انا متزوجة من سنة ونصف زواج تقليدي جدا زوجي عنده عيوب كتير في طباعه زي انه مش بيشيل اي مسئوليه في امور الحياه نهائي وحتي معندوش مسئوليه انه يتحاور معايا لغة الحوار معدومة بحاول كتير اتناقش معاه يهرب بعي حاجة من الكلام ودايما يهيف كلامي بصراحة مش مرتاحة في اي حاجة ودايما هو علي حق ولو اتكلمت في ابسط حقوقي ابقي غلطانه انا شايلة مسئوليه كل حاجة حتي الماديات لان هو عنده مشكله في موضوع الشغل وانا موظفه بس هو مش بيسعي ولا بيدور ولو شغل اتعرض عليه يهربمنه باي حجة كل ده مكنش فرق معايا لو كان حتي بيتعامل كويس كل الناس اللي حواليا بتقولي ان دي طيبه بس انا شيفاها غير كده ومع كل ده كنت برده راضية وعندي امل انه يتغير بس حصل الفترة الاخيرة حاجة غريبه ايام ما كنت مخطوبه كان فيه حد بيوصلني انا وزمايلي الشغل كان عرض عليا الارتباط وقتها رفضت مكنتش شايفاه مناسب كنت اولا مخطوبة وبعدين كان قدي في السن ولسه مخلصش الكليه المهم يعني اني رفضته بكل زوق وفهمته اني بحب خطيبي هو احترم كلامي انا كنت بعزه اوي المهم بقي في الفترة الاخيرة اهتمامه زاد اوي بس بيجاول يداري الغريب بقي اني انا بتشدله اوي وحاسة انه مسيطر علي كل تفكيري شايفه فيه الشخصية اللي بتمناها حاسه اني رجعت طفله مبسوطة جدا عشان اهتمامه بيا بفكر فيه طول الوقت حاسة اني في صراع دائم تعبانه جدا طولت عليكم افيدوني افادكم اللله ليه وصلت لكدة اعمل ايه
الاجابة هوماقال الاخ -الفهد الاسود – جزاه الله كل الخير على ماقاله لصاحبةالمشكلة هذاهوالراي الصواب والحكيم اللي مفروض تعمل به والله يصلح حالها ويوفقها ويسعدها في حياتها الزوجية
اختي ليه ماتخلق انت الحوار مع زوجك وتكوني انت المبادرة الى هذا ليس عيب اونقصا في قدرك لكن ده هوالتصرف الحكيم من المراة العاقلة والحريصة على حياتها الزوجية وعلى سعادتها مع زوجها وخصوصا وانتما في بداية حياتكم الزوجية سنة ونصف لكم من وانتم متزوجان صدقينى زوجك يحبك ومحتاج منك الرعاية والاهتمام وعدم العصبية اوالزعل اوالتشاجر بينكم اخلقي الاجواء الحميمة بينكم بالحب والتفاهم والمودة واثارةواغراء الزوجةلزوجها مطلوب كل حين وليس عند المعاشرة الجنسية والجماع خليك دائم متزينة للزوج في لباسك ومكياجك وتسريحة شعرك وفي بيتك وترتيبه وتنظيفه وفي كل شي يخص حياتكم الزوجية اعرفي كيف يفكر زوجك وماذا يحب وماذا يكره واعمل بما يقربك منه ويزيد في قوة اواصر المحبة والالفة بينكما لا تكثري من الالحاح عليه في الطلبات او تكثري من الكلام عن اهلك اواختك اوصديقتك ايش عاملة في حياتها اوايش زوجها جاب لها اوماشابه ذلك ايضا اختاري الاوقات المناسبة للتكلم معه وحاولي امتصاص غضبه وزعله بالكلام الجميل الرومنسي وبانوثتك الطاغية وسحر اثارتك تصلين الى كل حاجتك من زوجك دون عناء اومشقة وتشعري بالسعادة وراحة البال معه ومسالة انك تحسي بالاستناس الى الشاب الللي كنت تعرفيه فدي خيانة احذري منها ومن الوقوع فيها واياكي والتساهل معه حتى لاتقعي في الفاحشة والمحرمات صوني شرفك وكرامتك واخلاقك وتربية الاهل لك عن هذي التصرفات الغيراخلاقية والمحرمة والله يهديك ويصلح حالك مع زوجك ويوفقكم ويسعدكم في حياتكم الزوجية
على فكرة الرجال زي الاطفال بالظبط سهل جدا ان تحتويهم ولكن بضعفك كأنثى مش بالعند والمكابرة حسسيه ان هو صح ساعات الراجل بيعاند عشان يشوف رد فعلك وضحي له انه كل حاجة هتكوني له كلكة . كوني له ارضا يكن لكي سماءا . كوني له امة يكن لكي عبدا. وبالنسبة للراجل التاني دا هو شخص يصطاد في المياه العكرة وفعلا لن يحترمك ابدا لو تجاوبتي معه ولن يتزوجك ولو حصل لن يثق ولن يأمن لكي ابدا
صباح الخير
بصي انا تقريبا وضعي زييك بس انا لسه ماسكه نفسي ومش بفكر اكلم حد غيره
زوجي سلبي جدا ولغة الحوار عنده مفقوده ولو فتحت معاه نقاش بيكابر وبالاخير انا الي غلطانه و زنانه ونكديه
مع العلم انه هو خاين مرتين و الموضوع واضح ورغم كده مابيعترفش بغلطته و بينهي الحوار بطريقه مستفزه جدا
انتي معذوره لانك حاسه بالاهمال والبرود والشخص الي بتكلميه اكيد بيحاول يظهر بصوره رائعه علشان توصلي للمرحله الي
انتي فيها دلوئت الي هي الندم طبعا وتلومي نفسك ليه ماخترتيش واخترتي جوزك الحالي
المهم بالموضوع مش هئولك اتسبيه عشان الخيانه وحشه ولو اكتشف خيانتك هيتخرب بيتك
بس بئولك لو سبتي جوزك هل الشخص ده هيتجوزك ؟؟
طبعا لا ولو اتجوزك هيوثق فيكي ؟؟؟ اكيييييد لا فالعلاقه مالهاش اي مستقبل الا لو انتي تقدري
تعتبريه مجرد صديق ومتتأمليش انك تكوني مراته في يوم من الايام
امسحي الشات اول بأول و غيري باسوورداتك باستمرار
ماتنسيش ان جوزك متفرغ .. ويطلع منه كتير
بس الي انا خايفه منه برضو ان لو جوزك عارف حكايتك مع الاولاني ويكون هو الي بيشاغلك !!
ياأختي استعيني بالله وجاهدي نفسك والشيطان وأنوي نيه صادقه في انك تبعدي عن الشاب وتحاولي تصلحي حياتك مع جوزك وربنا هيساعدك ويقف جنبك بأذن الله
متشكرة علي الرد بس انا والله قبل كده بعمل كل ده دلع وحنيه وهو المشكله بحس انه معندوش استجابه لدرجة اني خلاص حاسه اني طاقتي خلصت اه اكيد انا عندي عيوب وبالنسبه للشابده انا تعبانه بسببه مش متعودة علي كده لحد اني مش بحب ابص لزوجي بحس اني بظلمه تعبانه وللله تعبانه المشكله اني متغيره معاه في حاجات كتير بيننا هو حتي مش بيهتم يسأل ايه اللي مغيرني
طب مفكرتيش ايه هيا عيوبك اللي بتخليه ميسمعش كلامك انتي تقدري بشويه حنيه ودلع تخليه يعمل اللي انتي عايزاه مش لما يصرخ عليكي تتنرفزي عليه عمره ماهيسمعك بالطريقه دي
اما بالنسبه للشاب اللي بتحسي بمشاعر ناحيته فده لأنك مفتقده الأهتمام من جوزك عشان كده بتتشدي للشاب اللي بيحسسك بأنوثتك وعلى فكره انتي مبتحبيهوش ولا حاجه دي بس حاله مؤقته بتدوري على الأهتمام من بره انما مشاعرك الحقيقيه بجد ناحيه جوزك ياريت تخزي الشيطان وحاولي تصلحي علاقتك مع جوزك هتفرج بأذن الله