انا كنت مخطوبة لمدة سنة ونص وخطيبي كان طول الوقت بيعاملني وحش جدا وبقسوة وكان بيجرحني كتير ووقت ما كنت بحتاجله مكنتش بلاقيه وكنت متحمله اهانته واهماله ليا واما كنت بقوله انا مش هكمل معاك ساعتها بس كنت بحس انو شاريني لكن طول الوقت كان بيبيع فيا واما اتجوزنا من اول يوم وهوا بيضربني ضرب وحشي وبيشتمني كتير وبينكر كل اللي بعملو وبيقول لاهلو مش بتعمل يعني كل يوم اصحي من الساعة ٦ اجهزلو فطار عشان شغلو وبعد م يمشي يوميا اكنس واروق وابعتله غدا الورشه بتاعته ومش بقصر ف حاجه بينكر كل ده ويقول لاهلو دي كدابه مبتعملش اي حاجه وبيشتمني قدام اهلو ويقولي انا هغورك من هنا ومش هطلقك وهتجوز عليكي وبفرشك وهموتك بالبطئ وانا اعيط يقولي بطلي تمثيل وامه وابوه بيكونو قاعدين وبييجو عليا عشانو واتبهدلت معاه اخر بهدله واخر م تعبت روحت قولت لاهلي وانا قاعده عندهم بقالي اسبوع واما اهلي زعقولو وقاللولو ليه بتعمل كده نكر وحلف ع مصحف وقال انو عمرو م ضربني ولا شتمني ده انا اللي بشتمه وطلعني انا اللي وحشه …. انا نفسي اوي يبعد عني بقي وخايفه ليضغطو عليا ارجعلو قولولي اعمل ايه
عليك بالحسم أختي الكريمة مباشرة، فزوجك، عفوا، إنسان في منتهى الحقارة. جبان وكذاب، مش حينفعك، ولو رجعت ستجدين نفسك في دوامة عبثية، قال تعالى : وإن يتفرقا يغني الله كلا من سعته. فالطلاق هو الحل في حالتك. وإياك والتراجع إلا بشروط ثقيلة يلتزم بها كتابيا أمام القاضي أو المحامي. وعليك بأقناع أهلك بأنك صادقة وألا يغتروا بهذا الكذاب. أمامك فرصة واحدة وإلا ستضيعين للأبد.
شوفي يا اختي انا ما بحبش سيرة الطلاق وعلي فكرة انا برضوا في مشاكل كبيرة برضوا مع جوزي بس في حالتك دي جوزك مش طبيعي ولازم الطلاق والحقي نفسك ولو شايفه ان منه اي امل حاولي واصبري ولكي الاجر ده لو عندك عيال منه
اختى الغالبة لو الموضوع الضرب دا بستمرار زى ما بتقولى والكذب لو مش بيصلى يبق طلاق احسن عشان ممكن يحصل حاجات اكتر من كدا ان لو حالة اتصلح بقى كويس يبق ربنا يوافق ان شاء الله انتى اكثرى من الاستغفار والصلاة