مشاكل الازواج

بحب جوزى بس كارهه حياتى معاه

اضيف بتاريخ: Thursday, January 13th, 2011 في 01:21

كلمات مشاكل وحلول: البنت, الحياة الزوجية, بابا, حب, ماما, مشاكل الازواج, مشاكل زوجية, مشاكل زوجية

18 رد to “بحب جوزى بس كارهه حياتى معاه”

1. جيجي

   

   03/07/2013 at 20:36

   كلهم كده و الله انا زوجي مش بيحب الخروج ابدا ابدا و لا اروح لماما و عايزني انزل اجيب كل حاجة و هو قاعد في البيت و كان بياخد فلوسيركلها اما كنت بشتغل و سايب عقله و بيمشي براي اي حد انا اتخنققققققققققققققت
2. El tayb

   

   14/03/2011 at 19:43

   على فكرة مشكلتك هاتتحل وحدها مع وجود اطفال ان شاء الله اولا هاتنشغلى جداومش هاتلاقى وقت للكلام دا غير انه هايبقى فى موضوعات للكلام عنهم واكيد اى رجل بيحب يسمع اخبار عياله دا غير ان الاولاد هايضغطوا عليه فى موضوع الفسح ويخرجوه وانت بكرة وبعده يبقوا هما اصحابك وتحكى معاهم زى ما كنت مع مامتك واكتر وربن يوفقك/
3. همسه

   

   17/01/2011 at 02:27

   يعنى 3سنين اكيد اتعودتى على طبعه عموما كل المشاكل تهون طالما فيه حب واحترام بين الزوجين مره كده البسى حاجه ملفته واتعطرى وحسسيه انك جميله اوى واعدى جنبه قوليله عاوزة اكلمك فى موضوع وقوليلو وحشنى صوتك وكلامك واتغزلى فيه هو كمان حيتجاوب معاكى اكيد وافتحى معاه كل اللى تاعبك بس برقه ودلع واحساس عالى يعنى انتى شديه ليكى وللكلام معاكى لو منفعش يبقى استحملى عيوبه لانك بتحبيه ولان مفيش حد خالى من العيوب وهو اهون كتير من غيره وحتتعودى على طبعه مع الايام وحيبقى شىء طبيعى
4. جميلة

   

   16/01/2011 at 20:45

   انا بقا جوزى برضه كدة بس وحياتك انا بمسكه واقولك لازم اتكلمواعده ادامى وافضل اتكلم وبعدين ابصله واقوله هو انا اعده امام ابو الهول طيب ابو الهول بيتكلم وضحكه واجرجره فى الكلام بعدين هو يفتح على الرابع ويفضل يصدعنى اقول يارته كان فضل ساكت ههههههه
5. الصديقه الوفيه

   

   16/01/2011 at 09:53

   صديقتى العزيزه العامل الرئيسى فى كل شئ فى البيت هو أنتى إذاكان هو ساكت أبدئى انت بالتكلم أسأليه عن أحوال شغله شو التغيرات اليوميه وكمان أقترحى الخروج فى الحدايق فى الليل حاولى تسويله جو شاعرى ألبسى الكثير من الثياب الملفته وسوف تلاحظين التغير والله الموفق
6. رومانسي

   

   15/01/2011 at 18:30

   هو فى حد بيتجوز ويتفسح فى نفس الوقت امال احنا بنتخطب لية؟ الخطوبة للفسح الجواز للبيت.دى قاعدة كلنا كدة.وبالنسبة لعدم الكلام دة سبحانة اللة جيناتهم كدة من عند ربنا على فكرة اة فى ناس بتقدر تتكلم بس طبعا مش زى البنات.انا عارفة انك محتاجة تتكلمى اقولك على طريقة.لو فى حاجة مضيقاقى اوى اكتبى فى ورقة مع نفسك وفضفضى وقطع الورقة بعد كدة.او قولى لجوزك نص ساعة انا هعد اتكلم معاك فيها مش محتاجة منك رد اسمعنى بس.وهزرى انتى وادلعى واضحكى واعمليلة مفاجات وخرجية من جو ان كل حاجة بتتكرر دى حببية فى المفاجات والهداية ابداى انتى وهو هيحب كدة ويتعود. المهم انك بتحبية وهو كمان .
7. دودو

   

   15/01/2011 at 09:39

   هى الرجاله كده تبقى بره البيت رغى مع اصحابها وضحك وفرفشه ويجوا البيت ساكتيين ومهمومين ومتنحين للتلفزيون ومش بينطقوا حاجه ممله بجد بس انتى ماتسكتيش زهقيه اتكلمى معاه وافضلى على قلبه لحد ماينطق وشغلى فيلم بيحبه واعدى كده جو رومانسى اخلقى حياه جديده كده يعنى
8. سلمى

   

   14/01/2011 at 19:15

   قرانتى بتحبيه صح حاولى تقربى منه بخفه ودلع اعرفى بيحب يه واتكلمى فيه قربى منه خليه يحس انه من غيرك ولا حاجه بس ده طبعا مش بالكلام ولا بالخناق ده بالفعل شوفى الى بيحبه واعمليه خليه ديما محور اهتمامك حسسيه بحيك بخوفك عليه حسسيه انه اقرب واغلى انسان عندك مش عايز يتكلم اتكلمى انتى بس فى موضوع مهم تخيلى انده لو ابنك وعنده مشكله او تعبان هتعملى ايه هتعملى اى حاجه عشان تخرجيه من مشكلته اتخليه يخف نفس النظام مع جوزك اعملى اى حاجه وشويه شويه هيتغير واوعى تملى وتزهقى شويه دلع وخفه وحب وحنان وخوف عليه واهتمام بيه هتخليه الى البنى ادم الى بتحلمى بيه
9. توتا

   

   14/01/2011 at 16:49

   معلش استحملى دة طبع مش هيغيرة ولو انتى بتحبية اوى استحميلية واصبرى معلش يا حبيبتى
10. هوان الحب

    

    14/01/2011 at 11:57

    زوجك انسان طيب وناس كتير طبعها كدة بس انت ممكن لما يعمل حاجه تفرحك تقولى له ان عايزاك كدة على طول , الله عليك لما تبقى رايق وتدلعيه اكتر , انا ما ليش غيرك احكى معاه وافضفض ابدأى انت بالكلام معاه او قوليله نفسى اخرج النهارده ابدأى عوديه على ان لك يوم للفسحة بس اوعى تعملى حاجه تضايقه فى خروجه حببيه فى الوقت اللى قعده معك دا جوزك مش حد غريب هاتتكسفى منه بس اختارى وقت مناسب للكلام وعلى فكرة مشكلتك هاتتحل وحدها مع وجود اطفال ان شاء الله اولا هاتنشغلى جداومش هاتلاقى وقت للكلام دا غير انه هايبقى فى موضوعات للكلام عنهم واكيد اى رجل بيحب يسمع اخبار عياله دا غير ان الاولاد هايضغطوا عليه فى موضوع الفسح ويخرجوه وانت بكرة وبعده يبقوا هما اصحابك وتحكى معاهم زى ما كنت مع مامتك واكتر وربن يوفقكم
11. المصرى

    

    14/01/2011 at 04:41

    انا شاب 27 سنه وفى كل تجاربى بواجه المشكله دى وبخاف من الجواز علشان ما اكونش كده، بس انا بحب اهزر واضحك بس مش بحب الرغى الكتير وبصدع من كتر الكلام، وبعدين قليل الكلام كثير الفعل ودايما الكلام الكتير مذموم مش محمود انما انتى مشكلتك فى انه مش بيسمعك وده غلط بس اصبرى وحاولى تحسسيه بالاهتمام وبانك نفسك تحكيله عن كل حاجه، جايز يهتم!!
12. إنسانة

    

    14/01/2011 at 03:14

    حاولى تتكلمى معاه فى المواضيع اللى هو بيهتم بيها ابتدى معاه كده وفيما بعد هيتعود على الكلام معاكى وساعتها هتقدرى تتكلمى معاه فى المواضيع اللى انتى عايزاها
13. حبيبة الرحمن

    

    14/01/2011 at 02:36

    ااظاهر اني كل الرجاله اكده الله يسمحك خلتيني اعيط الحل ترضي بنصيبك وانتي حاولي معاه واكيد زي مافيه العيب ده اكيد فيه مميزات دوري علي مميزاته ودوسي عليها والعبي عليها وقولي ليه انك حابه تتكلمي معاه وتخرجه مع بعض مش عارفه بس صدقيني لو عشتي حياتك لوحدك هاتبقه صعبه علي الست الجفاء من الراجل للست بيبقه صعب جدا مش عارفه اقول شي غير اني اقسم بربي عيط بس الفرق اني بقالي 7 سنوات وانا خلاص وهو اتعود علي اكده بس اللي يفرق مابينا انه جواز عادي من غير ومن غير اي شي عارفه من كتر مابخرج انا وبناتي لوحدي الناس بيحسوني مطلقه او ارومله فانتي ماتسبيش الوضع اكده لازم تعوديه علي طبعك لسه العمر وسنين الجواز العمر كله ليكم طويله
14. MIDOO

    

    14/01/2011 at 01:55

    بس اكيد فى مكافأه ليكي منه هتشوفيها واستحمليه دلوقتى بردو انتى عارفه الظروفه اللى الناس بتمر بيها اليومين دول يمكن مضغوط مكتاكب شويه وبردو ممكن تكون دى حياته قبل الجواز وانتى بايدك تغيريها واهم حاجه ان ماتحسسسهوش انك مخنوق او متضايقه منه بالعكس فهميه ان راحته من راحتك وانك اسعد انسانه معاه
    وصدقيني والله من غير الحاح والكلام ده هو اللى يجيى في يوم ويصدمك بالتغيير ده وساعتها هتتقولى الصبر الجميل
15. عيون عربية

    

    14/01/2011 at 01:46

    بصي عادة الستات هي اللي بتبدأ الكلام مع الراجل لأن ربنا جعل للمرأه قدرة على استخدام المعاني والكلمات اكتر من الراجل اما هو فعقلاني اكتر يعني تلاقي الرجاله في الحسابات والحاجات اللي محتاجه تفكير الستات في الحاجات اللي محتاجة فن واناقه وذوق,,, فالكلام من الحاجات دي شوفي ايه المواضيع اللي بيهتم بيها وحاولي يبقي عندك فيها دراية شويه واتكلمي معاه فيها هتلاقيه بيتجاوب معاكي وشويه شويه تخشي على المواضيع اللي بتهمك انتي .. وبعدين ياريت تجددي كلامك معاه يعني ميبقاش كلام مكرر كل يوم ..ولو معنكيش موضوع يجذبو متتكلميش هو مش كلام وخلاص يعني تسكتي برضو عشان يشتاق لكلامك معاه زيك كده وربنا يقربكو من بعض ويبعد عنكو كل شر
16. نورسين

    

    13/01/2011 at 11:54

    بسم الله الرحمن الرحيم
    هههههههه زوجك وحياتك قريبه الشبه بحياتى وزوجى فيه نفس الصفات .والطباع لا يمكن ان تتغير مهما عملت انصحك وانصح نفسى انك تتعودى على طباعه.واكيد هو بيحاول يتعود على طباعك .هو اكيد بيشوفك رغايه ودوشه ههههههههههه معلش بس المهم انك بتحبيه مفيش حلاوة من غير نار واعتبرى ان ده الفلفل والشطه بتوع حياتك وده ابتلاء من الله واعتقد ان لو ربنا كان رزقك بزوج بخيل او اى من الصفات الغير حميده كان حيبقى اصعب كتير .الحمد لله على نعمه حبك ليه وحبه ليكى .والله الموفق
17. حبيبة

    

    13/01/2011 at 04:56

    اصبرى وحاولى تستحمليه طالما بتحبيه
18. reda

    

    13/01/2011 at 01:33

    يا بنتي قربي انتي منه كلميه انت اضحكي معاه دلعيه ,و شوفي يمكن دا طبعه وشويه شويه يتغير شغلي مخك اكتر وانتو تبقو فل الفل