا يبقي معاك اثبات تحطه في عينهم.ونصيحه لو ما فيش اولاد استنا شويه علي موضوع الاطفال لحد ما تتاكد.وعايز اقولك ولا تولع نار ولا حاجه كله علي دماغها ظبطت أهلا وسهلا ما ظبطتش مع السلامه ولا تعيش نفسك في توتر.ولو والدها أو والدتها طلبوا يقابلوك هما اللي يجولك البيت اوعي تروح لحد وحاول تحسسها إنها مش في دماغك بس بعد ما تتكلم معاها و خد موقف جامد جدا وما تعبرش حد من عندها لحد ما تحس إنها ظبطت اللي هتعمله ده لو نفذته هينفعك قدام توكل على الله وشوف اللي يريحك وبالتوفيق.