مرحبا للجميع بليييييز ساعدوني انا متزوجه صرلي سنه وشهرين وعندي بيبي عمره ٤ شهور قصتي كتير طويله بس باختصار من قبل ٣ سنين تقريبا اتعرفت على زوجي بنفس الشغل انا وياه وكان اعجاب وحاول كتير فهمني انه بحبني وانا متاكده انه بحبني بيوم خبرني انه خطب وحده منهم يعني من اصل اردني وانا فلسطينيه وعرفت وقتها انه عنصري وبعد سنين ونص رجعلي وخبرني قديه متندم وانه بعشقني وانه حياته عذاب وانه طلق وعنده بنت وفعلا انا سامحته وتزوجنا والحب كان كبير بينا وعلى فكره انا اتأكدت انه كلامه كان صح بنسبه للاولى وانه ما عاش معها حتى انها حملت بالبنت بس من لليله الدخله وانه ما قدر ينساني ابدا المهم كله الماضي مات وتزوجنا والحب مزين حياتنا وكان رومنسي معي كتير وبحبني أكتر بعدين بلشت المشاكل بسبب اهله امه وخواته سته كنت اتعامل معهم انهم اهلي والله بعدين عملولي مشاكل وتدخلات حتى بحياتي الخاصه وبدهم اكون خدامه الهم وممنوع اسكر عحالي بيتي وطول الوقت عندي بالبيت او لازم انا انزل عند حماتي وشغلات كتيره لدرجه انه حماتي صارت اتمثل انها مريضه عشان زوجي يقلب علي والله شغلات كتير صارت صعب احكيها كلها هلأ بس والله اني قضيت فتره زواجي من بعد اول شهر وانا ابكي وحزينه ومشاكل لدرجه اني اتعرضت لولادات مبكره بفتره حملي وكنت رح اجهض مره وما خفي كان اعظم والله ولما انا تغيرت وصرت احط حد صارو يألفو قصص ويفسدو زوجي علي وطبعا زوجي وكل رجل مستحيل يصدق انه امه وخواته بكذبه وبمثلو وكيدهم كبير على زوجته وفعلا هون بلشت المشاكل بيني وبينه ووصلت للضرب بسببهم وبعد فتره صرت انا اكشفله كذبهم شوي شوي فصار يحاول حطلهم حد بس ما زبط وزادت المشاكل بيني وبين زوجي اكتر بس بنفس الوقت زوجي انسان طيب وبحبني كتير يعني قد ما صار مشاكل ما برضى يتركني بس بعد مولدت انا صرت عم بحس بجفا من زوجي مع العلم اني ولدت بعمليه قيصريه وزوجي من لما اتزوجنا انسان بغيب بشغله فترات طويله بس كان يخصصلي وقت دائما وشبه يومي بس هلأ ما عم بخصص وقت وعايشه لحالي حتى انه نحنا ما بنحكي وبنتناقش متل اي تنين متزوجين ولما بسألو عن شي وبخص حياتنا بجاوبني بعصبيه ولما بطلب منه مصاري بعصب وببهدلني مع العلم اني تركت شغلي عشانو لانه شغلي بطبيعته للمغرب لحتى اكون بالبي يعني لساعه ٨ بكون بالبيت لاني بمحافظه تانيه عن العاصمه وغير انه بطل يسمعني كلام حلو وطول الوقت جدي بتعامل معي وما في شي نعمله وما بشاركني بحياته ولا بقراراته ولما بغيب عند اهلي زياره يومين برجع عالبيت بعملي مشكله يعني ما في شوق ولا في حب ولدرجه انه العلاقه الزوجيه بينا ابدا مو متل زمان ما بطلبها مني وازا بطلبها بعد فترات شبه طويله بكون سريع وما بده يعيش الرومنسيه لانه حجته انه تعبان ومستعجل وازا بحاول ايام انا اتحركش فيه متل زمان بصدني وببعدني عنه بقولي تعبان ولهلأ المشاكل بيني وبين اهله امه وخواته وما تغير شي ووضعي مع زوجي صار سيئ مع العلم كتير حكيت معه بالموضوع انه متغير وتصروفاته معي بتقتلني بتحسن يومين وبرجع متل الاول ومع العلم اوقات لما بزعل منه انه بتعامل معه عادي بس بحسسه اني زعلانه بصير يحاول يتحركش بالكلام معي عن اي شي ولما برضى بسرعه بصير احكي عادي ببطل بصير يجافيني ومشكلتي اني متاكده انه نحنا بنحب بعض كتير بس وصلنا لمرحله انا بطلت قادره ومع العلم اني مو مقصره مع زوجي ابدا وبالعكس صبرت وتحملت وتنازلت وسامحت وعملت اكتر بكتير من مبتتخيلو وما في ولا شي مفروض اعمله غير وعملتلو اياه اهتمام وحب وشوق وحتى لما بصدني وببهدلني لما يشتاق بعمل انه عادي مستحيل اصده معه اني بكون مجروحه انا ما بعرف شو اعمل بلييييييز بترجاكم ساعدوني رح انهار ويلي حماتي وبناتها وكيدهم علي و ويلي زوجي وبيتي وابني ساعدوني بلييييييز
مشاكل الازواج
اشعر بالضياع مع زوجي بسبب امه واخوته
اضيف بتاريخ: Thursday, September 12th, 2013 في 05:05
كلمات مشاكل وحلول: الحياة الزوجية, الزواج, بنت, متزوجة
اختي الفاضلة الزواج مودةوتراحم والفةواخلاص من كلا الطرفان لبعضهما اذاتخلى احدالطرفين عن مهمام واجباته وحقوقه تجاه الطرف الاخر عمت الخلافات والمشاكل حياتهما وصارت العيشة لاتطاق بينهما وانت زوجته وام لولده من حقك ان يكون لك بيت مستقل عن امه واخواته دي مملكتك الخاصة تعيشي بهابهدوءوراحةومثل مابدك دون تنغيص من احدا من اهله اوازعاج لك ومسالة انه متغيرعليك بعدالولادة فقد يكون الرجل مشغول بهموم العمل ومشاكل اهله ماحدش عارف ظروفه كيف اصبري شوية لعل الامور تهدى وتزول المشاكل والهموم عند زوجك ويرجع يعاملك افضل مماكان ولكن انت ماتخلقي معه مشاكل اوتكدري مزاجه واحواله بمشاكلك مع امه واخواته لا كوني زوجة فطينةوعاقلة وكل شي له وقت مش على حساب راحةزوجك واشغاله كل يوم بمشاكلكم في البيت تقربي منه واشعريه بحنانك وعاطفتك الغراميةومشاعرك الرومنسية واثارتك الانوثية من دلع ورقص وكلام جميل رومنسي وكانكم فيشهر العسل من ثاني والا خرجي معه لتناول طعام العشاءفي احدالمطاعم بعيداعن اجواءالبيت وهمومه ومشاكله وكوني لبقةوجميلة وبكامل اناقتك وزينتك ماتخليه يشم منك الا كل زين وحلو ولايشوف منك الا ماهو جميل في لباسك وهندامك وتسريحةشعرك ومكياجك وكل شي فيك رائع وجميل ولاتكثري من التحدث امامه اومقاطعةكلامه خليك منصتة لكل مايقوله لك ومعجبة بكل مايقوله لك ولاتكثري من طلباتك عليه اجليها لوقت المناسب وخليه يشعرمعك اثناءالجماع برجولته وفحولته وانومافي منه ابدا وانك مرتاحة ومستمتعة معه واطلبي منه المزيدمن الجماع والتلذذ بطريقة الجماع معه وغيريوا الاوضاع والحركات اثناءالجماع حتى تجدي انك وزوجك في منتهى السعادةوالراحة وتاخذي منه كل ماترغب فيه وربي يسعدكم ويولف بين قلوبكم ويبعدعنكم المشاحنات والمشاكل ويهدى احوالكم ويصلحها
اختي الفلسطينية بارك الله فيك من زوجةوفيةوصابرة على تحمل الحياةمع هالزوج واهله اللي مافي قلوبهم لارحمةولاانسانية وكانهم وحوش سعرانة ولعلمك كل الاردنيون اصلهم من فلسطين الحبيبة ولاشو فاكره انهم منين لازال بعضهم بلاهوية يعني انه تجديه معه جوازسفرمصري ولاسوري ولاكندي ولاامريكي وهوفي الاصل من فلسطين وعايش في الشتات وارجع لمشكلتك مع هالزوج الغيرمبالي بتحمل المسولية معك ورفع الظلم عنك والقيام بدوره كزوج يراعي الله فيك ويعطيك كافةحقوقك الزوجية من مسكن ومصاريف لك ولاولادك والانفاق عليكم ولكنه مايقوم بواجبه معك كالازواج الاخرين وغيرمقدروجودك زوجةله وام لاولاده ولاخيرفيه اطلاقا الافضل لك ولكرامتك الخلاص من عيشةالذل والمهانةدي اطلب الطلاق منه فورا لكي تحمي نفسك وتراعي حقوقك وتحفظ ولادك من هيك حياةكلهامشاكل وخلافات واهانات وربي بيكرمك بالزوج الصالح اللي يخاف الله فيك ويقدريسعدك ويعوضك عماشفتي في السابق
شوفي حبيبتي انا لما قريت قصتك ضحكت لانو صدقيني سمعانة مية قصة نفسا بنفس التفاصيل وشوفي اي وحدة بالعالم بتقرب من بيت حماها مستحيل يكونو مبسوطين ابدا مهما كان احد الاطراف منيح لأنوالمتل بيقول مكتوب على باب الجنة بعمرا حماية ماحبت كنة فأنت حاولي تبعدي بالبيت واذا ماقرتي لاسباب مالية خلص حطي حد نهائي وهو زيارة لعندن مرة بالاسبوع ساعتين واياك تضعفي او تحني او تحطي بنتك عندن خلص صفحة وانطوت واكيد رح تلاقوا صعبة بالاول ورح تحكي وتعمل مشاكل كتير بالبداية لا تردي طنشي عيارا شهرين وبتتعود اد مايحكو براحتن لا تحاولي تسمعي اصلا ولا تعرفي شي واكيد مادام زوجك طيب وبدو حل قعدي واتفيق معو انو هيك رح ابعد متل ماحكيتلك واتفقي معو قوليلو انا ماعد احكي عليهم نهائي وانت لا تخليهم يحرضوك علي ههن بحالن وانا بحالي ونجي لموضوع زوجك انت شكلك طيوبة ومتسامحة وائا متأكدة انو في حب خلص طولي بالك عليه هو زلمة تعيب وضغوط الحياة فوق راصو ولما بطل يحاكيكي حكي حلو موبس مشان اهلو لأ لانو هيك سنة الحياة صدقيني بعد اول سنة بتخف الرومانسية وبصير روتين انت حاولي تكوني دمك خفيف وتجاهلي الموضوع شوي وعودي حالك شوي فترة وبترجعو بس مو متل الاول يصير كل مرحلة بالزواج بتعيشيا المسؤلية و وكل فترة طويلة عاتبيه باهماله والمصاري مو دائما وانشالله بيمشي الخال وبصيرو احلى زوجين وانا اسفة طولت عليك بالكتابة بس لاني مارقة بجربتك بس بغير تفاصيل والجمدله هلق صرلي سنين مرتاحة ومبسوطة والله يسعدك
ابنتي العزيزة انت زوجةفاضلةومحترمة عارفةتحافظ عل بيتهاوزوجهاومن حقك الشرعي يكن لك بيت مستقل عن اهل زوجك تعيشي فيه بكل اريحية وبعيد عن المشاكل اطلبي منه واذا رفض وامتنع اشركي اهلك في هذالموضوع لاجل كرامتك كزوجةوام ولكي يعرفوااهله انولك اهل مش مقطوعةمن شجرةيعرفوايجبوا لك حقك وربي يسعدك ويصلح احوالك
والله ياحبيبتي انا عندي نفس المشكلة وانا عندي 3 اولاد وعايشة ابيت لوحدي بس بس يروح زوجي عدهم يوسوسون براسه وهو يعرفهم انهم غيورين ويحبون المشاكل بس يوقولي هذول بيضلوا اهلي وانا اوقات بقوله ليش يحجون عليه كدامك وتجاوبهم ودافع عني وانت تعرف كلشي يحجونة عني كذت ليش متقلهم هذا غلط ميصير تحجون ميقبل يكول لا ماكدر اجاوبهم ذولا اهلي وتاجي راسي وراسج فاعزيزتي المشكلة في ازواجنة يسمعون كلام امهاتهم وخواتهم الله يصبرنة عليهم وعلى المشاكل
بصى يا اختى انا من مصر والنوع دا من المشاكل موجود فى كل بلاد الدنيا وعندنا فى مصر علاجو ان البنت متتجوزش فى بيت اهل زوجها يعنى حاولى انيك تقنعى جوزيك انكو تعزلو من بيت اهلو وتسكونو فى مكان بعيد عن بيت اهل زوجيك وبعدين فين اهليك انتى يوقفو جانبيك يعنى يوقفو حماتيك وبنتها عن حدهم يعنى على راى المثل اللى لى ظهر ما يضربش على بطنو وربنا يوفقيك ويصلح حاليك ويسعديك مع زوجيك وابنيك وينتقم من كل الحموات اللى فى الدنيا كلها