انا متزوج عن حب وفي بيني وبين مراتي مؤخرا مشاكل كتير وانا كنت بثق فيها وكاتب الشقه باسمها اتجوزنا من غير شقه ولما جبتها لثقتي فيها كتبتها باسمها … حاولنا نتخطى المشاكل ونحل ما بينا وبتدخل من خالها لانه شخصيه مؤثرة عليها ..اخر حاجه طالبها مني مصاريف دراسة الاطفال عندي طفلين في رياض الاطفال سنه اولى وسنه تانية كي جي يعني لسه هنقدملهم انا مسافر وببعت المصاريف ليها هيا تصرف بلغتني ان المصاريف مبلغ معين سالت على المدرسة من خلال التلفون لاقيتها مزودة في المصاريف لكل طفل حوالي 2500 جنيه مش عارف ليه هيا بتعمل معايا كده وبتاخد من ورايا فلوس وبتكدب عليا ليه كده وايه رايكم اتصرف معاها ازاي مع العلم ان انا اباعتلها المبلغ اللي فات للطفل الاول السنة اللي فاتت زي ما طلبت واللي خليني شك انها كانت واخده المبلغ وعليه مبلغ تاني للباص للمدرسه اما السنه دي خدت نفس المبلغ وقالتلي شامل الباص ده شككني وخلاني اسال مش عارف اتصرف ازاي
انا من وجهت نظري انها عايزه تعمل معاك مشكله عشان تطلقها وتسبلاها الشقه
اولا تطمنها وتنزل وتجيب ليها هدية حلوه وتعيشها دور العاشق وبراحه تمضيها ع توكيل بيع الشقه وتطمن شقتك
ثانيا بيع الشقه واشتري شقه ثانيه وانقل انت والاولاد
ثالثا عرقا غلطها واوهمها انك هتتجوز عليها واحرق دمها وقلها تشتغل وارملها الاولاد شهر كده
عرفها قيمة النعمه مش بعيد تكون بتخونك وخابفه انك بتكون بتخونها وممكن تتخوز عليها دي مريضة نفسيا
اولا الغربه تمنها في اغلب الحالات اما انحراف الاطفال او اانحراف الزوجه لغيار الاب رب الاسره
ثانيا مشكلت الستات لو مسكو فلوس وحسو انهم يملكون كل شيئ يتمردو علي اي حد
كنت الاولي تبعت مصاريف البيت ومصاريف اولادك علي اي حد من اخواتك او ابوك حد راجل يعني هوا يباشر الموضوع ده
انصحك انك تنزل وتشوف مشكلتك دي علشان لو فضلت كده هتخسر مراتك واولادك وشقتك واخيرا نفسك
قولها ليش بتكذبين علي اسالها وتفاهم معها يمكن في مشكلة وانته مش داري عنها
بص اغلبية المسافرين كده انت ما عليك غير انك تبعت فلوس وبس وطول مانت متغرب بعيد عنهم الحب هيقل وهتصبح بالنسبالهم بنك حتى ولادك لما يكبروا فى حضن امهم هتبقى بالنسبالهم بنك حتى اجازتك اللى هتنزلها شهرين معاهم هيبقوا مخنوقين منك لانك هتحاول تعدل اوضاع كتير غلط وهما مش متعودين على ده انت بالنسبالهم مجرد بنك الحل انك ياتاخدهم معاك ياتنزل تعمل مشروع وتقعد وسطهم انما الغربه بتقسى الزوجه والاولاد على اللى غايب صحيح مش كل الناس كده بس ده الاغلبيه لازم تبقى وسطهم عشان مترجعش تندم بعد كده
كل الستات كده متحطتش في دماغك تلاقيها عايزه تنزل تشتري لبس وحاجات بزياده واحناا الستاات كلنا بنعمل كده قال يعني نصااحه متزعلش انت في غربه وربناا اعلم بيك اتكلم معاها وقولهاا انا عمري ما اتاخرت عنك ليه تاخدي من ورايا وبكل هدوؤء وحنيه وربناا هيصلح حالهاا بس كله بالكلمه الحسنه وابموده والرحمه 🙂 ربنا يسعدكم ويهدي زوجتك ليك ياا رب