انا متزوجه من اربع شهور والحمدلله زواجى عن حب المشكله ان ظروف شغل جوزى بيسافر كتير ومش مستقر خالص كل شويه عنده مشروع فى محافظه غير ولفترات مش كبيره ممكن 5 شهور وممكن سنه وممكن شهرين عندنا شقه فى بيت اهله اللى اتزوجت فيها والصدفه كان عنده مشروع فى نفس المحافظه اللى احنا منها وكانت احلى ايام هو دلوقتى نقل مشروع تانى وبقى فى محافظه تانيه خالص والمطلوب منى انى اقعد لوحدى فى البيت وانا مش عارفه اعيش لوحدى نفسيتى تعبت من الوحده واهله فى حالهم اوى مالهومش اى علاقه بيا يعنى طول النهار والليل لوحدى فى الشقه وانا مش قادره على كدا خالص ورافض انى اقعد وقت سفره عند اهلى لانه بينزل ممكن كل اسبوع وكمان بيقولى دا بيت عيله رغم انى مش حاسه بكدا وكمان انا مش هرتاح معاهم حتى لو نزلت انا عندهم من نفسى وحاولت اتقرب منهم طبعهم مش عاجبنى وغير كدا انا نفسى اكون معاه انا حاليا عند اهلى بس مش برضى طبعا لظروف تعبى والمطلوب انى ارجع تانى بعد كام يوم البيت بس مش حاسه باستقرار ولا راحه وانا فى مكان وهو ف مكان تانى ونفسى اعيش معاه وعرضت عليه اننا ناخد شقه مفروشه لو حتى صغيره واكون معاه مكان شغله وبيتنا موجود فى الاجازات بس نكون مع بعض بس هو رافض تماما وعاوزنى اتعود على البيت وانى اعيش لوحدى وانا مش قادره والخلاف بينا بيكبر كل يوم وبداء يعند معايا ويقولى مش نازل اجازه وخليكى عند اهلك وكلامنا قل وانا مش عارفه ارضيه ازاى وارضى نفسى وكمان بقيت شايفه انه قادر يبعد عنى ومش عنده مشكله انه يبقى بيعيد عنى ودى حاجه مزعلانى اوى وبقيت حاسه انى مش فارقه معاه كان نفسى الاقيه متمسك بيا وانه حابب نعيش حياتنا سوى انا دلوقتى مش لاقيه حياه اعيشها يعنى ايه اقعد فى بيت لوحدى استنى اشوفه يوم فى الاسبوع وطبعا تلات تربع الوقت كمان يضيع يادوب اقعد معاه كام ساعه ومش عارفه اعمل ايه معاه واتعامل ازاى وايه حل الموضوع
مشاكل الازواج
عاوزه اعيش مع زوجى
اضيف بتاريخ: Tuesday, January 6th, 2015 في 06:30
كلمات مشاكل وحلول: الحياة الزوجية, زوج, متزوجة
