تزوجت من 7 شهور كان اول شهرين من الزواج مشاكل بيني وبينه قولت طبيعي ومن شهر تغير كل شئ اول فترة خناقات ع اشياء غريبة والمفروض اننا قفلناها من ايام الخطوبة وجيه قالي روحي عند اهلك غيري جو وروحت ومامته اتصلت قالتي جوزك تعبان رجعت بسرعة الي انه تغير 180درجة المهم وجدت انه لا يتحدث نهائي لو كلمته يرد بالاشارات وساب الشغل وعايز يتدين اكتر مع العلم انه متدين وبيصلي في المسجد وع خلق عايز بقي يدين اكتر انا حاسه يبقي تشدد المهم باع الشبكة وبقينا بنصرف منها وقال الشغل حرام بيشتغل في شركة السجاير وبيتخيل اني بدعي عليه و اني ببص للشباب في الشارع وبقينا بنخرج بالعافية وانعزل تماما عن كل الناس ومش بينام غير بالمنوم وقولت لمامته عن حالته وقولت لازم يروح لدكتور نفسي مامته كانت زي كل يوم تقولي بكرة بعده ومش حاساها مخضوطه عليه زي المهم قولتلها ع دكتور وقولتلها انا مش هسيبه كده وحجزت وفي الوقت الي هنروح فيه قالي اه تعالي معايا نزل عند اهله وطلع قالي لا مش هتروحي شديت انا وهو ومش روحنا تاني يوم زي ما تقولو طردني ورحت بيت اهلي وقولت لازم اروح للدكتور معاه وروحت والدكتور قال انه عنده انفصام منزمن وهتيجي الحاله دي خلال حياته وسالت الدكتور ان حالته دي نتيجه الضغوط قالي لا دي من الاول يعني من زمان وهما خدعونا ومش قالو وجوزي قالي قبل كده ان اخوه مريض نفسي ورجعت عند اهلي علشان يعاتبه ع انه طردني وبابا قاله اني هغير جو وهتقعد يومين كده هو كل شوية يتصل ويقول هترجع ولا اطلقها ويقفل التلفون في وش بابا ومرة في وش ماما ومرة في وشي المهم انا كنت مشوشه اني اطلق ولا ارجع المهم قولت هرجع واستحمل رجعت كان اول يوم كويس تاني يوم رجع زي الاول مش في كلام ونفس تعبه قولت لمامته في العلاج قالتلي ان الدكتور شخصه غلط وراح لدكتور تاني علشان علاج الدكتور الاول دا تعبه وبقولها طيب هو مش بياخد علاج قالتي لا بياخد المنوم قولتلها لازم نروح لدكتور يعطيله العلاج المناسب لحالته قالتلي اه هنروح قولتلها وانا لازم اكون معاكو ولازم اقف جنب جوزي المهم هو قالي ان هنروح للدكتور بكرة تاني يوم كان جوزي عندهم تحت احنا ساكنين فوق بعض في بيت بتصل ع مامته بسال عليه موجود تحت ولا فين قالتلي اه عندنا بعدها بساعه بتصل قالتي دا راح يصلي قولت انزل اسالها ع الدكتور هيروحو امتي بدل ما اتصل لاني كنت شاكه كنت حاسه انها بتكذب نزلت لاقيت باباه قالي دي امه اخدته وراحت الدكتور طلعت اتصلت عليها بسالها قالتلي انه لسه مش جه من الصلاة وبقولها انتي فين قالتلي بجيب طلبات قولتلها انتي ليه بتكذبي عليا انتي عند الدكتور قالتلي مش اقصد علشان مش تزعلي وجو هبل كده ولما جات فضللت تبرر مبررات هبله مش تدخل دماغ حد وقولتلها انا عايزة العلاج والروشته قالتلي حاضر وبعدها نزلت وطلعت فضلت تبرر ومش جابت ولا العلاج ولا الروشته المهم ع اخر النهار لاقيت جوزي ماسك السكينة زي اكنه هيقتل حد فضل اتكلم ولهديه واخدت السكينه ومسكها تاني بعد ما سابها وقالي لو ربنا امرك انك تموتي نفسك هتعملي ايه فضلت اكلمه في الدين واقوله ان كده هتبقي كافر لحد ما اقتنع وانا بصراحه كنت نايمة خايفة لانه بيفضل رايح جي لما بيصحي بيفضل يجي عند السرير يبصلي اوي ويروح ماشي دا كده ع طول كنت خايف بقي في اليوم الي مسك السكينة المهم لاقيته بيصحيني ع الفجر وبيقولي انتي بتحبيني اصل انا شاكك انك بتحبي واحد غيري قولتله عيب الكلام دا عيب تقول لمراتك كده قالي لا اانتي بتحبي واحد غيري وقالي انا مش عايزك جنبي انتي طالق ونزل تحت وبعدها بشوية طلع وقالي انا اسف وانا رديتك لعصمتي اهلي جم الصبح واخدوني وزعقو مع اهله اني رجعت علشان اقف جنبه وهما بيخبو وبيكذبو وعايزين يسبتو ان دي اول مرة تحصله مع العلم ان امه في اول تعبه بسالها هيا الحاله دي جتله قبل كده قالتلي مرة في ثانوي واخته مرة تانيه سالتها قالتي مرة من سنتين انا كده اكون ظلمته او كده اكون قصرت قدام ربنا من ناحيته
اختي الفاضلة قرات مشكلتك بالكامل ووقفت عليها وعارف انك زوجة مظلومة ومخدوعة في هالزوج واهله ولاامل من شفاءه لذا انصحك باتخاذ القرار المناسب لحياتك وهو الطلاق من هالشخص المريض الذي فقد عقله وتفكيره واصبح خطرا عليك في اي لحظة ممكن يقوم بدون وعي ولاشعور وتحت تاثير مرضه ويقتلك او يطعن في شرفك واخلاقك انه كالمجنون لاحرج عليه لحدهنا وكفاية اللي بيحصل لك من هالعيلة اشتري سعادتك وكرامتك وانفذي بجلدك من هالعيشة وهالوضع اللي مااحد يرضى به ولايمكن التعايش معه وفوضي امرك لله عزوجل فيهم لانهم اخفوا عنك مرضه وخدعوك واسال الله ان يخلصك منه عماقريب ويكرمك بابن الحلال اللي يستاهلك ويصونك ويقدرك ويسعدك في حياتك القادمة