أنا عندي 28 سنة كنت مخطوبة عن حب لمدة سنتين ونصف , وزوجي كان وقتها دايما يأخر الزواج وكل مرة بحجة , لغاية ما خلصنا كل تجهيزات الزواج وماكنش له حجة , وقتها حصل ظروف في شغله واضطروا للاستغناء عنه , وقتها برده قال إنه مش ناوي يتجوز غير لما يلاقي شغل جديد , مع العلم إنه عنده شغل خاص , وقتها أنا أصريت إنه كده كتير ولازم نتجوز وأنا هاساعد في مصروفات البيت من مرتبي ودي طبعا كانت غلطة بدفع تمنها دلوقتي, وافق بعد إلحاح مني , واتجوزنا بالفعل ,وبالفعل بدأت أساعد في مصروفات البيت , لكن مع الوقت لاقيت إني بساعد بشكل كلي , مرتبي كله بيتصرف على البيت , ولما بيجيله فلوس بيشتري بيها حاجات على هواه , لبس , كتب,…., ولما اعترضت ابتدى يديني الفلوس بس بتبقى فلوس قليله جدا , لدرجة إنه بيعترض لو ركبت تاكسي وأنا مروحة من الشغل مع العلم إن ده كله من مرتبي , المشكله دلوقتي إنه بقالنا سنة كاملة معتمد عليا اعتماد كلي, وتقريبا لا يبحث عن عمل جديد ومكتفي بالعمل الخاص واللي دخله قليل جدا في هذه الأيام, والاعتماد كله عليا لدرجة إنه بيطلب مني نجيب تكييف جديد , نجيب تليفزيون جديد,….., المصيبة الكبرى بقى إنه رافض إني اخلف , طبعا عشان لو خلفت ممكن اقعد من الشغل , قولولي اتصرف إزاي واخليه يعتمد على نفسه ويشيل مسئوليتي
اختي مش عارف كان عقلك فين لما وافقت على الزواجة الشوم دي هذاشخص انتهازي واناني ولاعنده ذرة من الرجولة والنخوة على الاطلاق اجيبها لك من اخرها اخلعيه فورا واشتري سعادتك وراحة بالك واحمدي الله انو مافي اولاد يربطوك بهذا النكرة المتخلف حرام تضيع شبابك وصحتك وشقاءك على واحد كهذا حتى لوكنت بنت ذوات وعندك مال قارون ملزوم يصرف عليك ويوفر لك العيشة الكريمة ده مش راجل وعار على الرجالة تطلقي منه فورا والف منو يتمناك ياقمر هتلاقي ابن الحلال الصالح اللي يستاهلك ويقدرك ويسعدك في الحياة
روحى بيت اهلك لحد ما يتعدل بلا ارف