مشكلتى ان جوزى دلوقتى مقاطعنى ومبيكلمنيش بسبب امة للاسف متسلطة وهو ضعيف الشخصية قصادها يعنى اول ما بيشوفها وتعد معانا بيعد يشخط ويزعق فية ولا هموة رضاية خالص المهم يرضيها هى وبس ويرضى اخواتة حتى شتمتنى شتيمة وحشة اوى علشان بتكلم انى افرش شقتى لانى اتجوزت وسافرت علطول على السعودية واحنا بقالنا ٥ سنين متجوزين ولسة مفرشتهاش المهم شتمتنى علشان بنكلم على التلاجة والبوتجاز وكلمتنى بطريقة وحشة جدا وهو للاسف كان قاعد بيضحك ولا كانةشايف حاجة وللاسف دى مش اول اهانة كان لاباة قبل ما يموت بيهنى ويشتمنى وكنت بعد ساكتة واقول علشان مش عايزة اخرب بيتى بس للاسف لما كنت احكيلة يقولى دة ابوية وامى ودة اسلوبهم ومش هيغيروة ما اعن اخواتة التانين معززين مراتتهم جداا وعمللهم شخصية ومحدش يقدر يغلط فيهم المهم سكت على الشتيمة اللى شتمتهالى ولما نزلت مصر اجازة حكيت خرج هو واخوة ومراتة ومعبرنيش فلما زعلت واتخنقت معاة جابنى من غير شنطت هدومى ولا هدوم العيال انا قاعدة عند حماتى جابنى عند امى وابوية حكيت لماما وبابا اللى حصل وحكيت كمان اللى كان بيحصل معاة فالسعودية وجية اليوم اللى بعدية مطلع فية عيوب قد كدة فماما بتقولة ازاى امك تشتمها راح قالها دى كانت بتهزر معاها قالتلة مفيش هزار بالطريقة دى راح قام لبس الجذمة وحسبن علية ومشى وبعد اسبوع جى هو وامة واخوة اول ما دخل من باب الشقة شتيمة وقلة ادب واخوة قام ضرب ابوية وزقة راحت مامتة سحبت البت من جمبنا وفتحت باب الشقة وطلعة تجرى بيها روحت نزلت وراها وخدنا العيال منهم بس قعد يشتم هو وامة بقلة ادب للاسف امة هى البتكبر المواضيع وخربت على بيت ابنها دلوقتى انا عند امى وابوية وهو سافر تانى ورفعة علية قضية نفقة وطلاق للاسف هل انا غلط ولا هو ولا امة ولا مين بالظبط
ارجعي لامه وبوسي راسها واثبتي ليهم العكس وان هم ايلى غلط
وبعدين حبي ام جوزك واحترميها وبوسي ايديها قدام كل العيلة عشان جوزك يموت فيكى ويعرف انه غلطان معاكى
حبي امه يحبك لان اغلي حاجة عند الرجل هي امه وسيبك من وساوس الشيطان ايلى هتخرب عليكي
اختي العزيزة الغلط راكب زوجك وامه من راسهم لرجليهم وعاوزك تعرفي ان الزوج اللي مايصون مراته ولايحافظ على كرامتها يبقى مش راجل ولايستحق ان يكون رجل بمعنى الكلمة ولاخيرفيه ولافي العيشة معه على الاطلاق ولاانصحك بالرجوع له نهاية اطلبي الطلاق منه واصري على اخذه حتى لوكان عن طريق الخلع وطالبي بالنفقة والمصاريف لاولادك منه فهذا حقهم الشرعي لايسقط عنه ولايمكن اغفاله وانت خليك في بيت اهلك معززة ومكرمة حتى يكرمك الله عزوجل بالزوج الصالح اللي يقدرك ويصونك ويحافظ عليك ويسعدك في حياتك وتاكدي ان الطلاق احيانا يكون فيه الخير للمراة ونجاة لها من البقاء مع زوج لايحترم الحياة الزوجية ولايصون حقوق الزوجة ولايحافظ عليها اهم حاجة انك تخلصي منه ومن اهله وتصوني كرامتك وتحفظي حقوقك وحقوق اولادك الشرعية كالنفقة والمصاريف والله يجعلك مخرجا ويسترعليك ويصلح حالك