انا مغتربة من الامارات ماساتي كبيرة لاني وقفت مع زوجي كتير وساعدته كتير لحد الان بساعده بشتغل وبعطيه كل راتبي وووقف على رجله وبني بيت جميل واهله هم اللي مرتاحين فيه ومستمتعين بيه بالرغم انه من شقايا السنين اللي فاتت وبيقسوه عليه وعايزينه يتجوز عليه مع اني وشي حلو عليه وخلف مني ماشا الله ولد وبنتين وباعترافه وشي حلو عليه بس اهمال مفيش بعد كده وانا دلوقتي بعيد عن بيتي وقاعده عند قريبتي بقالي اسبوع وتعبانة اوي بعيد عن عيالي وكل ما اكلمهم فيالتلفون يبكو ويقولو تعالي ياماما بقا
وهو ولا سال فيه ولا عبرني انا مش غالية عليه لو غالية عليه مكانش يضربني ولا يهني ولا يشتمني باهلي الله يرحمهم وعلى اقل مشكلة ضرب وقدام الاولاد وهم لسة صغيرين حتى هيبتي قدام ولادي ضاعت
لما حد فيهم يغلط واعاقبه يقولي هنقول لبابا يضربك انا نفسي اروح البيت بس هو هيعايرني اني رجعت بنفسي ويقول عليه رخيصة لانها حصلت قبل كده بس انا عايزه ارجع بس عشان ولادي لانهم لسة صغيرين وعايزين اهتمام كلهم اقل من 6 سنوات انا لا بعرف اكل ولا نام ولا اشرب ولا حتى اشتغل
ياريت اخواني واخواتي يفيدوني في حل مشكلتي دي
