زوجي لا يحب عمله ولا يوجد مسكن شرعي

متزوجة منذ سنتين وخمسة أشهر في السنة الأولى لزواجنا كان زوجي ملتزم بعمله وبعدها رجع لعادته القديمة لما كان أعزب رجع يبطل من الشغل ويومين يشتغل وعشرة لا وانا كنت متحملته وصابرة عليه وفوق كل هاد كان بيخوني وبيحاكي البنات ان كان عالواتس اب ولا عالفيس وكمان كنت اصبر وقول الله يهديه كمان ما كان يحب يمارس معي الجنس وبيتحجج كتير وكان يمارس العادة السرية لحاله كنت ساكنة انا وهو ببيت لحالنا بس كان البيت لحماتي وحماتي طمعت بدها تاخد البيت وتأجره يعني حبت المصاري ع حساب حياة ابنها وزوجة ابنها وابن ابنها كانت كل فترة والتانية تقنع جوزي بالسفر ع تركيا وحماتي غفلت ع انه جوزي اللي هو ابنها ما بيحب شغله لحتى اقتنع انه يسلمها البيت ويبيع عفش البيت كامل ما خلا منه قشة وفوق كل هاد حماتي اللي اشترت الاغراض وقرر انه يسافر لوحده لفترة كم شهر وبعدها بيبعت بياخدني انا وابني والله سافر بس ما غاب غير اسبوع وبعدها رجع ولما رجع قال ما استحمل الذل والاهانة بتركيا وشلحوني كل مصاريي بس في واحد ابن حلال قال لي شو الك قعدة بهالبلد وانت ما معك مصاري رح تعيش مذلول انا رح رجعك ع حسابي المهم المشكلة انه مافي مسكن الي ولجوزي ولابني ومافي مجال يستأجر بيت لأن مو قدرته في حلين يا أما نسكن عند بيت حمايي والبيت مكون من غرفتين غرفة لحماتي وعمي وغرفة عيش فيها انا وجوزي وابني وبنات حمايي تنتين وقوايا عالآخر وكمان في عندي سلف عزابي يعني رح عيش مذلولة ومنهانة والحل التاني اني عيش عند اهلي وكمان مافي مجال لأن في اخواتي البنات وبدهن ينحصرو جنب جوزي وحماتي رفضت ترجعلي بيتي بحجة انه أجرته وما بتطالع المستأجر منه وهلأ انا عند اهلي لاحشني جوزي ما عم يسأل عني وابني مو معي الي 20 يوم ما شفته بس عطوني الحل

مشاكل وحلول ذات صلة

• مجروحة وانقهرت ورحله خيانه زوجى مستمرة
• انا هطلق بسبب النت
• خيبة بعد الزواج واشمئزاز من زوجي
• انا زوجه تانيه وجوزي دايما بيكذب عليا
• اختي الكبيره وعينها القويه الحسوده
• زوجى يهددنى بالطلاق لانى بشك فيه
• خنت زوجي واتطلقت والان اريد حبيبي