السلام عليكم انا متزوجه الحمد لله من شخص محترم ربناعوضني بيه بقالنا سنه .. مشكلتي اني كنت مخطوبه لشخص غير مسؤل من 3سنين وسبنا بعض ومن ضعفي لاني كنت بحبه حصل بنا تجاوزات كتير وانا ندمت ندم شديد وقتها وتبت الحمد لله وكنت وقتها صغير ومتخيله ان خلاص ده الي هيبقى جوزي وسبنا بعض ..المهم انا غيرت رقمي قلﻷ فرحي بكام يوم من سنه وبقالي كام يوم في حد بيتضل بيا ووصل لحساب الفيس بتاعي وبيقولي انه عارفني وعار عني كل حاجه واني لو نردتش عليه هيفضحني وهيكلم جوزي يحكيلهعن الماضي بتاعي وكل ده تهديدات في رسايل ع الموبايل ففهمت انه اكيد تبع خطيبي الاولاني مش عارفه اعمل ايه وخايفه يحكي لجوزي على كل حاجه فعلا ومش عارفه ازاي وصل لرقمي في كل وقت قعده منتظره ان حد يكلم جوزي ويحكيله وانا مش برد خالص على اتصالات الشخص ده ولا رسايلع بس مرعوبه ومش بنام خايفه بيتي يتخرب قولولي اعمل ايه
اختى الفاضله هذا فى الماضى الافضل انك تصرحى زوجك بكل شى ولا تردى عليه على الفيس ولا رسائل ولا اى شى كل ده هيكون ضدك ومتغيرش اميلك لو جوزك يعرفه
أولا ـ لن يتجرأ هذا الجبان ان ينطق بحرف لجوزك فهو مجرد ابتزاز رخيص حقير .
وإلا كان أجى اي واحد من الشارع ويقول لأي ست متجوزة هذا الإبتزاز الرخيص .
وما حدث بينك وبين خطيبك الاول الذي تركتيه انسيه تماما واعتبري انه لم يحدث بينكما اي شيئ وانه مجرد خطيب و تركتيه لأنكي اكتشفتي انه سيئ ليس إلا .
ثانيا ـ لا تردي على هذه الرسائل أبدا، وغيري رقم وشريحة الموبايل وحساب الفيس والايميل وانسيه تماما.
ثالثا ـ لو عاد وبعت رسائل ابلغي ابوكي أو احد اخوتك ليبعث له رساله انكم ستبلغون فيه الشرطه عندها ستعرفين كم هو جبان لأنه سيهرب بلا رجعه …
اختي المحترمه لاتنظري لاي تهديد منه ابدا لان الله سيكفيك شره
وعليك بهذا الدعاء (( اللهم اكفنيه بماشئت )) وكرري هذا الدعاء ع طول وعليك بصلاة الليل واثناء سجودك ادع بهذا الدعاء
واقسم بالله ان الله سينتقم منه
اختي اوعي تخافي لأني خوفك ده هيطمعه فيكي لأني هيبتزك كتير اوي ومش هيسيبك الا بفضيحه علشان كده ولا تردي عليه في اي حاجه … وكأنك مش شوفتي حاجه وهو لو لسه عنده ذرة انسانيه هيتحترم نفسه ويعرف انك عاوزه تعيشي حياه نضيفه ولو هو فعلا حيوان ومصمم علي كلامه يعمل اللي بعمله جوزك مش يقدر يحاسبك علي ماضي قبل ماتعرفيه بس حتي لو حصل وقال لجوزك وده احتمال ضعيف اوي انكري الكلام ده وقولي ده كدب وافتري… وربنا معاكي اختي … وابقي طمنينيا
اولا -لازم تعرفي مين هو هذا الشخص القذر الذي يهددك ثانيا – احتمال يكون صديق خطيبك الاولاني اواحد من طرفه لاجل ينكد عليك حياتك ويحاول ابتزازك من خلال هذة التهديدات ثالثا- ااياك ان تخافي منه او تضعف امام تهديده الرخيص والقذر كوني قوية وشجاعة واوقفيه عند حدوده وانك سوف تعطين رقمه للشرطة وهم ينصرفون معه ويلاقي جزاءه الرادع رابعا- لاتخبري زوجك بشي حتى لايشك فيك لانو بعض الرجال من مشكلة صغيرة يعملون منها قضية كبرى وقد يفهم انك على علاقة محرمة بهذا الشخص وانك خدعتيه طوال فتنرة زواجكما خامسا- لاتردي على رسائل هذا الحيوان السافل نهايا ومن الافضل تغيري الايميل بتاعك اوتلغيه نهايا وهو مش هيعملك حاجة لانو شخص جبان وتافهه وحقير وربنا يسترعليك ويكفيك شره
اولا الاشكال دى جبانه جدا لانه بيعمل غلط لازم تدى الرقم لحد من اهلك ويرد عليه ويقوله بالرسايل دى هروح بيها القسم وهعملك قضيه وساعتها هتلاقيه زى الكلب