السلام عليكم ورحمة الله و بركاته انا اول مره افضفض مع حد فى مشكلتى لانى محرجه جدا اتكلم فيها مع اهلى يارب الاقى عندكم الحل المناسب انا عندى 33 و جوزى نفس السن كان زميلى فى الجامعه مكنش فى حاجه بينا غير اننا اصدقاء و اتخطبت مرة و فسخت بعدها اتفاجئت بيه بيكلمنى و بيقولى انه بيحبنى من زمان بس مكنش ينفع يقولى كده الا لما يطمن الاول على مستقبله ووظيفه ثابته و كان عايز ارتباطنا يبقى رسمى وافقت مبدئيا انى اقرب منه لان كان فى ضغط كبير عليا فى البيت كنت بشوف باب بيموت كل يوم قصادى بسبب انى اتاخرت فى الجواز انا ساعتها كنت 29 سنه و اختى كانت مخطوبه و على وشك الزواج و كل مايجيلى حد حتى لو مش مناسب يتخانقوا معايا علشان اوافق عليه حسيت انى مش قادره استحمل ضغط اكتر من كده وحسيت انه طوق النجاه بالنسبالى وافقت عليه و ابتدى يكلم اهله عنى بس والده رفض لان مفيش فرق بينا فى السن و هو كان عايز يجوزه واحده اصغر منه ساعتها حسيت انى بضيع و هموت من غيره كنت اتعودت عليه و لما باباه رفضنى حسيت انى بحبه اوى و مش هقدر اعيش منغيره وهو كمان كان بيحبنى اوى و ميقدرش يعيش منغيرى عمل مشاكل كتير اوى مع اهله و سابلهم البيت و كلم قرايبه و اصحاب باباه علشان يقنعوه انه لازم يتجوزنى و اخيرا تمت الخطوبه و من بعدها ابتديت احس بحاجات غريبه زى انى اتسرعت وحسيت انى مش راضيه عن شكل جسمه هو 185 سم و وزنه 77 كجم و لاقيت شعره ابتدى يبقى خفيف قبل الخطوبه مكنتش بحس ان الحاجات دى بتزعجنى بس بعد الخطوبه بقيت احس انى مخنوقه و حاولت المحله و قالى انه هينزل جيم و هيروح لدكتور علشان شعره بس احنا فترة خطوبتنا كانت 10 شهور و مكنش فى وقت انه يعمل ده قبل الجواز و تم الجواز و مفيش اى تغيير فيه بقيت احس انى مخنوقه اوى لدرجة انه لما يرجع من الشغل و افتحله الباب احس انى دايخه و هيغمى عليا طول الليل عياط و طول النهار حسره و خصوصا لانى الحمد لله جميله و كل الناس كانت متوقع انى اتجوز واحد احسن من كده و بقيت اسمع كلام من الناس من تحت لتحت بيخنقنى اكتر لدرجة انى بقيت اتكسف اخرج معاه و اى حد يشوفنا انا كنت مأجله قرار الحمل بس هو دلوقتى قاللى انه عايز ولاد و لازم اخد قرار ومش عارفه اعمل ايه ساعات بيصعب عليا و بقول هو مش ليه ذنب و هو مجبرنيش على حاجه بس برضه مش عارفه اعمل ايه فى نفسى و مش عارفه لو سيبته هو هيعيش ازاى و انا هعمل ايه من بعده مش قادره على الطلاق ولا قادره اغمض عينى و محسش بالحاجات دى يا ريت تفيدونى و تقولولى اعمل ايه جزاكم الله خيرا
انفصلي عنه و اتجوزي تاني احسن
كنت بتحبيه ازاي دا انتي كل اللي همك المناظر الخارجيه والسلام …. والله لو طلقك اكرمله من انه يكمل مع واحده زيك كل همها شكله يبقى عامل ازاي … وكلام ايه اللي بتسمعيه من تحت لتحت دا يا تافهة دا انتي اللي بيتهيقلك الكلام دا و لو دا صحيح ليه مش بتدافعي عنه … انتي مش مؤهله انك تبقي زوجة اصلا …..
طيب احمد ربنا انا بقى مراتى اصغر منى بست سنين وانا اقصر من جوزك ب5 سنتى ووزنى اكبر منه ب 25 كيلو وشعرى ابيض وعندى 30 سنة بصراحة انتى بتستهبلى سيبيه للي تفرح بيه واطلقى
كمان بتفكرى فى الطلاق ومش عايز تخلفى منة …طريقة تفكيرك متبنيش بيت وكلامك مستفز قوووى وواخدة مقلب فى شكلك اساسا …. يارب ابعد عننا الاشكال دى …احنا هنا ف الصعيد لو عندنا حد زيك تنضرب بالنار والطلاق عندنا شىء مش سهل …وانتوا فى مصر كدا عادى !!!!
اخيرا احب اقولك حتى لو اطلقتى مش هتلاقى زية تانى ابدا وهتتعبى طول عمرك واضح ان مشكلتك نفسية ومرتبطة بالماضى من غير توضيح
انتي لو بتحبيه بجد كنتي شوفتيه احلي راجل في الدنيا لكن انتي شايفه نفسك كتيره عليه ومش معقول تكون شكواك انه مش حلو وأصلع ولازم يروح الجيم ماهو كان أدامك من الاول ،لو هو إنسان طيب وخلوق وكريم يبقي احمدي ربنا ،انتي ممكن تأخذي واحد جميل الشكل لكن سيء العشرة ،أستغفري ربنا واطلبي منه الهدايه
اختي ايه الكلام الفارغ والتافه اللي تقوليه عن زوجك بعدكل اللي سواه لاجلك وكلهذا الحب والمشاعروالعواطف وبرضه مش عاجبك اكيد انك بلاوعي ولاضمير ولافي عندك ذرةمن الايمان والرضابالقسمةوالنصيب ومسالة ان شعرزوجك بدايتلاشى ويسقط ده مالوش ذنب في ذلك اطلاقا ودي حالات تكون اماوراثية اوعلاجها بسيط اهم شي في الانسان الاخلاق والدين وقدرةتحمل اعباءالحياة اتقي الله في نفسك وفي زوجك وبلاش الافكارالسودةاللي حتدمرحياتك وتخرب بيتك وعامليه بالمعروف والكلام الطيب الحلو وخليه يهتم بشكله ومظهره وشجعيه على ذلك مش تحطمي شعوره وتقللي من رجولته وتصفه بالكلام التافه الغيرمنطقي تماما وربنايهديك ويصلحك
نفس إحساسي بس أزيد عليكي إنه أكبر مني ب12 سنة ووزنه120وأصلع خالص وعصبي جداوأخلاقه صعبة وسليط اللسان وهو وأهله ظلمة ومفتريين وكان من أهم مميزاته بالنسبة لي انه غني بس خسر كل فلوسه قبل ما اتمتع بيها ما اتمتعش بيها غير اهله بس عايشة ومستحملة علشان عندي اولاد وعلشان عندي امل في ربنا كبير انه يعوضني خير ويصبرني….
تصدقي انه غلطان ان اتزوجك رغم انك في سنه يعني عجوزه عليه
الست يا هانم اللي تبص على شكل الراجل تبقى ست سطحيه وتافهه
ممكن يكون الراجل وسيم جدا لكن سيئ الخلق يضربك ويشتمك ويخونك هل ده كان هيكون مناسب لك اكتر من راجل محب لك حارب الدنيا كلها علشان يتجوزك
احمدي ربنا على النعمه اللي انتي فيها وروحي بوسي ايد جوزك وحطيه فوق راسك
انا احب شخصا اراه اجمل رجل في الدنيا علي الرغم من اني اكثر طولا منه قليلا ويعاني ايضا من قله شعره ولكن انا احبه لكل ما فيه من سمات
اختي هناك من اشكالهم تسحر واخلاقهم تفسد
هذا زوجك تقربي منه حاولي ان تحبيه فهو يحبك واعملي علي تحسين شكله وتذكري قول الله
انا خلقنا الانسان في احسن تقويم
وتذكري ان الرجال لا يمدحون بجمالهم الشكلي وانما بجمالهم الداخلي الذي يقينا هو بزوجك باذن الله
الفراغ و البعد عن الله يعمل اكثر من هيك مع كل احتراماتي مشكلتك تافهة جدا وعيب يلي حكيتيه حب ايه الي انتي حكيتو عنو كلو كذب في كذب اسباب زواجك منو خوفك من العنوسة و الحاح الاهل و كمان رفض ابوه جننك هاد هي اسباب زواجك وبعد كل شي جاية تقولي شكله مش راضية عنه بسبب شوية شعر واقع وتفاهات استغفر الله عصبتيني
احمدى ربنا واذكرى الله وصلى حتلاقى قلبك مرتاح هو ملوش زنب وكفاية انة حارب اهلة عشان يفوز بيكى ومن ناحية شكلة ربنا سبحانة وتعالى هو الى خلقة صدقينى كفاية انة حارب اهلة عشان يتجوزك اديلة الحب والحنان والعطف وعملية كويس ياما ناس شكلهم كويس بس اخلاقهم زفت متبصيش لكدة الا بذكر الله تطمئن القلوب ممكن تغيرى منك مثلا لم يخرج يجيب هدوم اخرجى معاة لبسية على زوقك اختاريلة لبس شيك يبان فية الوقار صدقينى حتندمى لو عملتية وحش ارضى بلى ربنا كتبة ليكى وحاولى تصلحى من شكلة لبسة مظهرة دة طبعا لم تبادلية الحب والحنان والكلمة الطيبة عملية بالمعروف ومتنسيش انة ضحى بحاجات كتير عشانك سمى الله وصلى وفكرى بكلامى وصدقينى ربنا حيكتبلك خير