السلام عليكم انا متزوجة من سنة ونصف وربنا اكرم عليا وهدانى بنوتة انا بشتغل معيدة بالجامعة فكنت بودى بنتى عند حماتى عشان اقدر اروح الشغل استمر هذا الحال حوالى خمسة شهور من غير اى مشاكل وفى يوم بنتى تعبت جداااا درجة حرارتها ٣٩ وفضلت اعمل كمدات واديها ادوية درجة الحرارة زى ما هى والغريبة انى كنت ساعتها عند اهل جوزى وكلكم بيقولولى عادى كل الاطفال بيجلهم سخونية كبرى دماغك فضلت اجرى ببنتى عند الدكاترة لانها ابتدت ما تكلش وعنيها ظهر فيها نقطة دم طلع عندها صديد فى زورها ومش بتعرف تبلع خالص الدكتور قالى اجرو بسرعة ادوها الحقنة دى وكنت انا وجوزى وحماتى فضلنا ندور على الحقنة كانت نقصة فى الصيدليات خليت حماتى تاخد البنت وتطلع وجريت اناوجوزى ندور على الحقنة لحد ما لقناها فجرينا على البيت فجوزى نده من تحتة نزلو البنت بسرعة باباة بصلنا وفجا لقناة بيقولنا لا بنقولة اية نزل البنت اعد يقول لالا افتكرنا البنت حصلها حاجة قولتلة نزل البنت بسرعة هتاخد حقنة راحو نزلوها جرينا وادناها الحقنة ولما روحنا البيت بيقولى انتى بتزعقيلى فى الشارع قولتلة لا انا مازعقتش انا قولتلك نزل البنت بسرعة فضل يزعقلى وانا كبرت دماغى فجوزى قال كلمة فضحكت فحمايا بيقولى ماانتى حلوة اهو وليكى نفس تضحكى امال بتمثلى لية انك زعلانة على بنتك اية الحركات الى بتعمليها دى قولتلة انا مش بعمل حركات هو انت حضرتك لما عيالك كانو بيعيو مكنتش بتجرى بيهم عند الدكتور قالى اة بس مش للدرجادى بمنتها البرود قولتلة ازاى يعنى الى انت بتقولة دة مافيش حد كدة اتحول وكان بالبلدى كدة بيردحلى قولت لجوزى يلا نمشى انا مقدرش اعيش مع حد بالاسلوب دة ومشينا فضلنا اسبوعين بعيدين عنهم ولا حد من اخواتة اتصل ولا حولو يصلحو الموضوع راح جوزى اتكلم معاهم فى الموضوع امبارح فى التلفون وكانت الصدمة ليا ولجوزى فضل اخواتة يقولو كلام محصلش خالص وبيقولو لجوزى مراتك بتزعق لابوك فى الشارع ومرة كانت نازلة رايحة الشغل مامتك بتقولها افطرى قبل ما تنزلى قالتلها انا مش جعانة انتى مابتفهميش واحنا سكتنا عشان منعملش مشاكل بينك وبين مراتك وانا اقسم بالله ما قولت كدة ولا عملت كدة وجوزى متعلق بأهلة جدااا ومنكد عليا وهو متأكد انى مظلومة مش عارفة اعمل اية ارجوكم ساعدونى البيت عندنا مولع من المشاكل وانا مش قادرة استحمل كل الظلم دة وحتى جوزى بيجى عليا عشان هو بيحب يسهر مع اخواتة ويعد معاهم انا تعبت وفكرت فى الانتحار اكتر من مرة ارجوكم ساعدونى
(ليس أقدر من الشخص نفسه على حل المشكلة فأنا لا أحل المشكلة جذريا ولكني أضيء لك الأنوار لترى جوانب لن تراها من نفسك )
بسم الله الرحمن الرحيم – أهل جوزك عايزين الضرب بالنار في ميدان التحرير – أنا عمري ماشفت حد يتكاسل عن الإهتمام بمريض فما بالك بفلذات أكبادنا ويتهكمون على أم رؤوم شغفت وكادت أن تنهار لأجل مرض أبنتها وسخونتها – اللهم سلم – عتابي على الزوج السلبي ماتفهم أبوك يبطل يعمل راسه براس مراتك التي تعتبر من دور بناته الصغيرين ولا أنا غلطان ياسي زوج ؟ ماشي ! سين من البنت وليس شرطا أن تكون إبنتي أو قريبة لي – إيه المانع أن أهتم بأمرها فقد قال الرسول الكريم صلى الله عليه وسلم (من لم يهتم بأمور المسلمين فليس منا) فما بألنا بطفلة عمرها سنه ونصف كادت أن تفقد حياتها لاسمح الله بسبب السخونة ولولا عناية الله ثم إهتمام أمها لتغيرت الأمور لكن لله جنود – أب المفترض أنه هو الذي يحمل الطفلة ويجري بها ليعلاجها يترك كل شيء ويتهكم عل الزوجه مدعيا أنها تطاولت عليه بالصوت العالي – ومالو ياعم الحاج كفته لو إنفعلت الأم وعندها كل الحق – إبنتها في خطر وأنت في غيبوبة أيها الجد العاق وإبنك السلبي لا يملك من أمره شيئا بنته مريضه وأبوه متخلف وأمه في الطراوة ولا أحد يشعر بأحد – ثم تأتي الزوجة الأم تريد الإنتحار بسبب عائلة لا تشعر بطفولة أبناءها
أنا لو عندي قطة مربيها في البيت ومرضت ما تقاعست عن الإهتمام بها لحظة فما بالنا بنفس إنسانية وخاصة أنها طفلة حتى متعرفشي تشتكي آلامها ولا تعرف تشيرأين الوجع – يا أيتها الزوجة الأم هتنتحري علشان حماك غليظ ولا يأبه بحفيدته ؟ ! المثل الفلاحي عندنا يقول (أغلا من الولد ولد الولد) ونسينا نطلع مثل يقول : (أظلم من الجد مفيش حد) بارك الله لك وهنيئا لك بدماثة خلقك
واقرأي رد المعلقة الكريمة ((سهام)) وحاولي الإستفادة من نصحها إنها تمالكت أعصابها وعلقت وأنا لم أستطيع التمالك بعد أن قرأت معاناتك مع حماك ربنا يحميه في فرن بلدي – وربنا يبعد عنك الشر وعن بنتك وعن القراء الأعزاء – ولك التحية
ى لالار ةللا ةىياؤتنهفعهبتى
المعلقة الكريمة / سهام كلامك رائع لكن هناك أمور يجب أن يحسمها الزوج لصالح زوجته أو لصالح المنطق وإذ لم يكن للزوجة مكانة معينة عند أهل زوجها فلا فائدة من الكلام والتدخل – واضح أن الشاكية مغلوبة على أمرها وأهل زوجها لم يستوعبوا يعنى إيه إبني أو بنتي مريضة أو حرارتها مرتفعة – ويتهكمون عليها ويدعون الافتراءات والتجني والملاحظات البيزنطية التي يوجهونها لاتسمن ولا تغني من جوع – ماعلينا حضرتك علقتي لصالح الوضع العام وحرصك على مصلحة الشاكية وأحييكي على نصحك لها ربنا يبارك لك – الإناء الطيب لاينضح إلا طيبا وإناءك مسك بإذن الله – وجاري نشر ردي حالا
سلام عليكم حبيبتي اولا حمدوالله على سلامة بنت وإنشاء الله تكون بخير ثانيا ليه ياحبيبتي كيدا عوزا تموتي كافرة بعد الشر عليكي ربنا يخليكي للبنوت الصغيرة مفيش ياحبيبتي بيت من غير مشاكل حاولي تصلحي الوضع شوية وخصوصا مع اهل زوجك معليش حاولي تنسي الكلام وحش علاش بيتك وزوجك وبنتك انتي طبعا حتقولي كرمتي معليش تجي عليها مرا دي اتصلي بحماتك وحماك وعزيميهم على العشاء وتاسيف لي حماكي وقوليلو سمحني والله يا عمي وحقك عليا انا مكنتش حاسة بقول ايه هذاك اليوم وجيبيلهم هدايا علشان الحياة تمشي وانتحار مش حل والله عن تجربة انا جت على كرامي كثر وفاكرا حجات كتير بس حتقولي اية هو دا جواز يوم حلو يوم مر الله يوفقك