السلامه عليكم مش عارفه ابدا ازاى المهم انا متزوجه من اكتر من اربع سنين عندى ولد وحاليا حامل زوجى زجل اكثر من رائع من جميع الجوانب بس انا عندى اخت هى اكبر منى ب6سنوات هى تزوجت من حوالى سنه ونص من شخص كويس لاحد كده مفيش مشكله المهم بعد جوازها بكم شهر حملت ولاكن يوم ما عرفت انها حامل قررت انها تتطلق من جوزها او تعيش معاه بس مفيش علاقه حميميه طبعا كانت مفاجئه على الكل طيب ايه السبب قالت اتها اثناء العلاقه بتشعر بالم شديد جدا مبتقدرش تستحمله فخيرت جوزها يا يطلقها او تعيش معاه بدون علاقه وهو يتجوز من واحده تانيه بالمناسبه اختى ست متكامله من كل الوجوه وموظفه وحالتها الماديه بحكم وظيفتها كويسه المهم قالت لجوزها انها هتتكفل بالطفل ونفسها وانها مش عاوزه منه اى حاجه وتفضل على ذمته لاكن هو رفض والمهم اطلقت وتشاء الاقدار ان الجنين يموت فى بطنها بسبب حادث بسيط جدا يعنى حتى هى لم تصاب باى اذى جسمانى بخلاف الكدمات من سعتها واصبحت واحده تانيه وحاولت الانتحار لاكن ربنا سلم ورحنا لدكاتره كتير جدا وهى معندهاش تفكير فى غير انها تخلف باى شكل حتى لو كان على حساب الالم الى بتحس بيه اثناء العلاقه الحميمه المهم جميع الدكاتره قالو ان حالتها مش هتتحسن الا لو خلفت المهم كلمناهم عن حالتها قالو ممكن تحمل عن طريق الحقن حاليا بندور على رجل مناسب فمش لاقيين المهم مفيش حد اتقدم لها مناسب ولو شبه مناسب يعرف مشكلتها يرفض المهم انا اقترحت وبعد تردد كتير جدا على جوزى انه يطلقنى لفتره ويتجوزها لحد ما تحمل وتقعد على ذمته لحد ما تولد وبعدين يطلقها ويردنى انا معرفش انا صح ولا غلط المهم انى سالت فى الازهر قالو انه يجوز مادام لضروره وهى 90%هتوافق او موافقه لكن جوزى هو الى رافض رفضا تام وعنده اسباب هو بيقول اولا حرام ودا بيكون لعب بالدين وانها مش ممكن يفكر انه يتجوزها لانها زى اخته انه مش يقدر يستغنى عنى وعن الولد رغم انى اكدتله انه مش هيبقى فى مشكله من الناحيه دى ولو عاوز الولد يقعد معاك مفيش مشكله وانا موجوده باستمرار ولاكن علاقه مش هيكون فيه يعنى هنكون اخين بدل زوج وزوجه وطبعا هو بيقول ماهى دى مشكله انا مقدرش انى اكون متجوز ومش متجوز لمده مش اقل سنه وانه ازاى يخلف طفل من واحده معرفش اذاء كانت هترجع طبيعيه تانى ولا لا وهاقول لاهلى ازاى الكلام دا واسباب تانى المهم انو رافض رفض تام انا اسفه طولت عليكم بس اقلكم على حاجه اخيره انا مليش اخوات غيرها وبابا متوفى من فتره انا معرفش انا صح ولا غلط كل الى اعرفه ان اختى تقريبا بتموت قدامى ودا الحل الوحيد الى قتدرت عليه ومكذبش لو اختى جرلها حاجه مش هقدر اسامح جوزى طول عمرى لانه كان فى ايده يساعد ورفض ومحدش يفتكر ان الكلام دا سهل بالنسبه ليا انى اتخلى عن جوزى لاى حد حتى اختى ياريت لو كنتم شايفين ان ممكن يكون دا حل مناسب قولولى وانا هطلعه عليه غير مناسب قولولى ليه علشان ميبقاش فى نفسى حاجه ناحيه جوزى فى اى وقت
لاحول ولاقوة الابالله يااختي انت فاهمة الدين بالغلط وايه الكلام الفارغ اللي حضرتك تقوليه دا ان جوزك يطلقك ويروح يتزوج من اختك حتى تحمل ويصير عندها ولد وبعدها يطلق اختك ويرجعك لهذة الدرجة صار الدين لعبة في ايديكم وحسب اهوائكم اولا – لايجوز انه يطلقك لاجل يتزوج من اختك ثانيا – حتى وان تزوجها وطلقها فلايجوز له ان يرجعك حتى تتزوج برجل اخر والرجل الاخر يذوق حليلتك وانت تذوقي حليلته – ثالثا- اذا كان طلقك طلاق باين لارجعة فيه واتقضت العدة فلايحق له الزواج منك حتى تتزوج برجل اخر رابعا – وماادارك انه يطلق اختك بعد مايتزوجهافقد يرفض ان يطلقها او هي تحبه وتخليه يتمسك بها ولايطلقها وتكوني انت الخاسرة لانك خسرت جوزك واولادك انت لو كنت فعلا تحبي اختك هذة فابحثي لها عن زوج اخر يكون ابن حلال صالح وعلى دين وخلق ولامانع يكون مطلق او ارمل ويقدر الحياة الزوجية ويسعد اختك معو ربنا يهديك ويبارك لك في جوزك واولادك ويكرم اختك بالزوج الصالح ان شاء الله
تصدقي ما ناب لي من قراءة مشكلتك الا حرقة الدم اولا حسب كلامك اختك تستاهل اللي حصلها لانها نالت جزاءها لأنها ظلمت جوزها وثانياً انتي اكتر منها ازاي ترضي جوزك يبقي مع واحدة تانية ترضي انتي جوزك يقولك معلش اخويا لازم يخلف هطلقك وتجوزيه سلطة هي بطلي هبل واعقلي
يطيب لي أن أعبر لك عن إعجابي بحمقك وقلة عقلك وسفاهتك، ومع ذلك فلم تترددي في الاستشارة الفقهية فكانت أخيب من عقلك الخربان. تمسكي بزوجه ليرد لك شيئا من العقل.
الاخت الفاضله ده مش حل لكن في كتير نفس المواصفات في رجال بس قليل انا عند عريس علي نفس مواصفاتك بس ليه شرط ؟
الله يكون في عونك يا أختي،، وأحييك على تمسكك بأختك واختيار القرار الصعب ده،،،
ومعليش عالردود اللي بتهاجمك وانتي نيتك طيبة في الأساس ،،،
بس عايز أقلك ما ينفعش اللي عاوزاه مع زوجك،،، في حلول تانية احنا يمكن نعملها،،،
مثلا حاولي تتواصلو مع زوجها الأول واشرحي له اللي صار لامراته،، وحاولو معاه يرجعها حتى لو تتنازل عن بعض الحاجات زي النفقة والمبيت، أو حاولو تشوفو لها عريس وصدقيني حا تلاقي،،،
روحي انتي وهي العمرة وادعو ربنا عند الكعبة يفرجها معاكم، صدقيني حا تلاقو حل،،
واقفلي موضوع انو زوجك يتزوجها نهائيا واعتذري له وقولي له انه كان تفكير خاطئ منك،،
اتخيلي طلقك بالثلاث وتزوج اختك وطلقها كيف حايرجعلك لازم تتزوجي راجل تاني،،أو مثلا اتخيلي توافق هو وأختك وحبو بعض وقالك أنا مش حاطلقها أبد،،،
وحتى ما تنسيش صورتكم في المجتمع اللي حواليكم حتبقو كلام للناس،،،
وأخيرا أختك لما تكون قريبة من ربنا حاتروح عنها المشاكل واللي حاسة فيه..
دعواتي لكم
اختي الفاضلة السلام عليكم ورحمةالله وبركاته قرات مشكلةاختك وماتعرضت له في حياتها وتالمت لمااصابها ودي مقاديرالله على عباده ولااعتراض لاحد عليها ولازم نومن ونرضى بماقدره الله علينافي هالحياة من خير اوشر ونسلم به ونرضى به لنكون من عبادالله الصابرين الصالحين الذين وصفهم الله بانهم من عباده المتقين الابرار الذين يفوزون بجنات عرضهاكعرض السموات والارض اعدت للمتقين الصابرين واختك نشاءالله منهم ان رضت وامنت بقضاءالله وقدره عليهافي حياتها ولم تجزع ولم تعترض على كل مااصابها في فشل حياتها الزوجية وطلاقهامن زوجها وموت ابنها وعليك افهامها بذلك وترغيبهافي الصبروالاحتساب ذلك عندالله عزوجل وربنا بيكرمها بكل الخير ويخفف عنهاماهي فيه من العناءوالتعب وزوجك معه كل الحق في عرضك عليه ان يطلقك وانت ام اولاده ويتزوج بااختك هذة اشفاقامنك بحالها وتريدي اسعادها والتخفيف عنها ولكن الطريقة غلطة وفيه اضراربك وبزوجك وهدم وخراب لبيتك وحياتك الزوجية مافكرتي بعواقب تلك الزيجة وماينتج عنها من مخاطر وامورلاتحمدعقباها عليكم جميعا فهي من الفتن العظيمة التى تصيب الناس في هالزمان من تفشى الفجوروالانحلال والاسفاف وحرمان الابناءوالبنات من الحقوق والواجبات فااولادك محارم لبنات اختك من زوجك والعكس فهم اخوة ولكن غير اشقاء ولايجوز لابنك اوبنتك الزواج من ابنةاوابن اختك من زوجك السابق كذلك انت لايحق له ارجاعك الابعدان تتزوج من رجلا اخر وتذوقي حليلته ويذوق حليلتك هذا شرع الله ولااحد يتعدى حدودالله اويتلاعب بالدين لاجل مصالح خاصة اويستهزى به ابدا فاتقي الله في كل اقوالك وافعالك واحفظي عليك زوجك ابواوولادك واختك ربنااحن عليهامنك ومن كل البشر بيكرمها ويوفقها باابن الحلال اللي يرضى بظروفها ويتزوجها وتنحل كل مشاكلها صدقينى اختك بخير ومحتاجة للزواج فورا حتى تنسى كل ماحصل لها من زوجها الاول واكثري لهامن الدعاءالصالح ورغبوهافي التقرب من الله اكثر من اي وقت والاهتمام بالصلاةوقراءةالقران والصيام فيهم الخيروالصلاح والفرج لهافي كل شوون حياتها وربي يكرمهاويسترعليهاويعوضهاكل الخير
المشكلة كانت صغيرة جداً لكن للأسف أنتم الذين أوصلتم الأمور إلي ما وصلت إليه ، لأن في كل مرة يتم التعامل مع المشكلة بشكل خطأ يتسبب في تعقيد الأمور عبن ذي قبل ، يعني بإختصار بتحلوا المشكلة بمشكلة أكبر ، وهذه الفكرة التي تريدين من زوجك تنفيذها هي الطامة الكبرى
هل أنت لاتعلم أن ممكن يكون الزوج الأول طرقة ممارسة مؤلم …ومع زوجك مايكون الم وتقديم للاختك زوج جيد بدون عناء
وتحب وكذالك هو وينساكي…..
أما بنسب للاختك هي ما تحس أنها تحتاج لزوج في حقيق مو الم سبب الطلاق بل تسلط. …لاكن إحساس أموم هزم امرأة العاملة التي لاتحتاج زوج في حياته
بس تحتاج ابن لازم انها تتزوج عن قناع انها تحتاج نصف تاني موبس لتقول انا متزوج ……
الحل ان تتغير لان احسساس مراءة بالانوث هو سعادتها الحقيقيةا
◘◘◘ بسم الله الرحمن الرحيم :
♦ أحْمَدُ الله َ تعالى أن هداكِ للحقِ و إلى طريقه المستقيم .
♦ أشكرُ لزوجِكِ رجاحةَ عقلهِ و حكمَتَه.
♦ لعلَ الله تعالى يُخْلِفُ لأختكِ خيرا مِن زوجها و زوجِك – إنه عليمٌ بذات الصدور .
◘◘◘ و الله أعلم ◘◘◘
اولا اشكركم جميعا على ارئكم القيمه بس احب اوضح كم حاجه اولا انا اقترحت على جوزى هو رفض وكانت اسبابه انه الجواز دا جواز شبيه بجواز المتعه وحرام وانه مش يقدر يبعد عنى ولا عن ابنه وكمان انه مش يقدر يواجه المجتمع وانها بالظبط زى اخته اضافه الى انه لو حصل يبقى بيظلم طفل لانها ممكن مش ترجع طبيعيه زى الاول دى كانت وجهه نظر زوجى مبدئيا انا بحب جوزى جدا جدا جدا ومش متخيله انى ابعد عنه ولا ساعه وفى نفس الوقت بحب اختى كمان ومش قادره اشوفها كده فكنت بحاول اساعداختى ولو كان دا على حساب مستقبلى وبيتى وكمان انا ماليش حد فى الدنيا بعد ربنا عز وجل غير اختى ثم اختى وبعدين زوجى وابنى حد هيقلى بتفضلى اختك على زوجك اقوله الاتنين عندى واحدولاكن اختى تعتبر هى الى تكفلت بتعليمى وجهازى وهى القدوه لانها فعلا تستحق كده ورفضت الجواز قبل ما اكمل دراستى وتكمل جهازى علشان كانت خايفه انها اذاء اتجوزت ممكن الظروف مش تساعدها يعنى تقريبا هى ضحت علشانى عموما انا سالت عالم دين وقالى انه لا يجوز ووضحلى الاسباب وبشكركم جميعا على حرصكم على توجه النصيحه المخلصه لوجه الله
ياجماعه كفايه عليها كده هي اكيد استوت من كتر العتاب وعرفت غلطتها الفظيعه بمجرد التفكير في الفكره دي اصلا ياريت صحبة المشكله تكتب حاجه تقول هي وصلت لايه دلوقتي وياريت يكون ربنا الهمها بفكره احسن من كده وربنا معاها
بجد انا مش مصدقة ان فى تفكير بالطريقة دى واكتر حد انتى ظلمه هو زوجك انا عمرى ماشوفت واحده تقول لجوزها طلقنى واتجوز وعاشر وبعدين ارجعلى تانى ادعى لاختك ان ربنا يشفيها وليه ماتقوليش ان ده عقاب من ربنا ليها علشان هى حرمت جوزها من حقوقه الشرعية فيها واخيترته بين الزواج مع ايقاف التنفيذ وبين الطلاق ربنا يشفيها مع حد تانى وحراااااااااااااام عليكى جوزك
من ترك امرا لله عوضه الله بما هو خير منه اتقى الله انت واختك وان شاء الله سوف يرزقها الله بالرجل المناسب الذى تحبه وتعشقه وساعتها سيكون الاتصال بينهما على أروع ما يكون ولا داعى في الدخول في إيضاح كلامى بأكثر مما قلت وابشرى انت واختك بالخير وحافظى على زوجك لانك ستخسريه حتما وستخسرى اختك وستكرهيهما جميعا ومن قبل ستكرهى نفسك وشكرا لجميع من ساهموا بآرائهم
ابعتي لي اياها .. وأنا بقوم بالواجب .. وأنت خليك مع زوجك وأولادك !! وأوعدك أني أكون معاها حنون جدا .. ولو حبت أنبوب مفيش مشكلة !!!
حاضرين نحن . . بس تكون حلوة شوية ومش تخينة أوي .. يا ريت!
ما يتعلق بهذه الافكار والمواضيع تقريبا ان احنا مبقناش بشر دي مش افكار بشر لا مسلم ولا مسيحي ولا اي مله شرعت ترضر بالكلام ده ياناس انا في حاله ذهول وفجأه من ما حدث في حال الدنيا احنا بنحرم ما احله الله ببساطه ونحلل ما حرمه ببجاحه اللهم لا اسأللك ردالقضاء يارب ارحمنا ولا تسلط علينا انفسنا ان النفس اماره بالسوء الا ما رحم ربي اللهم عديها ايام غريبه جدا
اختك ممكن تتعالج مفيش داء من غير دوا ده اولا ثانيا انتو بتتحكو علي مين علي ربنا تفككو الاثر وتجمعو وتربطو وتقطعو وترجعو تجمعو تاني لالالالالا انتو اكيد بتهزرو ياجماعه انا مقصدش سخريه ابدا بس عندي ذهول انا متزوجه ومخلفتش وعمري مهخلف وقاعده مع زوجي والحمد لله لا يوم فكرنا نطلق ولا حتي يجوز عليا والبرغم العيب مش من عندي برده عايشه ممتش ولا حاجه انتو تودوها عند دكتور نسا شاطر وبعدين تودوها عند دكتور نفساني هتبقا كويسه وبعدين تتجوز اي راجل مشمهم مستواه المهم يعرف ربنا وهتكون كويسه ان شاء الله وبعدين مين قلك انها لو اجوزت هتخلف اصلا وحقن مجهري ومشاكل هي ممكن تتبني طفل يعني تكفل طفل يتيم او مسكين ويفضل معاها علي طول اضمن دنيا واخره وصدقيني الشيطان هو اللي دللك علي الفكره الفظيعه دي ربنا معاكو يوفققو الي مافيه خير
جوزك بيفكر صح حافظى عليه وشيلى الفكره الغبيه من دماغك تعملى ايه لو اجوز اختك ومحبش يطلقها فكره غبيه من كل النواحى حاولى تساعديها من ناحيه اخرى زوجيها لاح الاقارب
او رجعيها لجوزها
انا مش هقول اكتر من اللي قالوه الناس هنا وردو عليكي بيه انو الامر ده مش تمام
انا هقول حاجه مختلفه
افرض افرض ان من الناحيها الشرعيه يجوز وطلقك واتجوزها
وبعدين مات ؟
هتعملي ايه انتي ؟
انتي بتعملي مشكله في حياتك بدون سبب
ربنا مقدر لاختك قدر في الغيب انتي مالك
تخربي حياتك علشان تساعديها
عزرااا فلو ده حصل ونا معرفش حكم الشرع
يبقا انتي غبيه علشان بيتك هيخرب بعدها
اقتراحك غبي و سيئ جداً .مع احترامي لك. ..
لا يجوز أصلا للرجل الجمع بين أختين … حرام شرعا … فهو لا يستطيع أن يتجوز اختك الا بعد وفاتك لقدر لله …
فية حاجة مهمة انت مش واخدة باللك منها انزوجك لازم يطلقك طلاق بائن علشان اختك تحل لة و بكدة علشان ترجعي لة اعتقدو الله اعلم انك لازم تتزوجك راجل غيرة و اذا طلقك لامامانع ان ترجعي للاول
و تاكدي ان اختك حتكون امكتر اثارة لزوجك منك حتى لو انت احلى منها لأن اتعود علكيي خلاص انما اختك لسة
اغلقي باب شر كبير ينتظر و ينتظر اسرتك
اتحدي لو مكاكنش جوزك دلوقت بيفكر جنسيا في اختك و بسببك
اختك انسانة غير سوية لم تتاقلم على فطرة ربنا اللي هية الزواج انت و زوجك و ابنك ذنبكم اية
لو حصل الموضوع دة بكرة انتي اللي حتنتحري مش اختك
اتق الله في نفسكو في زوجك و في ابنك
اما عن اختك ادعو لها بالهداية و الشفاء وأن يلطف الله بها
استغفري ربنا
و بكرة ربنا يكرم اختك بالزوج الله الصالح
حاولي تقوللي لزوجك انك كنتي بتختبرة لأنك كدة اعطيت الضوء الاخضر لة في معرفة اي ست اخري غيرك سواء اختك او غيرها سواء بزواج أو ….. طالما انت متقبلة الفكرة
اطردي الشيطان اللي عاوز يهدم البيت و الاسرة دة و اتق الله اتق الله اتق الله
حسسبي الله ونعم الوكيل في اللي افتي بام الموضوع دة حلال
حسبي الله ونعم الوكيل أنت انسانة مش طبيعية
من رايي لا تتسرعي في قرار تندمي عليه طول عمرك وبلاش السكه دي عشان انتي اللي هتبقي تعبانه طول عمرك
شوفي يااختي من ناحيةالشرع لايجوز هالزواج لانه زواج مصلحة وفيه اضراركبير لك وللاولاد واللي اجاز لكم هالزواج لايفقه في الدين وجاهل لاشك ومسالة شفاءاختك من حالتها زوجوها شخص اخر الدنياماعدمت من الرجالة فيه ناس يرغبون في الزواج وربناهيكرمهامن واسع فضله ويبارك لك في زوجك واولادك ويعطي كل سائلا مسالته في هالحياة
يا اختي هذا مو حل لمشكلتك تخيلي عجباتوا اختك وخاصة اذا كانت جميلة ولها جسم مثير شو راح تساوي تخيلي لاقا عندها المتعة اكثر منك مو تكوني خربتي بيتك بايدك يا اختي شو ميشان جوزها ليه ما بيتجوزها بس توعدوا بانها تكمل معاه ما بتتركوا بنص الطريق زي قبل انا بشوف انو هذا هو الحل المناسب لمشكلتك يا حبيباتي وانا نقدر عملك لاختك بس واذا جاءت في مكانك ماراح تساويها ما راح تحطم حياتها مشانك اسفة ولكنني دائما بقول الحقيقة
◘◘◘ بسم الله الرحمن الرحيم
♦ أولا :
♥ ليه اتطلقت من جوزها ؟ مش لأن المعاشرة الجنسية بتألمها ؟!! و لّا لأنه عنيف معاها ؟
– لو المعاشرة بتألمها لأي سبب ( ضيق في الحوض – التهاب المهبل …إلخ ) ،يبقى الفكرة العامة عندها مش مقبولة لأي راجل .
– لو جوزها كان عنيف و كرهت بسببه الجنس ، يبقى إيه الحال لو جوزك إنتي بقى كان حنين و عجبها ، و نسيت معاه الألم و الدنيا احلوت في عينيها ؟!!!
♦ ثانيا :
1 – تفكيرك ده في حد ذاته كراهية لأختك و جوزك و لنفسك و لابنك .. ليه بقى !!! علشان :
☺ بتقطعي الرحم اللي بينك و بينها ، لأنها ممكن تحلو في عينه و يشوفها أجمل منك و جايز هي كده فعلا .. و بالتالي هتتنافسي إنتي و هي على راجل واحد .
☺ هل فكرتي في ابنك و حياته المستقرة اللي هيخسرها لما يشوف أبوه مع خالته ؟ تفتكري مش هيكرههم الاتنين و يتعقد في حياته، خصوصا لما تبعدي عنهم ؟
☺ فكرتي في جوزك ؟ يعمل إيه لو كان بيحبك إنتي ؟ و إيه ذنبه إنك تكرَّهيه فيكي و هوه مش عايز غيرك ؟ فيه واحدة عاقلة جوزها بيعشقها و مخلص لها و هي تقول له : لو سمحت خوني مع أختي ؟ و الله لو حتى اتجوزها برغبتك ، هيبقوا خاينين في نظرك .
2 – ليه ما تحاوليش ترجعيها لجوزها أو تشوفيلها راجل كويس تتجوزه ، و لا جوزك هوه اللي هيعجبها يعني ؟
♦ ثالثا :
– تفكيرك ده من تلبيس و تضليل الشيطان لكي ، لأنك ببساطة شديدة مش هتشوفي أختك طول ما هي متجوزاه ، و الغيرة هتدب في قلبك و الشوق هيقتلك و إنتي بتتخيليه في حضنها . و جايز هوه كمان ما يرتاحش معاها .. و تحاولوا تتواصلوا مع بعض من وراها ..( لعبة الشيطان : يجامعكم اتنوا الاتنين في مدة جوازه منها ) يعني الشيطان هيوصلكوا للحرام بعد ما خلّاكم بإيديكم تبعدوا عن الحلال .
♦ رابعا :
– احنا مش آلات و لا حيوانات ؛ بنمشي مع ده شوية و ده شوية .. إحنا بشر ..بنعشق و نشتهي و لنا رغبات و أهواء .. و ما بنقدرش ننسى حبايبنا أبدا .إزاي هتنسيه ؟ و إزاي هي هتنساه لما يطلقها ؟ مش دي قسوة منك على أختك برضه و قتل لها بالبطيء ؟!!!!
♦ خامسا :
– من شروط الزواج : التأبيد و الدوام ، مش التأقيت و تحديد المدة .. و إلا بقى نعتبر زواج المحلل صحيح شرعا ، و إنتي عارفة إنه باطل و حرام .
– أمور الدين لايستهان بها و لو بحُسن النوايا .. ( و يدعو الإنسان بالشر دعاءه بالخير ..” .. و يمكنك إرسال مشكلتك دي لدار الإفتاء علشان تفهمي الكارثة الكبيرة دي بشكل أكثر منطقية و شرعية .
♦♦♦ إحنا أحيانا بنقتل حبايبنا و نعذبهم و إحنا بيتهيأ لنا إننا بنعطف عليهم و نرحمهم ، زي الأم اللي بتسمم ولادها علشان ما يتألموش من الوجع ، و هي بتقتلهم و بتقتل نفسها معاهم .
♠ استغفري الله و فكري من جديد ( آباؤكم و أبناؤكم لا تدرون أيهم أقرب لكم نفعا ..) .ده مع الآباء و الأبناء ، فما بالك بالأخوة و الأخوات !!!!
♠ ربنا يرشدك إلى صراطه المستقيم .
◘◘◘ و الله أعلم ◘◘◘
حرام عليكى كدا … كل شىء قسمة ونصيب… وربنا قادر يخرج أختك من الى هى فيه… ما تدمريش بيتك وأبنك.. حافظى على جوزك وأعتذريله قوليله انه أغلى واحد عندك هو وأبنك… ربنا يهديكى
حطي نفسك مكانه و انه هو دخل عليكي في يوم و قالك ان لازم تتجوزي اخويا او صاحبي لان مراته ماتت و هي حامل و هو كان كاره الجنس معاها اصلا بس كان مستني لما ابنه يتولد عشان ياخده و انك لغاية ما تخلفي منه و بعدين تتطلقي و تعيشوا كلكم في سعادة و لو معملتيش كدة هو مش هيسامحك و هيطلقك او هيكرهك
هيكون رد فعلك ايه بقي ، و هل من حق حد يقولك حاجة زي دي اصلا حتي لو كان جوزك و حبيبك ؟؟؟
عفوا أنتي مش طبيعيه فيه واحده في الدنيا تتطلق من جوزها عشان تجوزه أختها أفرض أن أختك عجبته أيه اللي يجبره أنه يطلقها ويرجعلك وتكوني دمرتي بيتك وعلى فكره الجواز اللي بيتحدد فيه الطلاق حسب ماسمعت بيكون باطل
أختك ملكيش دعوه بيها دي قله أيمان منها ربنا يرزقها بالزوج الصالح اللي تخلف منه
حضرتك غلطانه اولا جوز سعاتك بيتكلم صح الكلام دا غير مقبول دينيا واجتماعيا ونفسيامن جانبه على الاقل لو مش كان حرام تحسى انه فيه حاجه شاذه دا رقم واحد طيب اقلك على حاجه جدالا الكلام دا حصل واتجوزو وبعد فتره اخدو على بعض والحواجز انزاحت من بينهم وحابو يمارسو حياتهم بشكل طبيعى واتضح ان اخت حضرتك الى كان بيحصلها اثناء العلاقه مع جوزها الاول عارض لاى سبب وراح وانتى بتقولى اختك ست كويسه مينقصهاش حاجه وجوز سعاتك رفض يطلقها لان شاف فيها مميزات مش عندك هتعملى ايه هتبقى خسرتى جوزك واختك للابد فكرى فى حل تانى (وبصراحه يا بخت اختك بيكى )
يا اختى انا شايف انك بتتصرفي بمنتهى الانانية و بتتعملى مع جوزك كانه مجرد ماكينة تفريخ.. يا سيدتى كيف تطلبي من رجل ان يطلقك ليتجوز اختك؟؟ هل هذا الانسان بدون مشاعر؟؟ ماذا تفعلى لو حدث بنهم تجاذب و استمرت الزيجة و تكونى انتى السبب؟؟ من تلومى اذا؟؟
انا لن افتى بالحلال و الحرام و لكن ما تطلبه من زوجك طلب غير سوى… لا تبحثي عن سعادة اختك على حساب تعاسة زوجك و ابنك… الحل فى راي ان تكفل اختك يتيم فتشبع حاسة الامومة و تاخذ ثواب تربيته
لا يجب اجبار زوجك على ذلك , و بالنسبة لاختك كلمي خطابة علشان تشوف زوج مناسب لها .
ياسيدتى انى اتجوزه وانى جاد جدا واحل لكى مشكلتك انى صادق وجاد
هذا الفعل حرام من أفتى لكي بذلك فهو أثم أشد الاثم لا يجوز مطلقا الزواج بمدة زمنية معينة هذا أشبه بزواج متعة وقد حرمه الرسول صلى الله عليه وسلم تحريم مطلقا وأرجو من الله أن يهدي أختك ويرزقها زوجا صالحا ويرزقها الذرية الصالحة
ياأختي,فكرة اجبار زوجك علي هذاالموضوع مش صح طبعا.
ممكن تعرضي الامر علي مكاتب الزواج وان شاء الله
هتلاقي الانسان المناسب. وكلة بامر الله.
عزيزتي،اقدر محبتك لشقيقتك لكن لا يمكنك إجبار زوجك على أمر إلا يريده،يمكنه أن يلقحها اصطناعيا اذا اراد.طبعا بعد سوأل الشرع و الدين